9
Pinkaari Apirotantaniri
1 Okanta owakira yitanta-nakarori ipinkatha-ritzi Kiyamoriwiniki pinkathari Darío, itomi Asuero, iriitaki ishininka-mirinka Niyanki-wini-satzi. 2 Ikanta yitanakarori Darío ipinkatha-ritzi, ari noñaanatzirori naaka Daniel isankinari Kamantan-tzinkari Jeremías, tsika okanta-kota omonkaratajyaa 70 osarintsi imporokai-takirora Aapatyaawini, tima iro ikantakiriri pairani Pawa yoka Kamantan-tzinkari. 3 Ari nokowa-kotakiri Pawa namananiki, notziwintakari. Nokithaata-nakaro mirimasita-tsiri manthakintsi, saikawaitakina samanpoki. 4 Nokamaitakari namaniri Pawa, nokamanta-kotakiro noyaaripironka, nokantzi: “Asitanarí, awirokataki iriipirori, tzimatsi pisintsinka. Pimata-piintziro okaratzi pikasiya-kaantziri, poiñaarontziro pitakotanta, pitakota-piintari ikaratzi nintzimiri awiroka, ikaratzi kimisantzimiri. 5 Oshiki nokaaripiro-waijiitaki, nantasi-waijiitakaro nonintziri ti nosirita-kota-jyaami awiroka, nowashaanta-nakiro piñaani aajatzi pininta-kaantani. 6 Ti nonkimisanta-jiitiri pimpiratani-payi Kamantan-tzinkari-payi, iriitaki kinkithata-kowita-kamiri, ikimayi-witakari nowinkathariti, jiwari-payi aajatzi nowaisatziti-payi, maaroni naakaiti Israel-iiti. Iro kantacha oshiki nopiyatha-yitakami.
11 Tima maaroni Israel-iiti ipiyathatakaro piñaani, ti ininti inkimayitiro pikantziriri. Irootaki noñaanta-yitakarori naakaiti imishatai-takina, tima irootaki isankina-yitakiri pairani Moisés, pimpiratani. Tima oshiki nokaaripirotzi-mowaitakimi.
16 Pawá, pimatziro awiroka pikamiitha-siritzi pantzirora kamiitha-yitatsiri, pimpyaajiro piyatsimati okaratzi pitsimaa-waitakari Aapatyaawini-satzi, tima irootaki pinampi, irootaki pitasorintsita-kaani otzisi. Tima maaroni atziri ikaratzi saika-nampitzirori, ithainkima-waitakiro Aapatyaawini, okantakaan-tziro nokaaripiro-yitaki, aajatzi irasi nowaisatzitini-payi.
19 ¡Pinkimajina, Asitanari! ¡Pimpyaakota-jinaro nokaaripiro-waitaki! ¡Pinkimajina, pimpokanaki pinkisa-winta-jyaana! ¡Pantiro awiroka Asitanarí, tima awirokataki anintaa-waita-chani!”
20 Namanako-minthaitziro Aapatyaawini, nokanta-kowinta impyaakoi-tajinaro noyaaripironka, aajatzi irasi ashininka-payi, 21 tima aritaki siityaanaki, ari noñaakiri Maninkari ipaitai-tziri Gabriel yarapaaki, iriitaki noñiitakari chapinki nomisiriki. * siityaanaki = sirinkanaka ooryaatsiri ipomitanta-piintariri ipiraitari Tasorintsi-panko saikatsiri anta Aapatyaawiniki. 22 Ari ikantanakina Maninkari Gabriel: “Pinkimisanta-wakina Daniel, nopokatzii namitakotimi ontzimi piyotani pikimathatairo iroka-payi. 23 Oshiki ikowa-pirotakimi Asitairi, tima owakira pitanakaro pamani, ti ishintyaa yakakimi Pawa. Irootaki nopokantari noyotakaa-jimiro. Oninta-pirota pinkimisantawaki, ari onkantyaa piyotan-tyaari opaita-rika siyakaa-winta-chari pimisiri:
24 Ontzimatyii osamaniti onkarati 7, iro kantacha apiita-piintiro onkarati 70,
ari piñiirori onkarataji iwasankitai-tziri pishininka pinampi-tsitiki tasorin-tsita-tsiri.
Ari piñiirori onkarataji pipiyatha-waitaka, aajatzi pikaaripiro-waitaki.
Ari impyaakota-jimirori Pawa pikaaripiro-waitaki.
Tampatzika-siri inkantajyaa pinkatha-ritaa-tsini, ari inkanta-jita-tyiironi irirori,
Ari omonkarata-jyaari okaratzi piñaawya-yitakari, okaratzi ikasiya-kaantakiri Pawa.
Tzimatsi isaitaitiri, Tasoritsi-pirota-tsini.
25 Ontzimatyii pikimathatiro kamiithaini iroka:
Tima awisaki osamaniti onkarati 7, itanakyaaro aririka inintaitaki iwitsikai-tairo nampitsi Aapatyaawini,
Irojatzi yariitan-tajyaari iyosiitai-takiri Jiwari.
Tima inthonkai-tajiro owaankiiri-tsiti Aapatyaawini,
Aajatzi ikimitai-tajiro otanto-payi ithonka iwitsikai-tairo,
Osamaniti onkarati 7, iro kantacha apiita-piintiro onkarati 62.
¡Oshiki iñiitiro yasinonkaityaa, antaro owasiritaantsi onkantyaa!
26 Aririka awisanaki onkarati 7, iro kantacha apiita-piintiro onkarati 62.
Ari impokajiri pinkathari inkaratajiri iwayiriti,
Ari intsitoka-pajiri jiwari iyosiitai-takiri.
¡Yapiitajiro imporokaitiro Aapatyaawini aajatzi Tasorintsi-panko,
Yapiroi-tajiro airo iñiitairo,
Omapoka-sitajyaa onthonkajyaa,
Iroowaitaki omapokantzi amarani,
¡Manataantsi aajatzi apirotan-tatsiri,
Okaratzi ikamanta-jitzi-tantakari
Aikiro ijatakai-tatyiiro irojatzi onkaran-tapaa-kyaari!
27 Tima awisawaji onkarati 7,
Yoka kaari-pirori pinkathari tzimatsi ikasiya-kaantakiri irirori,
Tima oshiki tzimatsi yatziriti,
Iro kashitani awisawaji onkarati 7,
Airo isinitai-tantai ampajiri Pawa asitakaariri.
Anta pomitai-rontsiki itayiitziri atsipita-kaantsi,
Aritaki asitakaa-jyaari mapirotzirori ipinkai-tziri Pawa.
Ari onkarata-paaki iroka-payi, yapirotairi Pawa ipaitai-tziri Pinkaari Apirotan-taniri.”
*9:21 siityaanaki = sirinkanaka ooryaatsiri ipomitanta-piintariri ipiraitari Tasorintsi-panko saikatsiri anta Aapatyaawiniki.