81
Dughiar ekiabar ighiaba
Asap ighiar kam osiri.
Gumazir ighiar kamɨn faragha zuim, gumazibav kemeghtɨ me Gatɨn nguibamɨn gitabav sogham.
1 Godɨn e geghuva deragha en garim, e a bagh pamtem dɨmɨva bar akuegham.
E, ighiaba bangɨ Jekopɨn Godɨn ziam fam.
2 Ia faragh gitaba ko ukulelebagh ikararangɨva,
tambarinbav soghtɨ dar arareba deravɨrama otiv.
3 Dɨboboniba 10:10En isar ekiam otivamin dughiamɨn,
iakɨnir igiam otoghtɨ ia sɨghabagh ivi.
Egh iakɨnim izɨ pazaghar torimɨn tughtɨ,
ia ua sɨghabagh ivi.
4 Arazir God ifongezir kam, a Israelia e ganɨngi.
Kar bizir Jekopɨn God damuasa e mɨkemeziba.
5 God Isipia ko mɨsozir dughiam an akar kam, e Josepɨn ovavir boriba an e ganɨngi.
Kɨ akar otevir kam baragha fozir puvatɨ tina a mɨgei.
6 Kɨ orazi a kamaghɨn mɨgɨa ghaze,
“Ian dɨpɨzibar itir osɨmtɨziba, kɨ bar da adegha gɨfa.
Mɨtarir osɨmtɨzir ia ateriba,
kɨ da isa nguazim dafegha gɨfa.
7 Ua Me Ini 17:7; Dɨboboniba 20:13Ia osɨmtɨzir bar ekiam ikia nan deir dughiamɨn,
kɨ ian akura.
Kɨ overiamɨn pɨn, arariba dagarvazir naghɨn uan mogomer danganimɨn ikia,
ian dɨmdiam baregha a ikara.
Kɨ Meriban mozir pamɨn ikia,
ian nɨghnɨzir gavgavim gɨfofoghasa arazarazir mabagh ami.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
8 “Nan gumazamiziba, kɨ Akar Gavgavim ia mɨkɨm ia akɨrasa.
O Israelia, ia deraghvɨra nan akam baragh.
9 Ua Me Ini 20:2-3; Godɨn Araziba 5:6-7; 32:12; Onger Akaba 44:20; Aisaia 43:12Ia marvir guabar ziaba fan markɨ.
Ia kantrin igharazibar asebar ziaba fan markɨ.
10 Ua Me Ini 20:2; Onger Akaba 37:4; 107:9Kɨ Ikiavɨra Itir God, ian God.
Kɨ Isipɨn ia inigha azenan ize.
Ia nɨghnɨzir gavgavim na ikɨtɨ, kɨ bar deravɨra ia damuam.
Mati kuarazir nguzim akam akarigha itima, an amebam biziba atera iza an akam mɨkɨri.
11 “Nan gumazamiziba, me nan akaba baraghan aghua.
Bar guizbangɨra, Israelia uari abɨnigha nan apengan itir puvatɨ.
12 Jop 8:4; Aposel 7:42; Rom 1:24-26Kamaghɨn, kɨ me ataghizɨ me uan navibar kumigha uari uan arazir kurabar gɨn ghua,
uan ifongiabar bizibagh ami.
13 Kɨ kamaghsua, nan gumazamiziba Israelia nan akaba baragh
nan arazibar gɨn mangam.
14 “Me kamaghɨn damutɨ, kɨ zuamɨra uan gavgavir ekiamɨn men apanibav suegham.
Kɨ men apaniba bar me abɨnigham.
15 Nan aghuazir gumazamiziba, me atiatir ekiam sara na bagha izi.
Eghtɨ kɨ men apanimɨn ikɨ mamaghɨra ikiam.
16 Eghtɨ ia, kɨ dagher bar aghuiba ko,
ruarimɨn itir haniba ia danɨngtɨ, ia damɨ bar izevegham.”