10
Gumazim uabɨn akurvaghasa God ko mɨgei* Gumazir maba ghaze, Onger Akabar Akɨnafarimɨn sapta 10, a sapta 9ɨn akɨnafarir otevir mam.
1 O Ikiavɨra Itir God, nɨ manmaghsuavɨra nan saghuiamɨn tughav iti?
Kɨ osɨmtɨziba itir dughiabar, nɨ manmaghsuavɨra nan modi?
2 Onger Akaba 7:16; 9:15; Aghuzir Akaba 5:22Gumazir kuraba uari fa,
egha gumazir onganarazibagh amibagh asɨghasɨghasa men agɨntɨsi.
Nɨ me damightɨ, me nguazir torir gumazir igharaziba magɨrasa kuiziba,
me uari dar magɨrɨ.
3 Onger Akaba 94:4; Rom 1:32Gumazir kuram uabɨ fa,
uan navir averiamɨn aven itir arazir kurabagh ifonge.
Gumazir bizir avɨribagh ifongezim,
an akar kurabar Ikiavɨra Itir God mɨgɨava, akɨrim ragha a gasi.
4 Onger Akaba 14:1-2; 53:1Gumazir kuram ifaghata ghaze, kɨ bar bizibagh fo.
A ghaze, kɨ nɨghnɨzir aghuir avɨriba iti.
Egha God gɨnɨghnɨzir puvatɨ.
A ghaze, “God, arazir kurar kɨ amibar gari puvatɨ.
A nan arazir kaba ikaraghan kogham.”
5 Onger Akaba 12:5; Aisaia 26:11Gumazir kam amir biziba, da bar deraghavɨrama otifi.
Egha a ifaghata, bar tong nɨn nɨghnɨzibagh fozir puvatɨ,
egha uan apaniba men apanim gami.
6 Aisaia 56:12; Akar Mogomem 18:7A uabɨra uabɨ gɨnɨghnɨgha ghaze, kɨ tugha gavgafi.
Bizitam bar na munamadaghan koghtɨ,
kɨ osɨmtɨzitam batoghan kogham.
7 Jop 20:12; Onger Akaba 12:2; Rom 3:14An atamra paza bizibav gɨava, gumazamizir igharazibagh asɨghasɨghasa mɨgei.
A gumazamizibar amutɨ me atiatingasa, bizibar me gifara atamra mɨgei.
An arazir kuraba ko osɨmtɨzibar amutɨ da otivasa atamra bizibav gei.
8 Onger Akaba 17:11; Habakuk 3:14Gumazir kamaghɨn amim, nguibamɨn aven modoghav iti.
A ikɨ ganam, gumazir aghuim izɨtɨ an a mɨsueghtɨ an aremegham.
A gumazir gavgaviba itir puvatɨziba bagha modoghav ikia gari.
9 Onger Akaba 17:12; Maika 7:2A laionɨn mɨn uan torimɨn modogha gara iti.
A modogh ikɨ egh gumazir onganarazibagh amibar suighasa.
A uan iver ekiamɨn men pɨgha men suigha me amɨkɨrvagha zui.
10 Gumazir kurar kam nɨmɨram apiav ikia gara,
gumazir gavgaviba puvatɨziba,
a uan gavgavir ekiar kamɨn me abɨri.
11 Jop 22:13; Onger Akaba 94:7; Esekiel 9:9Gumazir kuram kamagh nɨghnɨgha ghaze,
“God ti arazir kurar kɨ amir kaba, mɨghɨgha dagh nɨghnɨzir puvatɨ.
A uan damazimning dukuagha, nan garir puvatɨ.”
12 O Ikiavɨra Itir God, nɨ dɨkavigh izɨ!
Egh gumazir kurar kaba ivezir kuram isɨ me danɨngigh!
Nɨ osɨmtɨziba aterir gumazamiziba, me bakɨnɨghnɨghan markɨ!
13 Gumazir kuram akɨrim ragha nɨ gasaragha uan navir averiamɨn ghaze,
“God ti, kɨ amizir arazir kurar kaba uam ada ikaraghan kogham.”
14 Onger Akaba 68:5; 2 Timoti 1:12; 1 Pita 4:19Gumazamizir kurabar arazir kuraba, nɨ dar ganigha gɨfa.
Egha mɨzaziba ko, osɨmtɨzir me gumazamizir igharazibagh anɨdiba, nɨ dagh fogha gɨfa.
Nɨ osɨmtɨziba aterir gumazamizir kabar akurvaghasa mɨzua iti.
Nɨ zurara, borir afeziaba ariaghireziba, ko gumazir gavgaviba puvatɨgha uari isa nɨ ganɨdiba, nɨ men akurvasi.
15 Nɨ gumazir kurar kabar gavgavim bar anegɨfagh.
Egh me amir arazir kurar kam uam an ganan kogham.
16 Onger Akaba 145:13; Jeremaia 10:10; Daniel 4:34; 1 Timoti 1:17Ikiavɨra Itir God atrivimɨn ikɨ mamaghɨra ikiam.
Egh a uan nguazimɨn, Kantrin Igharazibar Gumazamizir kuraba batueghtɨ,
me bar moghɨra gɨvagham.
17 Ua Me Ini 22:23; Onger Akaba 9:12O Ikiavɨra Itir God, gumazamizir osɨmtɨziba atera nɨn apengan itiba,
nɨ men dɨmdiam baragh gavgavim isɨ
men navir averiabar anɨngigh.
18 Onger Akaba 82:3; Aisaia 11:4Nɨ, borir afeziaba ariaghireziba ko, gumazir osɨmtɨziba itiba, nɨ men arareba baragh men akuragh.
Nɨ uan guizɨn arazimɨn men araziba tuisɨghtɨ me ikɨ.
Eghtɨ nguazimɨn gumazamiziba uam osɨmtɨzim me darɨghan kogham.
*^ Gumazir maba ghaze, Onger Akabar Akɨnafarimɨn sapta 10, a sapta 9ɨn akɨnafarir otevir mam.
10:2: Onger Akaba 7:16; 9:15; Aghuzir Akaba 5:22
10:3: Onger Akaba 94:4; Rom 1:32
10:4: Onger Akaba 14:1-2; 53:1
10:5: Onger Akaba 12:5; Aisaia 26:11
10:6: Aisaia 56:12; Akar Mogomem 18:7
10:7: Jop 20:12; Onger Akaba 12:2; Rom 3:14
10:8: Onger Akaba 17:11; Habakuk 3:14
10:9: Onger Akaba 17:12; Maika 7:2
10:11: Jop 22:13; Onger Akaba 94:7; Esekiel 9:9
10:14: Onger Akaba 68:5; 2 Timoti 1:12; 1 Pita 4:19
10:16: Onger Akaba 145:13; Jeremaia 10:10; Daniel 4:34; 1 Timoti 1:17
10:17: Ua Me Ini 22:23; Onger Akaba 9:12
10:18: Onger Akaba 82:3; Aisaia 11:4