25
Gumazim, God an daroriba deragh dar ganɨva a ko ikiasa, a God ko mɨgei
Devit onger akar kam osiri.
1 Onger Akaba 86:4; 143:8O Ikiavɨra Itir God,
kɨ datɨrɨghɨn uan navir averiamɨn aven nɨn ziam fava nɨn azai.
2 Onger Akaba 31:1; 41:11Nɨ nan God, ezɨ kɨ nɨghnɨzir gavgavim nɨrara iti.
O God, nan nɨghnɨzir gavgavir kam pura mangɨghtɨ kɨ aghumsɨghan aghua.
Nɨ nan akuraghtɨ,
nan apaniba na abɨragh na dɨpovan kogham.
3 Aisaia 49:23Gumazamizir nɨghnɨzir gavgavim nɨn itiba,
apaniba me abɨn aghumsɨzim me danɨngan kogham.
Gumazamizir pura nɨn akaba batoziba,
merara aghumsɨzim iniam.
4 Onger Akaba 27:11; 86:11O Ikiavɨra Itir God, nɨ uan arazir aghuiba nan akakagh.
Egh tuavir kɨ mangamiba, nɨ dar nan sure damu.
5 Onger Akaba 40:1; 43:3; 79:9Nɨ nan God, nɨ nan akuragha ua na ini.
Kamaghɨn, nɨ uan guizɨn akamɨn gɨn mangamin arazibar nan sure damutɨ,
kɨ dughiabar zurara nɨghnɨzir gavgavim nɨn ikiam.
6 Onger Akaba 98:3; 103:17O Ikiavɨra Itir God, nɨn arazir aghuim ko apangkuvir arazir nɨ e gamiba,
da fomɨra ikia iza datɨrɨghɨn iti.
Nɨ datɨrɨghɨn ua dagh nɨghnɨghɨva dar amu mangɨvɨra ikɨ.
7 Jop 13:26; Onger Akaba 31:19; 51:1Kɨ uan igiamra ikiava amizir arazir kuraba, ko nan arazir akaba batoziba,
nɨ dagh nɨghnɨghan markɨ.
O Ikiavɨra Itir God, nɨ deragha na gamua bar nan apangkufi,
kamaghɨn amizɨ nɨ na gɨnɨghnɨgh.
8 Onger Akaba 32:8; 86:5; 92:15Ikiavɨra Itir God bar dera, ezɨ an araziba bar guizbangɨra.
Kamaghɨn amizɨ, a gumazamizir arazir kurabagh amiba,
a uan arazibar gɨn mangasa men sure gami.
9 Onger Akaba 23:3; 27:11Gumazamizir uari abɨra an apengan itiba,
a men faragha ghua tuavim men akakazima, me arazir aghuibaram ami.
Egha arazir a ifongezibar men sure gami.
10 Onger Akaba 40:11; 103:18Gumazim Ikiavɨra Itir Godɨn Akar Dɨkɨrɨzir Gavgavim ko an Akar Gavgavibar gɨn zuima,
an an apangkuvighavɨra iti.
Egha a mɨkemezɨ moghɨra deragha bizibagh amua,
uan nɨghnɨzim gɨghavkɨrir puvatɨ.
11 Ua Me Ini 34:9; Onger Akaba 79:9O Ikiavɨra Itir God, nan arazir kuraba bar avɨraseme.
Kamaghɨn, nɨ uan ziam bagh uan akar dɨkɨrɨzimɨn gɨn mangɨ,
nan arazir kuraba gɨn amadagh.
12 Gumazir Ikiavɨra Itir Godɨn atiatia an apengan itim,
Godra, a bagha atɨzir tuavir aghuim an akaghtɨ,
an an mangam.
13 Onger Akaba 69:36; Aghuzir Akaba 1:33; Jeremaia 23:6Gumazir kam zurara dabirabir aghuim inivɨra ikiam.
Eghtɨ an ovavir boriba nguazir aghuir kam inightɨ,
a men nguazim gavagh ikɨ kamaghɨra ikiam.
14 Jenesis 17:1; Jop 29:4; Aghuzir Akaba 3:32Gumazamizir Ikiavɨra Itir Godɨn atiatia an apengan itiba,
a men namakam gami.
Egha uan Akar Dɨkɨrɨzir Gavgavim azenara anekazɨ
me a gɨfo.
15 Onger Akaba 123:2; 124:7Kɨ zurara uabɨn akurvaghasa Ikiavɨra Itir Godɨn gara a mɨzuai,
ezɨ a bizir na gasɨghasɨghasava amibar aven ua na isi.
16 Onger Akaba 69:16; 143:4O God, kɨ uabɨra ikia osɨmtɨzim aterima nan gavgaviba bar gɨfa.
Kamaghɨn amizɨ nɨ nan kuarkuvigh na bagh izɨ.
17 Onger Akaba 40:12; 107:6Osɨmtɨziba nan navimɨn aven ikia ekɨva ghuavɨra iti.
Nɨ nan akuraghtɨ osɨmtɨzir kaba na abɨnan markɨ.
18 Onger Akaba 31:7; 103:3Nɨ nan osɨmtɨziba ko mɨzazibar gan,
egh nan arazir kuraba gɨn amadagh.
19 Onger Akaba 3:1-2; 9:13Nɨ ge, nan apaniba bar avɨrasemegha,
bar nan aghuagha guizbangɨra nan apanim gami.
20 Nɨ nan akuragh deragh nan gantɨ,
me na abɨntɨ kɨ aghumsɨghan kogham.
Nɨrara nan akurvasi,
ezɨ kɨ nɨ bagha iza nɨn aven modi.
21 Onger Akaba 41:12Nɨn araziba dera, egha bar guizbangɨra.
Ezɨ kɨ nɨghnɨzir gavgavim nɨn ikia nɨ mɨzua ghaze,
nɨ zurara na geghuv deragh nan gan.
22 Onger Akaba 130:8O God, nɨ uan gumazamiziba Israelia ua me inightɨ,
osɨmtɨzir kaba ua me abɨnan kogham.
25:1: Onger Akaba 86:4; 143:8
25:2: Onger Akaba 31:1; 41:11
25:3: Aisaia 49:23
25:4: Onger Akaba 27:11; 86:11
25:5: Onger Akaba 40:1; 43:3; 79:9
25:6: Onger Akaba 98:3; 103:17
25:7: Jop 13:26; Onger Akaba 31:19; 51:1
25:8: Onger Akaba 32:8; 86:5; 92:15
25:9: Onger Akaba 23:3; 27:11
25:10: Onger Akaba 40:11; 103:18
25:11: Ua Me Ini 34:9; Onger Akaba 79:9
25:13: Onger Akaba 69:36; Aghuzir Akaba 1:33; Jeremaia 23:6
25:14: Jenesis 17:1; Jop 29:4; Aghuzir Akaba 3:32
25:15: Onger Akaba 123:2; 124:7
25:16: Onger Akaba 69:16; 143:4
25:17: Onger Akaba 40:12; 107:6
25:18: Onger Akaba 31:7; 103:3
25:19: Onger Akaba 3:1-2; 9:13
25:21: Onger Akaba 41:12
25:22: Onger Akaba 130:8