23
E Isuse hovavne tužinena anglo Pilat hem anglo Irod
(Mt 27,11–14; Mk 15,1–5; Jn 18,28–37)
1 Tegani sare kola inele ko sabor uštine hem legarde e Isuse koro Pilat, e rimesoro upravniko, 2 hem lelje te vaćeren protiv oleste: “Akale manuše arakhljam sar zavodini amare narodo hem vaćeri lenđe te na platinen o porez e carose, a pese vaćeri dai o Hrist, amaro caro.”
3 Tegani o Pilat pučlja e Isuse: “Tu li injan o caro e Jevrejengoro?”
A o Isus phenđa: “Ađahari sar so phenđan.”
4 Tegani o Pilat phenđa e šerutne sveštenikonenđe hem averenđe kola inele adari: “Na arakhava nisavi krivica upro akava manuš!”
5 Ali on na ačhavde te vičinen: “Ple sikavibnaja vazdela pobuna maškaro manuša ki sa i phuv e jevrejengiri. Lelja te ćerel adava ani regija Galileja hem alo čak đi akate ani diz Jerusalim!”
6 A kad o Pilat šunđa adava, pučlja len nane li o Isus tari Galileja. 7 I kad phende lese dai o Isus tari Galileja, o Pilat bičhalđa le koro Irod, kova vladinđa ani Galileja. A baš adala dive o Irod inele ano Jerusalim.
8 Kad o Irod dikhlja e Isuse, but inele radosno adalese so pana oto angleder manglja te dikhel le adalese so but šunđa olestar hem nadisalo da o Isus ka ćerel nesavo čudo anglo leste. 9 But so pučlja le, ali o Isus ništa na vaćerđa lese. 10 A adari terđona ine o šerutne sveštenici hem o učitelja e Zakonestar vaćerindoj zorale protiv o Isus. 11 A o Irod hem lesere vojnici ponizinde e Isuse hem marde muj oleja. Urjavde le ano carsko fostani hem tegani o Irod bičhalđa le palal koro Pilat. 12 Angleder o Irod hem o Pilat na inele ano šukar odnosija, a adava dive ule amala.
O Pilat ćerela e narodosiri volja ađahar so osudini e Isuse ko meriba
(Mt 27,15–26; Mk 15,6–15; Jn 18,39–19,16)
13 A o Pilat vičinđa kora peste e šerutne sveštenikonen, e vođen hem e narodo, 14 i phenđa lenđe: “Anđen kora mande akale manuše vaćerindoj da vazdela pobuna maškaro narodo. Ače, angla tumende pučljum le adalestar, ali na arakhljum nisavi krivica zaki savi tumen tužinena le. 15 A ni o Irod na arakhlja upro leste krivica i adalese bičhalđa le palal kora amende. Akava manuš na ćerđa ništa savese avela meriba. 16 Adalese samo ka naredinav te šibinen le, i ka mukav le.” 17 * Ano nesave purane grčka rukopisija terđola: “A valjanđa zako prazniko te mukel lenđe jekhe phandle manuše.” Dikh Mt 27,15; Mk 15,6.
18 Ko adava sare so inele adari vičinde: “Mudar adale manuše, a muk amenđe e Varava!” 19 (O Varava inele phandlo adalese so učestvujinđa ani pobuna savi inele ano Jerusalim hem adalese so mudarđa nekas.) 20 A o Pilat, adalese so manglja te mukel e Isuse, palem vaćerđa olencar, 21 ali on vičinde: “Čhiv le ko krsto! Čhiv le ko krsto!”
22 A o Pilat palo trito puti phenđa lenđe: “A savo bišukaripe ćerđa akava manuš? Na dikhava sose valjani te merel. Ka naredinav te šibinen le, i ka mukav le.”
23 Ali on na ačhavde te vičinen oto sa o glaso rodindoj te čhivel e Isuse ko krsto. I lengoro vičiba inele sa po zoralo hem po zoralo. 24 I adalese o Pilat odlučinđa te del len adava so mangena. 25 Muklja okole kova inele phandlo zbog i pobuna hem zbog o mudariba, a e Isuse dinđa ko vojnici te ćeren oleja adava so o narodo manglja.
E Isuse čhivena ko krsto hem marena muj oleja
(Mt 27,32–44; Mk 15,21–32; Jn 19,17–27)
26 Sar legarena ine e Isuse te mudaren le, dolinde nesave Simone tari Kirinija† Kirinija inele diz ki severno Afrika. sar taro polje đerdini ine ko Jerusalim.‡ sar taro polje đerdini ine ko Jerusalim Akate o polje odnosini pe upro gav. Akate na mislini pe da o Simon ćerđa buti pese ko polje, adalese soi o anav Simon jevrejsko, a e Jevrejenđe na inele muklo te ćeren buti ko nesave bitna praznici sar soi i Pasha. Čhivde o krsto upro leste hem terinde le te akhari le palo Isus. 27 Palo Isus dželo baro narodo maškaro kolende inele hem o đuvlja kola runde hem žalinde le. 28 Ali o Isus irinđa pe nakoro lende hem phenđa lenđe: “Đuvljalen taro Jerusalim, ma roven zbog adava so ka ovel maje, nego roven zbog adava so ka ovel tumenđe hem tumare čhavenđe. 29 Adalese so, ače, avena o dive§ Esavke dive ale 70 berš palo Hrist. E rimesiri vojska opkolinđa hem uništinđa i diz Jerusalim hem mudarđa bute Jevrejen. kad o manuša ka vaćeren: ‘Bahtalei o đuvlja kolai bizo čhave, kola na bijande hem na dinde čuči.’* Bahtalei o đuvlja kolai bizo čhave, kola na bijande hem na dinde čučiKo original terđola: “Bahtalei o đuvlja kola našti ine te ačhon khamne, o vođija save na bijande hem o čučija savendar na pilja pe.” Akate vaćeri pe adalestar da “ko adala dive” o čhave taro Jerusalim but ka patinen. Tegani o manuša ka smatrinen dai po šukar okolenđe kolen nane čhave, adalese so nane te dikhen pumare čhaven sar patinena ili sar merena. 30 Tegani ka molinen e planinen te peren upro lende hem e bregonen te učharen len. 31 Adalese so, te ađahar ćerela pe mancar kova injum sar jekh sapano kaš, sigurno po bišukar ka ćerel pe e manušencar kolai sar o šuke kašta.”† Akava upozorenje koristini pe sar metafora. O šuko kaš thabljola po zorale e sapane kaštestar. O thabljojbai akate metafora zako patnje ili zako kazne. O Isus inele sar sapano kaš adalese so na zaslužinđa te thabljol (te patini). O manuša kola odbinde e Isuse inele sar šuko kaš. On zaslužinde te thabljon (te patinen) zbog pumare grehija.
32 A e Isuseja inele legarde pana duj manuša te oven mudarde. Adala manuša ćerde bišukar buća. 33 I kad resle ko than vičime Kokalo e šeresoro, o vojnici čhivde ko krsto e Isuse hem čhivde adale manušen ko avera krstija: jekhe oti lesiri desno, a e dujtone oti lesiri levo strana.
34 O Isus phenđa: “Dade Devla, oprostin lenđe, adalese so na džanen so ćerena!”‡ O Isus phenđa: “Dade Devla, oprostin lenđe, adalese so na džanen so ćerena!” Akala lafija nane ano nesave grčka rukopisija. Tegani o vojnici frdinde barbuti hem ađahar delinde maškara pumende e Isusesere šeja.
35 But manuša terdine adari te dikhenfse, a e jevrejengere vladarija marde muj e Isuseja vaćerindoj: “Averen spasinđa, akana nek spasini korkoro pes tei čače ov o Hrist e Devlesoro, o Birime!” 36 Hem o vojnici marde muj e Isuseja. Ale uzalo leste hem kaninde le ušli mol,§ kaninde le ušli mol Averčhane: “kanindoj e Isuse te pijel ušli mol.” I ušli mol inele jeftino piće savo pijena ine o obična manuša. O vojnici marde muj e Isuseja ađahar so dinde jeftino piće nekase ko vaćeri dai caro. 37 vaćerindoj: “Te injan o caro e jevrejengoro, spasin tut!” 38 A upreder lesoro šero terdino znako kote inele pisime: Akavai o caro e jevrejengoro .
39 Jekh okole dujendar kola inele čhivde ko krsto vređinđa e Isuse vaćerindoj: “Te injan o Hrist, sose na spasineja tut hem amen?”
40 A o dujto manuš ukorinđa adale so vređinđa e Isuse: “Sar na daraja e Devlestar? Hem tu injan ađahar osudime sar soi ov. 41 Ali amen pravedno injam kaznime zbog amare bišukar buća, a akava manuš na ćerđa nisavo bišukaripe.” 42 Tegani phenđa: “Isuse, mislin mandar hem ov maje milostivno kad ka vladine sar caro.”* Ko original terđola: “Isuse, setin tut maje kad ka ave ano to carstvo.”
43 A o Isus phenđa lese: “Čače vaćerava će, avdive ka ove mancar ano raj!”
Ple meribnaja, o Isus mothoj butenđe da nane krivo
(Mt 27,45–56; Mk 15,33–41; Jn 19,28–30)
44 A ko ekvaš o dive, i tomina učharđa sa i phuv hem ađahar inele trin saća† Ko original terđola: “taro šofto đi ko enjato sati”, palo e rimesoro računiba o vreme, ano saveste o dive počinđa ko šov o sati sabajle., 45 adalese so o kham kalilo. A e hramesiri zavesa‡ e hramesiri zavesa Adaja zavesa inele prekalo 25 metarija uči hem odvojinđa o naj sveto than oto ostatak e hramesoro. pharavdili ko ekvaš. 46 A o Isus vičinđa oto sa o glaso: “Dade, tuće ano vasta mukava o duho mlo!” Kad phenđa adava, mulo.
47 A kad e rimesoro kapetani dikhlja so ulo, slavinđa e Devle vaćerindoj: “Čače akava manuš inele pravedniko!” 48 But manuša kola čedinde pe adari te dikhenfse, irindoj čhere khuvena pe ine ko gruđa adalese so ine lenđe žao. 49 A sa e Isusesere pendžarutne, đi o đuvlja kola phirde palo leste pana tari Galileja, odural terdine hem dikhle sa adava.
E Isusesoro telo čhivena ano grobo
(Mt 27,57–61; Mk 15,42–47; Jn 19,38–42)
50-51 Inele jekh manuš palo anav Josif tari Arimateja, diz ani Judeja. Ov inele šukar hem pravedno manuš kova adžićeri ine e Mesija te anel o carstvo e Devlesoro. Iako inele člano oto e jevrejengoro odbor, na složinđa pe adaleja so inele odlučime te roden o Isus te ovel mudardo. 52 Ov dželo koro Pilat hem rodinđa te den le o telo e Isusesoro. 53 Tegani huljavđa e Isusesoro telo taro krsto, paćarđa le čaršaveja hem čhivđa le ano grobo savo inele ćerdo ano bar, ano savo pana nijekh na inele čhivdo. 54 Adava dive inele dive kad o manuša spreminde pe zako savato savo samo so na ine te avel.
55 A o đuvlja, kola ale e Isuseja tari Galileja, džele e Josifeja hem dikhle sar e Isusesoro telo inele čhivdo ano grobo. 56 I irinde pe adari kaj bešena ine hem spreminde o mirisija hem o mastija savencar te makhen e Isusesoro telo. Ali kad završinde adava, već alo o savato i adava dive na ćerde ništa poštujindoj i naredba oto Zakoni e Mojsijasoro.
*23,17 Ano nesave purane grčka rukopisija terđola: “A valjanđa zako prazniko te mukel lenđe jekhe phandle manuše.” Dikh Mt 27,15; Mk 15,6.
†23,26 Kirinija inele diz ki severno Afrika.
‡23,26 sar taro polje đerdini ine ko Jerusalim Akate o polje odnosini pe upro gav. Akate na mislini pe da o Simon ćerđa buti pese ko polje, adalese soi o anav Simon jevrejsko, a e Jevrejenđe na inele muklo te ćeren buti ko nesave bitna praznici sar soi i Pasha.
§23,29 Esavke dive ale 70 berš palo Hrist. E rimesiri vojska opkolinđa hem uništinđa i diz Jerusalim hem mudarđa bute Jevrejen.
*23,29 Bahtalei o đuvlja kolai bizo čhave, kola na bijande hem na dinde čučiKo original terđola: “Bahtalei o đuvlja kola našti ine te ačhon khamne, o vođija save na bijande hem o čučija savendar na pilja pe.” Akate vaćeri pe adalestar da “ko adala dive” o čhave taro Jerusalim but ka patinen. Tegani o manuša ka smatrinen dai po šukar okolenđe kolen nane čhave, adalese so nane te dikhen pumare čhaven sar patinena ili sar merena.
†23,31 Akava upozorenje koristini pe sar metafora. O šuko kaš thabljola po zorale e sapane kaštestar. O thabljojbai akate metafora zako patnje ili zako kazne. O Isus inele sar sapano kaš adalese so na zaslužinđa te thabljol (te patini). O manuša kola odbinde e Isuse inele sar šuko kaš. On zaslužinde te thabljon (te patinen) zbog pumare grehija.
‡23,34 O Isus phenđa: “Dade Devla, oprostin lenđe, adalese so na džanen so ćerena!” Akala lafija nane ano nesave grčka rukopisija.
§23,36 kaninde le ušli mol Averčhane: “kanindoj e Isuse te pijel ušli mol.” I ušli mol inele jeftino piće savo pijena ine o obična manuša. O vojnici marde muj e Isuseja ađahar so dinde jeftino piće nekase ko vaćeri dai caro.
*23,42 Ko original terđola: “Isuse, setin tut maje kad ka ave ano to carstvo.”
†23,44 Ko original terđola: “taro šofto đi ko enjato sati”, palo e rimesoro računiba o vreme, ano saveste o dive počinđa ko šov o sati sabajle.
‡23,45 e hramesiri zavesa Adaja zavesa inele prekalo 25 metarija uči hem odvojinđa o naj sveto than oto ostatak e hramesoro.