17
Yawe God ivimiiba da yana wawaya iniwouwamiredi
22 Mmko na metagha Yawe God iwona,
“Tagu wosina ragharagha karapumkina anakabi, kii kana waghawagha sida,
bi kiina gekirakiina debane Tagu numonumona anakiyapiini da koya gekirakiina debane anawavi.
23 Nama noko koyana debane Isrel kubura kamone inagogo inagae
patana da sidana inikii kiitowana da waratetena,
bi inaruragharagha da inuwagha.
Manu kadi kita bogaebogae nama ragharaghane sinakema
da rogune sinikiirogu.
24 Bi kii tupadi kubura debane sinakovi da Tagu na Yawe God.
Kii guridi atarayidi sayowogha
bi kii gisigisidi aberadi da sagogo da saguri.
Kii matayidi abera da sarabobo,
bi kii raborabobodi aberadi da sayawa.
Tagu Yawe God avisisiya, Tagu anabera.”