1 Katyoẍink tetz Kajcaw, na chumbalaj nin i'.

Na yi banl talma' i' quil sotz tera'tz.

2 Katyoẍink tetz i' na i' yi wi'tz Ryos swutz alchok ryosil tzone'j wuxtx'otx'.

Na yi banl talma' i' quil sotz tera'tz.

3 Katyoẍink tetz i' na i' yi wi'tz ajcaw squibaj yi e' ajcaw.

Na yi banl talma' i' quil sotz tera'tz.

4 Katyoẍink tetz i', na ntin cu'n i' na xcye' tan banle'n e'chk milawr.

Na yi banl talma' i' quil sotz tera'tz.

5 I' bnol tetz yi tcya'j tan yi tetz tajtza'kl.

Na yi banl talma' i' quil sotz tera'tz.

6 I' anc'une'n yi a' tan jale'n tx'otx'.

Na yi banl talma' i' quil sotz tera'tz.

7 I' bnol tetz yi e'chk lmak txekbil yi at tcya'j.

Na yi banl talma' i' quil sotz tera'tz.

8 I' bnol tetz yi k'ej yi na txekun chajk'ej.

Na yi banl talma' i' quil sotz tera'tz.

9 I' bnol tetz yi xaw tu yi e'chk tx'uml yi na chitxekun lak'bal.

Na yi banl talma' i' quil sotz tera'tz.

10 I' biyon yi e' bajx chinitxa' yi e' aj Egipto.

Na yi banl talma' i' quil sotz tera'tz.

11 I', e' elsan tzaj yi e' kaxonl jak' chica'wl yi e' aj Egipto.

Na yi banl talma' i' quil sotz tera'tz.

12 Tan yi tetz ẍchamil ja bnix cyakil yi e'chk milawra'tz.

Na yi banl talma' i' quil sotz tera'tz.

13 I' jatxon cu'n yi Cyak Mar.

Na yi banl talma' i' quil sotz tera'tz.

14 I' e' icy'san tzaj yi e' kaxonl tul yi jun mara'tz.

Na yi banl talma' i' quil sotz tera'tz.

15 I' jopon cu'n yi mar kale e' bek'xe't yi e' sanlar yi faraón.

Na yi banl talma' i' quil sotz tera'tz.

16 I' bajxij ẍchiwutz yi e' tanum le ama'l tz'inunin tu'.

Na yi banl talma' i' quil sotz tera'tz.

17 I' biyon cu'n yi e' wi'tz rey.

Na yi banl talma' i' quil sotz tera'tz.

18 I' e' sotzan cu'n yi e' ajcawa'tz.

Na yi banl talma' i' quil sotz tera'tz.

19 I' biyon cu'n Sehón, yi chireyil yi e' amorreo.

Na yi banl talma' i' quil sotz tera'tz.

20 I' biyon cu'n Og yi chireyil yi e' aj Basán.

Na yi banl talma' i' quil sotz tera'tz.

21 I' jatxon cu'n yi chi'ama'l yi e' reya'tz.

Na yi banl talma' i' quil sotz tera'tz.

22 Nin ja tak' i' sketz yi o' xonl Israel.

Na yi banl talma' i' quil sotz tera'tz.

23 I' mo'c tan kuch'eye'n yi mu'l sotzaj c'u'lal skawutz.

Na yi banl talma' i' quil sotz tera'tz.

24 I' na kacolon ẍchik'ab yi e' kacontr.

Na yi banl talma' i' quil sotz tera'tz.

25 I' c'a'chanl ketz scyuch' yi e' txuc.

Na yi banl talma' i' quil sotz tera'tz.

26 Katyoẍink bin tetz Kataj Ryos yi at jalen tzi'n tcya'j.

Na yi banl talma' i' quil sotz tera'tz.