Õꞌacʉ̃ ye queti ojaꞌque papera turiri pecasã ye meꞌrã peje niꞌi. (Dios Habla Hoy, Reina Valera, Nueva Versión Internacional, Nacar Colunga, etc.) Te turirinʉcʉ̃ niꞌcãrõnojõ wãmenojõrẽ, macãrĩnojõrẽ, ʉ̃rʉ̃pagʉnojõrẽ, ditararinojõrẽ, dianojõrẽ ojatisama.

Ejemplo: Juã wãmeyeri masʉ̃ pacore apeye pũrĩpʉre Isabel ojanoꞌo. Apeye pũrĩ peꞌema tja Elisabet ojasama. (Lc 1.5)

Abrahã pacʉre apeye pũrĩpʉre Térah ojanoꞌo. Apeye pũrĩ peꞌema tja Taré ojasama. (Gn 11.27)

*****************

Dasea ye meꞌrã nipeꞌtirã niꞌcãrõnojõ ucũtisama. Ape curua mejẽcãcure ojasama. Maꞌmapjia, bʉcʉrãcure, bʉcʉrã waro mejẽcãcure ucũsama. Apeye ucũse yoa niꞌi. Ãpẽrã niꞌcã uurore nipeꞌtise letrari meꞌrã ucũsama. Ãpẽrã ti uuroreta tja dʉjacurero ucũsama.

Ejemplo: Ãpẽrã “ʉ̃tãpaga” nisama. Ãpẽrã ti uuroreta tja “ʉ̃tãpáá” nisama. Na “g” marĩrõ ucũsama. Nipeꞌtise ucũse “-paga” meꞌrã yapatisere, ãpẽrã “-páá” seꞌsaro ucũsama. Apeye “-pagʉ” meꞌrã yapatisere, ãpẽrã “-paʉ” nisama.

Ejemplo: Ãpẽrã “ãrʉ̃pagʉ” nisama. Ãpẽrã ti uuroreta tja “ãrʉ̃paʉ” seꞌsaro nisama.

Aꞌti papera turipʉre nipeꞌtise letrari meꞌrã ojanoꞌo.

Apeye ejemplos: Ãpẽrã “quẽꞌrã” nisama. Ãpẽrã ti uuroreta “jẽrã” nisama. Ãpẽrã “ojopʉ” nisama. Ãpẽrã “yujupʉ” nisama. Ãpẽrã “tocõꞌrõ” nisama. Ãpẽrã “tocãꞌrõ” nisama. Ãpẽrã “aꞌmase” nisama. Ãpẽrã “eꞌmase” nisama.

Peje apeye ucũse aꞌte weronojõ mejẽcãcure ucũnoꞌo. Mʉsãnʉcʉ̃ ucũwʉaronojõta buꞌeya.

*****************

Aꞌti papera turipʉre Éxodo, Josué, Jueces, Ester nipeꞌtise capitulori, versículori ojapeꞌonoꞌña marĩꞌi.