1 Ka maleknam ayopoi bane moren laasa ayopoi la yinni kenn m saꞌan na ye, “Kem na, ka m paꞌal uf ban ye ba namis poꞌagoondir titaꞌar one a teŋtitaꞌar line kpiꞌe kolis bedego la siꞌem. 2 Dunia naꞌanam la tum dianꞌad tuuma ne poꞌagoondir la, ka nidib bane be dunia ni la me niŋ ala.”

3 Ka Winaꞌam Siig Suŋ la daa more m ka malek la zee m keŋ moogin. Ka m nye poꞌa ka o banꞌad bunyua zinꞌa, ka yuda line tuꞌud Winaꞌam sobi gilig bunyua la niŋgbiŋ wusa. Ka bunyua la daa more zuta ayopoi ne iila piiga. 4 Ka poꞌa la daa yene fuzenꞌug ne salima laꞌad ne kugvenla bedego, ka mor salima butiŋ line peꞌel ne bunbeꞌed line yi o tuumbeꞌed ni la. 5 Ka yuꞌur daa sob o gbeꞌugun ka li gbin pu nie. Ka yuꞌur la daa ane,

Man daa nye o la, li daa lidigi m. 7 Ka malek la buꞌosi m ye, “Bo ka fu lidig ala? M na paꞌal uf poꞌa la ne bunyua one ka o banꞌad ka o mor zuta ayopoi ne iila piiga la yelsuaꞌadir la gbin. 8 Bunyua one ka fu nye la da voe saŋsiꞌen, ka pu lem voeya, ka na naam bumbok zuluŋ la ni du na. Ka o yaꞌa du na o na keŋ zinꞌig kan ka o na saꞌam la ni. Ka nidib bane be dunia ni ka ba yuda pu sob nyovurpaal dim gbauŋin la ka dunia nam pu pinꞌil la, na gos bunyua la ka li lidigi ba. Bozugo bunyua la da voe, ka pu lem voeyaa, amaa o na lem vuꞌug yaꞌas.

9 “Neꞌeŋa boodne yaꞌam ne miꞌilim. Zuta ayopoi la ane zueya ayopoi bane ka poꞌa la zinꞌi ba zut la. 10 Ba me ane naꞌanama ayopoi. Ka anu kpi, ka one peꞌes ayuobu la a naꞌab nannanna, ka yinni nam pu di naꞌam. O yaꞌa ti di naꞌam o na be dabisa biꞌela. 11 Ka bunyua one da voe ka pu lem voe la, peꞌes anii naꞌanama ayopoi la ni, ka na keŋ zinꞌikan ka o na saꞌam la ni.

12 “Ka iila piiga ban ka fu nye la ane naꞌanam piiga, amaa ba nam pu diꞌe naꞌam laa. Amaa ban ne bunyua la na ti laꞌase diꞌe naꞌam la saŋa biꞌela. 13 Ka ba piiga la na mor noor yinni ka tis bunyua la ba paŋ ne ba kpiꞌeuŋ. 14 Ba na zab ne Peꞌebil la, ka Peꞌebil la ne o nyaꞌandolib bane ka o da buoli ba o saꞌan ka gaŋi ba la ka ba a sida dim la, na zabi nyaŋ bunyua la ne naꞌanam la, bozugo Peꞌebil la n a zugsobnam Zugsob ne naꞌanam Naꞌab la zug.”

15 Ka malek la yeli m ye, “Moꞌabane ka fu nye ka poꞌa la be ani la, ane nidib ne tigir ne buudi konꞌob konꞌob ne pianꞌad konꞌob konꞌob. 16 Ka iila piiga bane ka fu nye la ne bunyua la na kisig poꞌagoondir la, ka zaŋ on mor siꞌel wusa ka bas o biel, ka onbi o niŋgbiŋ ka ke ka bugum di o. 17 Ka Winaꞌam ke ka ba niŋ o boodim ka ba siak tis bunyua la ba naꞌam paŋ n ti paae saŋkan ka Winaꞌam pianꞌad la na ti niŋ ameŋa. 18 Poꞌa kane ka fu nye la ane teŋtitaꞌar line soꞌe dunia naꞌanam wusa.”