1 عِسَ تٌ فٌرٌ فٍيَ قَرِ، حَمَ فبٍفبٍ نَشَ بِرَ عَ قْشْ رَ. 2 كُنّ كَنيِ ندٍ نَشَ عَ مَسٌ عِسَ رَ، عَ سُيِدِ عَ بّ، عَ عَ قَلَ عَ بّ، «ﭑ مَرِفِ، شَ عِ تِن، عِ نْمَ ﭑ نَسّنِيّندٍ.» 3 عِسَ نَشَ عَ بّلّشّ عِتَلَ، عَ عَ سَ كُنّ كَنيِ مَ، عَ عَ قَلَ عَ بّ، «ﭑ تِنشِ. قِندِ مِشِ سّنِيّنشِ رَ.» كُنّ قُرٍ نَشَ بَ عَ مَ كٍرٍن نَ. 4 عِسَ مَن نَشَ عَ مَسٍن عَ بّ، «عِ نَشَ يِ قٍ قَلَ مِشِ يٌ بّ. سِفَ عِ سَ عِ يّتّ دّنتّفّ سّرّشّدُبّ بّ، عِ سّرّشّ بَ عَلْ عَننَبِ مُنسَ عَ يَمَرِشِ كِ نَشّ. نَ قِندِ مَ سٍيدٍحْشْيَ نَن نَ عٍ بّ.»

5 عِسَ تٌ سٌ كَثّرّنَمُ، سْورِ مِشِ كّمّ شُنمَتِ نَشَ قَ عَ يِرٍ، عَ عَ مَشَندِ، 6 «مَرِفِ، ﭑ مَ وَلِكّ سَشِ بَنشِ، عَ بَرَ نَمَتَ، عَ حَشَنكَتَشِ كِ قَنيِ رَ.» 7 عِسَ نَشَ عَ قَلَ عَ بّ، «ﭑ شَ سِفَ، ﭑ شَ سَ عَ رَيَلَن.» 8 سْورِ مِشِ كّمّ شُنمَتِ نَشَ عَ يَابِ، «مَرِفِ، نَ بِنيّ مُ نَ ﭑ يِ رَ عِ تَن شَ سٌ ﭑ مَ بَنشِ كُي. عِ شَ يَامَرِ فبَنسَن نَن قِ، ﭑ مَ كٌنيِ يَلَنمَ نّ. 9 ﭑ عَ كٌلٌن بَرِ مَ ﭑ قَن نَ مَنفّ ندٍيٍ نَن شَ يَامَرِ بُن مَ، سْورِ ندٍيٍ مَن نَ ﭑ قَن يِ، نَشٍيٍ نَ ﭑ مَ يَامَرِ بُن مَ. ﭑ نَ عَ قَلَ سْورِ ندٍ بّ، ‹سِفَ،› عَ سِفَمَ نّ. ﭑ نَ عَ قَلَ، ‹قَ،› عَ قَمَ نّ. ﭑ نَ ﭑ مَ كٌنيِ ندٍ يَمَرِ، ‹يِ قٍ رَبَ،› عَ عَ رَبَمَ نّ.»

10 عِسَ تٌ نَ سْورِ شَ مَسٍنيِ مّ، عَ نَشَ كَابَ، عَ قَ عَ قَلَ عَ قْشِرَبِرّيٍ بّ، «ﭑ شَ نْندِ قَلَ وٌ بّ، ﭑ مُ يِ دَنشَنِيَ مْولِ تٌشِ عِسِرَيِلَ بْشِ دّدّ. 11 ﭑ شَ عَ قَلَ وٌ بّ، مِشِ فبٍفبٍ قَمَ نّ كٍلِ سٌفٍتٍدٍ نُن سٌفٍفٌرٌدٍ بِرِ، عٍ عٍ دّفٍ عٍ نُن عِبُرَهِمَ، عِسِيَفَ، نُن يَشُبَ عَلَ شَ مَنفّيَ نِينِ بُن مَ. 12 كْنْ مَنفّ شَ دِيٍ تَن وٌلِمَ نّ تَندٍ دِ مِ كُي، وَ نُن حِنيِ رَشِنيِ نَ دّننَشّ.» 13 نَ تّمُي عِسَ نَشَ عَ قَلَ سْورِ مِشِ كّمّ شُنمَتِ بّ، «سِفَ، عَ شَ رَبَ عِ بّ عَلْ عِ لَشِ عَ رَ كِ نَشّ.» نَ وَشَتِ كٍرٍنيِ يَتِ، سْورِ شَ كٌنيِ نَشَ يَلَن.

14 نَ دَنفِ شَنبِ، عِسَ نَشَ سِفَ ثِيّرِ شْنيِ. عَ نَشَ ثِيّرِ بِتَنيِ فِنّمَ تٌ، عَ سَشِ، عَ قَتٍ وٌلٍنشِ كِ قَنيِ. 15 عِسَ تٌ عَ بّلّشّ سُشُ، قُرٍ نَشَ عَ بّحِن كٍرٍن نَ. عَ نَشَ كٍلِ، عَ قَ كُرِ سٌ عٍ بّ.

16 نُنمَرٍ تّمُي، عٍ نَشَ قَ مِشِ فبٍفبٍ رَ عِسَ شْن مَ حِننّ نُ نَشٍيٍ قْشْ رَ. عَ نَشَ حِننّيٍ كٍرِ عَ شَ وْيّنيِ رَ، عَ قُرٍ مَيٍ بِرِن نَيَلَن. 17 نَ كُي، عَننَبِ عٍسَيِ شَ مَسٍنيِ نَشَ كَمَلِ، نَشَن سّبّشِ،

18 عِسَ تٌ حَمَ فبٍفبٍ تٌ عَ رَبِلِنيِ، عَ نَشَ عَ قْشِرَبِرّيٍ يَمَرِ عٍ شَ بَا عِفِرِ. 19 سّرِيّ كَرَ مْشْ ندٍ نَشَ عَ مَسٌ عِسَ رَ، عَ عَ قَلَ عَ بّ، «كَرَ مْشْ، عِ سِفَ دّدّ، ﭑ نَ عِ قْشْ رَ.» 20 عِسَ نَشَ عَ يَابِ،

23 عِسَ نَشَ بَكِ كُنكُي كُي، عَ قْشِرَبِرّيٍ نَشَ بِرَ عَ قْشْ رَ. 24 قٌيٍ بٍلٍبٍلٍ نَشَ كٍلِ بَا مَ، مْرْنيِ نُ قَ سَ كُنكُي كُي. كْنْ عِسَ تَن نُ نَ شِقٍ. 25 عَ قْشِرَبِرّيٍ نَشَ قَ عَ رَشُنُ، عٍ عَ قَلَ عَ بّ، «مَرِفِ، وٌن نَكِسِ، وٌن قَشَقٍ نّ يِ كِ!» 26 عَ نَشَ عٍ يَابِ، «وٌ فَاشُشِ مُنقٍ رَ؟ وٌ شَ دَنشَنِيَ شُرُن!» عَ نَشَ كٍلِ، عَ قٌيٍ نُن بَا يَمَرِ، بَا نَشَ شِنبٍلِ يٍن! 27 عَ قْشِرَبِرّيٍ نَشَ كَابَ، عٍ عٍ بٌرٍ مَشْرِن، «مِشِ مْولِ مُندُن لَنشِ يِ مَ؟ هَلِ قٌيٍ نُن بَا، عٍ عَ شُي رَبَتُمَ.»

28 عٍ تٌ نَاكِرِ لِ فَدَرَ بْشِ مَ، مِشِ قِرِن نَشَ مِنِ فَبُرِ لٌنفٌرِ رَ حِننّيٍ نُ نَشٍيٍ قْشْ رَ، عٍ سَ عِسَ رَلَن. عٍ نُ مَفَاشُ كِ قَنيِ، مِشِ يٌ حَن مُ نُ نْمَ دَنفِدٍ نَ بِرِ. 29 عٍ نَشَ سْنشْ، «عَلَ شَ دِ، عِ وَشِ مُنسٍ شْن مَ مُشُ بّ؟ عِ قَشِ بٍ مُشُ حَشَنكَتَدٍ نّ بٍينُن عَ لْشْي شَ عَ لِ؟» 30 شْسّ فَلِ نُ نَ عٍ دّ مَدٌنقٍ نَ لٌنفٌرِ. 31 حِننّيٍ نَشَ عِسَ مَيَندِ، «شَ عِ سَ مُشُ كٍرِ، مُشُ رَ سٌ يِ شْسّ فَلِ.» 32 عِسَ نَشَ عَ قَلَ عٍ بّ، «وٌ سِفَ.» عٍ نَشَ مِنِ نَ شّمّ قِرِنيِيٍ، عٍ سٌ نَ شْسّيٍ عِ. شْسّ فَلِ بِرِن نَشَ فٌرٌ عٍ فِ رَ تٍنتٍنيِ رَ، عٍ سَ سِن بَا مَ، عٍ مَدُلَ. 33 نَشٍيٍ نُ نَ شْسّيٍ دّ مَدٌنقٍ، عٍ نَشَ عٍ فِ. عٍ تٌ سٌ تَا كُي، عٍ نَشَ دّنتّفّ سَ قٍ مَ نَشَن دَنفِشِ، عٍ عَ قَلَ تَاكَيٍ بّ حِننّيٍ فبِلٍنشِ نَ شّمّ قِرِن قْشْ رَ كِ نَشّ. 34 نَ تّمُي تَا بِرِن نَشَ مِنِ عِسَ رَلَندٍ. عٍ تٌ عَ تٌ، عٍ نَشَ عَ مَيَندِ عَ شَ كٍلِ عٍ شَ بْشِ مَ.