1 نَ لَامَتُنيِ كُي ﭑ نَشَ كِبَنيِ ندٍ تٌ مَلٍكّيٍ شُن مَ نَشَن نُ لُشِ عَلْ دِيَمَن مَنِيّ. 2 عَلَتَلَ نَشَ عَ مَسٍن شّمّ بّ دُفِ قِيشّ نُ رَفٌرٌشِ نَشَن مَ، «عِ شَ سٌ مَلٍكّيٍ بُن مَ، سَنيِ رَدِفِلِنشِيٍ نَ دّننَشّ، عِ شَ تّ وٌلٍيٍ تٌنفٌ، عِ عٍ رَيٍنسٍن تَا مَ.» عَ نَشَ نَ رَبَ ﭑ يَ شْرِ.

3 نَ مَلٍكّيٍ نُ تِشِ هْرْ مْبَنشِ يِرٍقَنيِ مَ نَ شّمّ سٌ تّمُي نَشّ. كُندَ نُ نَ هْرْ مْبَنشِ تّتّ كُي. 4 عَلَتَلَ شَ نْرّ نَشَ كٍلِ نَ مَلٍكّيٍ شُن مَ، عَ سِفَ هْرْ مْبَنشِ سٌدٍ دّ رَ. كُندَ نَشَ هْرْ مْبَنشِ رَقٍ، عَلَتَلَ شَ نْرّ شَ يَنبّ قَنيِ نُ نَ تّتّ بِرِن كُي. 5 نَ مَلٍكّيٍ فَبُتٍنيِيٍ شُي نُ مّمَ بٌورٍ تّتّ كُي، عَ نُ فبٌ عَلْ عَلَ سّنبّمَ وْيّن شُي.

6 عَلَتَلَ تٌ شّمّ يَمَرِ، دُفِ قِيشّ نُ رَفٌرٌشِ نَشَن مَ، عَ شَ تّ وٌلٍيٍ تٌنفٌ سٍ دِفِلِنشِيٍ تَفِ مَلٍكّيٍ بُن مَ، عَ نَشَ سٌ، عَ سَ تِ نَا. 7 نَ مَلٍكّ كٍرٍن نَشَ تّ وٌلٍ ندٍيٍ كْ، عَ عَ سَ نَ شّمّ بّلّشّ عِ. نَ نَشَ عَ رَ سُشُ، عَ مِنِ. 8 مِشِ بّلّشّ مَنِيّ نَن نُ مِنِمَ نَ مَلٍكّيٍ فَبُتٍنيِيٍ بُن مَ.

9 ﭑ نَشَ سَنيِ رَدِفِلِنشِ نَانِ تٌ مَلٍكّيٍ قّ مَ، كٍرٍن كٍرٍن نُ نَ كَنكَن بُن مَ. عٍ نُ مَيَنبَمَ عَلْ دِيَمَن مَنِيّ. 10 نَ سَنيِ رَدِفِلِنشِ نَانِ بِرِن نُ مَنِيَ، كَنكَن لُشِ عَلْ عَ نُ نَ سَنيِ رَدِفِلِنشِ فبّتّ نَن كُي. 11 عٍ نّ سِفَمَ، مَلٍكّ يَتَفِ نُ تِشِ دّننَشّ رَ عٍ نُ عٍ حّرّ مَ مّننِ بِرِ نّ، هَلِ نَ سَنيِ تٌ نُ عَ مَقِندِ مَ. 12 يَيٍ نُ نَ نَ مَلٍكّ نَانِيٍ بِرِن قَتٍيٍ مَ، عَ نُن عٍ قَرِيٍ مَ، عٍ بّلّشّيٍ مَ، عٍ فَبُتٍنيِيٍ مَ، نُن عٍ سَنيِ رَدِفِلِنشِ نَانِيٍ مَ 13 ﭑ نَشَ عَ مّ، عٍ نَ سَنيِ رَدِفِلِنشِيٍ شِلِمَ «سَنيِ قِرِ قِرِ.» 14 يَتَفِ نَانِ نَن نُ نَ نَ مَلٍكّيٍ بِرِن بّ. كٍرٍن نُ لُشِ نّ عَلْ مَلٍكّ يَتَفِ، عَ قِرِن ندٍ نُ لُشِ نّ عَلْ مِشِ يَتَفِ، عَ سَشَن ندٍ نُ لُشِ نّ عَلْ يّتّ يَتَفِ، عَ نَانِ ندٍ نُ لُشِ نّ عَلْ سّفّ يَتَفِ.

15 نَ تّمُي نَ مَلٍكّيٍ نَشَ كٍلِ. عٍ نُ مَنِيَشِ نَ دَالِسٍيٍ نَن نَ ﭑ نُ بَرَ نَشٍيٍ تٌ كٍبَرَ شُرٍ دّ رَ. 16 نَ مَلٍكّيٍ نّ عٍ حّرّ مَ، عٍ نُن نَ سَنيِ رَدِفِلِنشِيٍ نَن عَ رَ. عٍ نَ عٍ فَبُتٍنيِيٍ عِتَلَ عٍ شَ كٍلِ، عٍ نُن نَ سَنيِيٍ نَن عَ رَ. 17 عٍ نَ تِ، عٍ نُن عٍ سَنيِيٍ نَن عَ رَ، عٍ نَ تٍ، عٍ نُن عٍ سَنيِيٍ نَن عَ رَ، بَرِ مَ نَ دَالِسٍيٍ نِي نُ نَ عٍ سَنيِ رَدِفِلِنشِيٍ نَن كُي.

18 نَ تّمُي عَلَتَلَ شَ نْرّ نَشَ كٍلِ هْرْ مْبَنشِ سٌدٍ دّ رَ، عَ سَ عَ مَفٌرٌ نَ مَلٍكّيٍ شُن مَ. 19 عٍ نَشَ عٍ فَبُتٍنيِيٍ عِتَلَ، عٍ كٍلِ بْشِ مَ ﭑ يَ شْرِ عٍ نُن عٍ سَنيِ رَدِفِلِنشِيٍ رَ. عٍ نَشَ عٍ سَ تِ عَلَتَلَ شَ هْرْ مْبَنشِ دّ رَ سٌفٍتٍدٍ بِرِ رَ. عِسِرَيِلَ مَرِفِ عَلَ شَ نْرّ نُ نَ عٍ شُن مَ.

20 عَ رَحْنيِ ﭑ نَشَ عَ كٌلٌن ﭑ نَ دَالِسٍ نَانِ ﭑ نَشٍيٍ تٌشِ كٍبَرَ شُرٍ دّ رَ، عٍ نُ مَنِيَشِ مَلٍكّيٍ نَن نَ. 21 يَتَفِ نَانِ نُن فَبُتٍنيِ نَانِ نُ نَ عٍ بِرِن مَ. بّلّشّيٍ قَن نُ نَ عٍ فَبُتٍنيِيٍ بُن مَ. 22 عٍ يَتَفِيٍ نُ مَنِيَشِ يَتَفِيٍ نَن نَ ﭑ نَشٍيٍ تٌ كٍبَرَ شُرٍ دّ رَ. عٍ بِرِن نُ سِفَمَ يَرٍ نَن تُن.