1 عَفِرِثَ نَشَ عَ قَلَ ثْلُ بّ، «عِ شَ عِ يّتّ شُن مَقَلَ.» ثْلُ تٌ عَ بّلّشّ عِتٍ، عَ نَشَ عَ يّتّ رَقِيشّ يِ مَسٍنيِ رَ. 2 «مَنفّ عَفِرِثَ، تٌ ﭑ حّلّشِنشِ ﭑ مَ قٍ رَقِيشّقٍ رَ يُوِقِيٍ ﭑ كَلَمُشِ نَشَن مَ. 3 عِ عٍ شَ دِينّ نُن عٍ شَ سّرِيّ كٌلٌن كِ قَنيِ رَ. عَوَ يَندِ، عِ شَ عِ تُلِ مَتِ ﭑ نَ. 4 كَبِ ﭑ دِ مّدِ تّمُي، ﭑ نُ نَ دَرِ سَلَمُ ﭑ بْنسْي يَ مَ. يُوِقِ بِرِن ﭑ حّرّ كِ كٌلٌن 5 عَ رَكُيَ. عٍ مَن عَ كٌلٌن قَرِ سّنِ نَن نُ ﭑ نَ دِينّلَ تَفِ نَشٍيٍ شَ قٍ مَشْرْشْ. عٍ نْمَ نَ سٍيدٍحْشْيَ بَدٍ. 6 يَكْسِ، عٍ ﭑ نَكِيتِقٍ بَرِ مَ ﭑ لَشِ عَلَ شَ لَايِدِ رَ عَ نَشَن تٌنفٌشِ مُشُ بٍنبَيٍ بّ، 7 مُشُ بْنسْي قُ نُن قِرِنيِ نَشَن مَمّقٍ. عٍ عَلَ بَتُمَ تّمُي بِرِن، كْي نُن يَنيِ. ﭑ لَشِ نَ لَايِدِ نَن نَ. مَنفّ، يُوِقِيٍ ﭑ كَلَمُشِ نَ نَن مَ. 8 وٌ نْمَ لَدٍ عَ رَ عَ عَلَ مِشِ قَشَشِيٍ رَكٍلِمَ؟»

9 «ﭑ تَن كَتَ نّ كِرَ مْولِ بِرِن نَ ﭑ شَ عِسَ نَسَرّتِكَ شِلِ كَنَ. 10 ﭑ نَ نَن نَبَ دَرِ سَلَمُ. سّرّشّدُبّ كُنتِفِيٍ نَشَ تِن ﭑ شَ سّنِيّنتْي وُيَشِ سَ فٍيلِ كُي. ﭑ مَن نَشَ تِن عٍ شَ قَشَ. 11 ﭑ نُ سِفَمَ سَلِدٍ بَنشِيٍ كُي عَلَكٌ ﭑ شَ عٍ تْورْ، عٍ شَ فبِلٍن عٍ شَ دَنشَنِيَ قْشْ رَ. ﭑ مَ شْنّ كُي، ﭑ نُ عٍ تْورْ هَلِ تَا فبّتّيٍ كُي.»

12 «سّرّشّدُبّ كُنتِفِيٍ نَشَ تِن ﭑ شَ سِفَ دَ مَسِ نَ قٍ مَ. 13 مَنفّ، يَنيِ تَفِ ﭑ نَشَ يَنبّ تٌ كِرَ شْن مَ كٍلِقٍ كٌورٍ، ﭑ تَن نُن ﭑ بٌورٍيٍ رَبِلِنيِ. عَ يَنبّ نُ دَنفِ سٌفٍ رَ. 14 مُشُ نَشَ بِرَ بْشِ مَ. ﭑ نَشَ شُي ندٍ مّ نَشَن نُ عَ قَلَمَ ﭑ بّ عٍبُرُ شُي، ‹سْلُ، سْلُ، مُنقٍ رَ عِ ﭑ حَشَنكَتَمَ؟ نَ قٍ شْرْشْمَ نّ عِ بّ.› 15 ﭑ نَشَ عَ يَابِ، ‹مَرِفِ، ندٍ عِ رَ؟› مَرِفِ نَشَ ﭑ يَابِ، ‹عِسَ نَن ﭑ نَ، عِ نَشَن حَشَنكَتَقٍ. 16 كٍلِ، تِ عِ سَنيِيٍ شُن نَ. ﭑ مِنِشِ نّ عِ مَ عَلَكٌ ﭑ شَ عِ قِندِ وَلِكّ نُن سٍيدٍ رَ قٍيٍ مَ عِ نَشٍيٍ تٌشِ نُن عِ قَمَ نَشٍيٍ تٌدٍ. 17 ﭑ عِ رَتَنفَمَ نّ يُوِقِيٍ مَ نُن سِ فبّتّيٍ مَ، ﭑ عِ شّيمَ نَشٍيٍ مَ، عَلَكٌ عِ شَ عٍ يَيٍ رَبِ، 18 عٍ شَ مِنِ دِ مِ كُي، عٍ شَ سٌ نَءِيَلَنيِ كُي. عٍ شَ كٍلِ سٍنتَنّ شَ نْي بُن، عٍ شَ سٌ عَلَ شَ مَنفّيَ نِينِ بُن مَ. نَ كُي، عٍ شَ يُنُبِ شَقَرِ مَ نّ، عٍ مَن قَمَ نّ كّ سْتْدٍ سّنِيّنتْييٍ يَ مَ نَشٍيٍ دَنشَنِيَشِ ﭑ مَ.›»

19 «نَ كُي، مَنفّ عَفِرِثَ، ﭑ مُ تٌندِ نَ شّيرَيَ رَ نَشَن كٍلِ كٌورٍ مَ. 20 ﭑ نَشَ نَ كَوَندِ تِ دَ مَسِ، دَرِ سَلَمُ، يُدَيَ، نُن سِ فبّتّيٍ تَفِ. ﭑ نَشَ عَ مَسٍن عٍ بّ عٍ شَ تُوبِ، عٍ شَ دَنشَنِيَ عَلَ مَ، نُن عٍ شَ وَلِ قَنيِ رَبَ نَشَن عٍ شَ تٌفٌندِيَ مَسٍنمَ.»

21 «يُوِقِيٍ نَشَ ﭑ سُشُ هْرْ مْبَنشِ كُي، عٍ وَشِ ﭑ قَشَقٍ نَ نَن مَ. 22 كْنْ، عَلَ تَنتُ، ﭑ بَلٌشِ عَ تَن نَن سَابُي رَ هَن تٌ. ﭑ نَشَ نَ سٍيدٍحْشْيَ بَ دِ مّيٍ نُن قٌرِيٍ بِرِن بّ. ﭑ مُ قٍقٍ فبّتّ قَلَشِ قٌ نَمِحْنمّيٍ نُن عَننَبِ مُنسَ نُ نَشٍيٍ قَلَمَ عَ عٍ قَمَ نّ رَبَدٍ. 23 عٍ نَشَ عَ مَسٍن عَلَ شَ مِشِ سُفَندِشِ تْورْ مَ نّ، عَ سِنفٍ نَن كٍلِمَ قَشَمِشِيٍ يَ مَ، عَ نُن عَ يُوِقِيٍ نُن سِ فبّتّيٍ كَوَندِ مَ كِسِ رَ.»

24 عَ تٌ نُ وْيّنقٍ عَ يّتّ رَقِيشّقٍ رَ، قّسِتُ نَشَ عَ قَلَ عَ شُي عِتٍشِ رَ، «ثْلُ، عِ دَشُ! عِ شَ قٍ فبٍفبٍ كٌلٌنيِ بَرَ عِ قِندِ دَشُي رَ.» 25 ثْلُ نَشَ عَ يَابِ، «قّسِتُ مَقَنشِ، دَشُي مُ نَ ﭑ نَ. ﭑ نْندِ نُن لْننِ نَن مَسٍنقٍ. 26 مَنفّ عَفِرِثَ تَن يِ قٍيٍ كٌلٌن. ﭑ يِ بِرِن قَلَمَ عَ تَن نَن بّ، بَرِ مَ عَ حَن عَ كٌلٌن، عَ عَ مُ رَبَ فُندٌ شَ كُي.» 27 ثْلُ نَشَ عَ قَلَ عَفِرِثَ بّ، «مَنفّ عَفِرِثَ، عِ لَشِ نَمِحْنمّيٍ رَ؟ عِ لَ عٍ رَ، ﭑ نَ كٌلٌن.»

28 عَفِرِثَ نَشَ عَ قَلَ ثْلُ بّ، «عَ فبٍ مُ لُشِ عِ شَ ﭑ قَن قِندِ عِسَيَنكَ رَ!» 29 ثْلُ نَشَ عَ يَابِ، «عَ قَ قِندِ يَكْسِ رَ، شَ نَ مُ تّمُي فبّتّ، ﭑ مَرِفِ مَشَندِ مَ نّ عَلَكٌ عِ تَن يٌ، عَ نُن نَشَن بِرِن ﭑ شُي رَ مّقٍ بٍ تٌ، وٌ قَن شَ لُ عَلْ ﭑ تَن، بَ يِ يْلْنشْنيِ رَ نَشَن نَ ﭑ مَ.»

30 مَنفّ عَفِرِثَ، مَنفّ قّسِتُ، بٍرِنِسِ، نُن نَشٍيٍ بِرِن نُ دْشْشِ عٍ سّيتِ مَ، عٍ نَشَ كٍلِ. 31 عٍ تٌ نُ سِفَمَ، عٍ نَشَ عَ قَلَ عٍ بٌرٍ بّ، «يِ شّمّ مُ قٍقٍ رَبَشِ عَ لَنمَ عَ شَ قَشَ نَشَن مَ، شَ نَ مُ عَ رَ عَ لَنمَ عَ شَ سَ فٍيلِ كُي نَشَن مَ.» 32 عَفِرِثَ نَشَ عَ قَلَ قّسِتُ بّ، «يِ شّمّ نُ لَن عَ شَ بّحِن، كْنْ عَ بَرَ مَشَندِ تِ مَنفّ شُنفبٍ شَ عَ مَكِيتِ.»