1 عَ نْمَ عَ لِدٍ شّمّ ندٍ شَ فِنّ مُ رَقَنشِ عَ مَ سْنْن، عَ قَتَن كّيدِ سّبّ، عَ عَ سٌ عَ يِ رَ، عَ قَ عَ رَ سِفَ عَ بَبَ شْنيِ. 2 نَ تّمُي شَ نَ فِنّ دْشْ شّمّ فبّتّ شْن مَ، 3 عَ شَ قٍ رَحَاشُ نَ شّمّ قَن مَ، نَ قَن قَ قَتَن كّيدِ سّبّ، عَ عَ سٌ عَ يِ رَ، عَ قَ عَ رَ سِفَ عَ بَبَ شْنيِ، شَ نَ شّمّ قَ سَ قَشَ نّ، 4 شّمّ نَشَن سِنفٍ مّي نَ فِنّ رَ، نَ مُ لَن عَ شَ عَ قِندِ عَ شَ فِنّ رَ كْرّ، بَرِ مَ عَ بَرَ رَهَرَ مُحَ عَ مَ. عَلَتَلَ نَ قٍ مْولِ شْنشِ. وٌ مُ لَن وٌ شَ نَ يُنُبِ مْولِ رَبَ بْشِ مَ وٌ مَرِفِ عَلَتَلَ دّننَشّ قِشِ وٌ مَ كّ رَ.

5 شّمّ نَشَن بَشِ فِنّ دْشْدٍ، عَ مُ لَن عَ شَ سْورِحَ رَبَ وَشَتِ ندٍ بُن مَ. كْنتْقِلِ فبّتّ يٌ مُ لَن عَ شَ دْشْ عَ رَ حّ كٍرٍن بُن مَ، عَلَكٌ عَ شَ مّينِ عَ شَ فِنّ دْشْشِ مَ.

6 وٌ مُ لَن وٌ شَ مُلُنيِ نُن كِلٍ رَ سُشُ مِشِ يِ سّيكّ رَ، شَ نَ مُ عَ رَ كِلٍ فبَنسَن، بَرِ مَ وٌ عَ بَلٌسٍ نَن بَمَ عَ يِ رَ نَ كِ.

7 شَ عِسِرَيِلَكَ عَ نفَشَكٍرٍنيِ ندٍ سُشُ نْي رَ، عَ عَ قِندِ كٌنيِ رَ، شَ نَ مُ عَ عَ مَتِ، عَ لَن نّ نَ كَنيِ شَ قَشَ. وٌ قٍ حَاشِ حْنمَ وٌ تَفِ نَ كِ نّ.

8 وٌ لَن نّ وٌ شَ قّنتّن كُنّ قُرٍ شَ قٍ رَ. ﭑ شَرَنيِ نَشَن سٌشِ لٍوِ شَ دِ سّرّشّدُبّيٍ يِ، وٌ لَن نّ وٌ شَ نَ رَبَ عَ رَبَ كِ مَ. 9 وٌ شَ رَتُ عَ مَ عَ وٌ مَرِفِ عَلَتَلَ نَشَن نَبَ مَرِيَمَ رَ وٌ كٍلِشِ مِسِرَ تّمُي نَشّ.

10 وٌ نَ دٌنِ تِ وٌ نفَشَكٍرٍنيِ بّ، عَ مُ لَنمَ وٌ تَن شَ سٌ عَ شْنيِ عَ شَ سّيكّ سٍ تٌنفٌدٍ. 11 وٌ شَ لُ تَندٍ، وٌ شَ دٌنِقَ شَ قَ سّيكّ سٍ رَ وٌ شْن مَ، عَ عَ سٌ وٌ يِ رَ. 12 شَ سٍتَرٍ نَ عَ رَ، عَ قَ عَ شَ شِنبٍلِ دٌنمَ سٌ وٌ يِ سّيكّ سٍ رَ، وٌ مُ لَن وٌ شَ نَ رَفَتَ وٌ شْنيِ كْي رَ. 13 وٌ شَ عَ رَفبِلٍن عَ مَ سٌفٍ فٌرٌ وَشَتِ نّ، عَلَكٌ عَ شَ عَ قٍلٍن عَ مَ كْي رَ. نَ كُي عَ عَلَ مَشَندِ مَ نّ وٌ بّ. سٍتَرٍ مَلِقٍ نَ كِ عَ قِندِ مَ تِنشِنيِ نَن نَ وٌ نُن وٌ مَرِفِ عَلَتَلَ تَفِ.

14 وٌ مُ لَن وٌ شَ وٌ شَ وَلِكّ سٍتَرٍيٍ تْورْ، عٍ قِندِ وٌ نفَشَكٍرٍنيِيٍ رَ، شَ نَ مُ عٍ قِندِ شْحّيٍ رَ. 15 لْشْي بِرِن وٌ لَن نّ وٌ شَ عٍ شَ وَلِ سَرٍ قِ عٍ مَ بٍينُن سٌفٍ شَ فٌرٌ، بَرِ مَ سٍتَرٍ نَن عٍ رَ، عٍ هَيِ نَ نَ مَ. شَ وٌ مُ نَ رَبَمَ، عَ مَوَ مَ نّ عَلَتَلَ بّ وٌ شَ قٍ رَ، وٌ قَ يُنُبِ سْتْ نَ كُي.

16 دِ بَبَيٍ مُ لَن عٍ شَ قَشَ عٍ شَ دِيٍ شَ يُنُبِيٍ رَبَقٍ مَ. دِيٍ قَن مُ لَن عٍ شَ قَشَ عٍ بَبَيٍ شَ يُنُبِيٍ رَبَقٍ مَ. عِبُنَدَ مَ لَنمَ عَ شَ قَشَ عَ يّتّ شَ يُنُبِ رَبَشِ نَن مَ.

17 وٌ نَشَ تِنشِنتَرٍيَ رَبَ مِشِيٍ رَ نَشٍيٍ قَشِ سَبَتِدٍ وٌ شَ بْشِ مَ. وٌ نَشَ كِرِدِيٍ تْورْ. وٌ نَشَ كَاحّ فِنّ شَ دٌنمَ تٌنفٌ سّيكّ رَ. 18 وٌ شَ رَتُ عَ مَ عَ وٌ مَرِفِ عَلَتَلَ وٌ شْرّيَشِ كِ نَشّ وٌ شَ كٌنيِيَ كُي مِسِرَ بْشِ مَ. نَ قٍ نَ عَ تٌشِ ﭑ يِ يَامَرِ قِشِ وٌ مَ.

19 وٌ نَ فّ شّ شَبَدٍ، وٌ نَشَ فبِلٍن تْنسْي دْنشْييٍ تٌنفٌ رَ. وٌ شَ عٍ لُ شْحّيٍ، كِرِدِيٍ، نُن كَاحّ فِنّيٍ بّ، عَلَكٌ وٌ مَرِفِ عَلَتَلَ شَ بَرَكّ سَ وٌ شَ قٍ. 20 وٌ نَ فّ عٌلِوِ بِلِ عِقُيَنقُيَندٍ، وٌ نَشَ فبِلٍن بٌفِ دْنشْييٍ بَدٍ سَنسِيٍ كْن نَ. وٌ شَ عٍ لُ شْحّيٍ، كِرِدِيٍ، نُن كَاحّ فِنّيٍ بّ. 21 وٌ نَ فّ وّنِ بٌفِ بَدٍ، وٌ نَشَ فبِلٍن بٌفِ دْنشْييٍ بَ رَ. وٌ شَ عٍ لُ شْحّيٍ، كِرِدِيٍ، نُن كَاحّ فِنّيٍ بّ. 22 وٌ شَ رَتُ وٌ شَ كٌنيِيَ مَ مِسِرَ بْشِ مَ. نَ قٍ نَ عَ تٌشِ ﭑ يِ يَامَرِ قِشِ وٌ مَ.