30
عَفُرُ شَ مَسٍنيِ
1 يَكٍ شَ دِ عَفُرُ شَ مَسٍنيِ نَن يَ عَ نَشَن مَسٍنشِ عِتِيّلِ نُن عُكَلَ بّ؛
2 ﭑ مَ لْننِ مُ فبٌ عَلْ بٌورٍيٍ،
ﭑ مُ فّشِ قَهَامُي فبٍفبٍ سْتْدٍ.
3 ﭑ مُ قِندِشِ لْننِلَ رَ،
ﭑ مُ لْننِ سْتْشِ عَلَ شَ سّنِيّنتْييٍ شَ قٍ رَ.
4 ندٍ تٍشِ كٌورٍ، عَ مَن نَشَ فٌرٌ؟
ندٍ قٌيٍ مَلَنشِ عَ بّلّشّيٍ كُي؟
ندٍ يٍ رَفَتَشِ عَ شَ سٌسٍيٍ كُي؟
ندٍ دُنِحَ نَانِنيِيٍ سَشِ؟
عَ شِلِ دِ؟ عَ شَ دِ شِلِ دِ؟
عِ نَ كٌلٌن؟
5 عَلَ شَ مَسٍنيِ بِرِن قِندِشِ نْندِ نَن نَ،
عَ قِندِ كَنتَرِ رَ مِشِ بّ نَشَن لَمَ عَ رَ.
6 عِ نَشَ سٍ سَ نَ مَسٍنيِ شُن مَ،
عَلَكٌ عَلَ نَشَ عِ سُشُ، عَ قَ عِ شَ وُلٍ تٌ.
7 ﭑ وَ مَ قٍ قِرِن مَشْرِنقٍ عِ مَ بٍينُن ﭑ شَ قَشَ.
عِ نَشَ تٌندِ.
8 مَدَشُحَ نُن وُلٍ مَكُيَ ﭑ نَ.
عِ نَشَ ﭑ قِندِ سٍتَرٍ رَ، عِ نَشَ ﭑ قِندِ بَننَ رَ.
بَلٌي فبَنسَن قِ ﭑ مَ، نَشَن ﭑ وَ سَمَ.
9 شَ ﭑ سَ سٍ فبٍفبٍ سْتْ،
ﭑ فَاشُمَ نّ ﭑ نَشَ نّيمُ عِ مَ،
ﭑ قَ عَ قَلَ، «ندٍ نَ عَلَتَلَ رَ؟»
شَ ﭑ سَ لُ سٍتَرٍحَ قَن كُي،
ﭑ فَاشُمَ نّ ﭑ نَشَ مُحّ تِ،
ﭑ قَ عِ تَن ﭑ مَرِفِ عَلَ شِلِ كَنَ.
10 عِ نَشَ كٌنيِ شِلِ كَنَ عَ كَنيِ بّ،
عَلَكٌ عَ نَشَ عِ دَنكَ، نَ هَاكّ لُ عِ مَ.
11 مِشِ ندٍيٍ عٍ بَبَ دَنكَمَ، عٍ عٍ نفَ قِنسِرِوَلِ.
12 مِشِ ندٍيٍ عٍ يّتّ قِندِ مَ سّنِيّنتْييٍ رَ،
كْنْ عٍ مُ نْمَ سّنِيّنتَرٍحَ بَدٍ عٍ مَ.
13 مِشِ ندٍيٍ عٍ يّتّ عِتٍمَ،
عٍ عَ مَحْشُن عٍ دَنفِ مِشِ بِرِن نَ.
14 مِشِ ندٍيٍ نَ نَشٍيٍ لُشِ عَلْ سُبٍ شَاحّيٍ
نَشٍيٍ وَ مَ سٍتَرٍيٍ قَشَقٍ، عٍ شَ عٍ بَ دُنِحَ.
15 دِ قِرِن نَ نِسِ بّ نَشٍيٍ عَ قَلَمَ،
«ﭑ كِ، ﭑ كِ.»
سٍ سَشَن نَ نَ، شَ نَ مُ عَ رَ، سٍ نَانِ،
نَشٍيٍ مُ وَ سَمَ، نَشٍيٍ مُ عَ قَلَمَ، «نَ لَن.»
16 عٍ تَن نَن يَ؛ عَلِفِيَمَ، فِنّ دِبَرِتَرٍ،
فبٍنفبٍرٍنيِ، نُن تّ.
نٍيٍ سٍسٍ مُ عَ قَلَمَ، «نَ لَن.»
17 مِشِ نَشَن يٌمَ عَ بَبَ مَ،
نَشَن مُ عَ نفَ شُي رَبَتُمَ،
شَاشَيٍ كٍلِمَ نّ فُلُنبَ يِرٍ عٍ عَ يَيٍ سَكُن،
سّفّ يْرّيٍ قَ عَ دٌندٍ.
18 سٍ سَشَن نَ نَ، شَ نَ مُ عَ رَ، سٍ نَانِ،
ﭑ مُ نَشٍيٍ قَهَامُمَ عٍ شَ تِلِنيِ شَ قٍ رَ.
19 عٍ تَن نَن يَ؛ سّفّ شَ كِرَ كٌورٍ مَ،
بْشِمَسٍ شَ كِرَ قَنيٍ قَرِ،
كُنكُي شَ كِرَ بَا مَ،
شّمّ شَ كِرَ فِنّدِ مّدِ شْنيِ.
20 فِنّ يّنّلَ شَ وَلِ نَن يَ؛
عَ نَ فّ عَ دّفٍدٍ، عَ عَ دّ رَشَ، عَ قَ عَ قَلَ،
«ﭑ مُ قٍ حَاشِ يٌ رَبَشِ.»
21 سٍ سَشَن نَ نَ، شَ نَ مُ عَ رَ، سٍ نَانِ،
نَشٍيٍ مُ نْمَ لُدٍ دُنِحَ قَرِ.
22 عٍ تَن نَن يَ؛ كٌنيِ قِندِقٍ مَنفّ رَ،
شَشِلِتَرٍ قِندِقٍ بَننَ رَ،
23 فِنّ مَشَنُتَرٍ دْشْقٍ شّمّ تَا،
كٌنيِ فِنّ نَشَن قِندِقٍ عَ كَنيِ كّ تٌنفٌي رَ.
24 سُبٍ نَانِ نَ نَشٍيٍ شُرُن دُنِحَ سُبٍيٍ بِرِن بّ،
كْنْ عٍ شَ لْننِ دَنفِ عَ بِرِن نَ.
25 عٍ تَن نَن يَ؛ دٌندٌلِ نَشَن سّنبّ مُ فبٌ،
كْنْ عٍ بَلٌي قٍنمَ عَ قٍن وَشَتِ.
26 يٍرٍ مَنِيّ ندٍ نَشَن سّنبّ مُ فبٌ،
كْنْ عَ يِلِ فٍمَ فّمّ لٌنفٌرِ يِفِيَ سْتْدٍ.
27 مَنفّ مُ نَ كَتٌي بّ،
كْنْ عٍ عٍ حّرّ مَ شُنلَندٍ كِ مَ.
28 كَسَ نَشَن نْمَ تٌنفٌدٍ بّلّشّ رَ،
كْنْ عَ تٌمَ مَنفّ شَ بَنشِ كُي.
29 سٍ سَشَن نَ نَ، شَ نَ مُ عَ رَ، سٍ نَانِ،
نَشٍيٍ حّرّ كِ تٌقَن.
30 عٍ تَن نَن يَ؛ يّتّ نَشَن سّنبّ فبٌ، عَ سُو سَ سُبٍ بِرِن بّ،
31 كٌنكٌرٍ نَشَن حّرّ مَ عَ شُن نَكٍلِشِ رَ،
سِ كٌنتٌنيِ، نُن مَنفّ، سْورِيٍ نَ نَشَن قْشْ رَ.
32 شَ عِ بَرَ عِ يّتّ عِفبٌ شَشِلِتَرٍحَ كُي،
شَ عِ بَرَ وَ قٍ حَاشِ ندٍ رَبَقٍ،
عِ شَ فبِلٍن نَ قْشْ رَ،
33 بَرِ مَ شِحّ نَ بْنبْ، عَ بِنيَمَ نّ،
حْي نَ دِن، وُلِ مِنِمَ نّ،
شْنّ شُن نَ مَسَ، عَ قِندِ مَ نّ فٍرٍ رَ.