1 قِلِسِتَكَيٍ نَشَ عٍ شَ سْورِيٍ مَلَن عَقٍكِ، عِسِرَيِلَكَيٍ تَن نَشَ عٍ شَ سْورِيٍ مَلَن دُلٌنيِ يِرٍ يِسِرٍيلِ مَبِرِ. 2 قِلِسِتَكَيٍ شَ سْورِ مَنفّيٍ نُ حّرّ مَ عٍ شَ فَلِيٍ يَ رَ، ندٍيٍ لَنشِ مِشِ كّمّ مَ، ندٍيٍ نُ لَنشِ مِشِ وُلُ مَ. دَوُدَ نُن عَ شَ سْورِيٍ نُ نَ عٍ شَنبِ رَ مَنفّ عَكِسِ سّيتِ مَ. 3 قِلِسِتَ سْورِ مَنفّيٍ نَشَ عَكِسِ مَشْرِن، «ثٍ، يِ عِسِرَيِلَكَيٍ نَ مُنسٍ رَبَقٍ بٍ؟» عَكِسِ نَشَ عٍ يَابِ، عَ نَشّ، «دَوُدَ نَن عَ رَ، نَشَن نُ قِندِشِ عِسِرَيِلَ مَنفّ سْلُ شَ مِشِ رَ، كْنْ عَ نَ ﭑ قْشْ رَ كَبِ حّ وُيَشِ. هَن يَكْسِ ﭑ مُ قٍ حَاشِ يٌ تٌشِ عَ رَ، كَبِ عَ نَشَ سٌ ﭑ شْنيِ.»

4 قِلِسِتَ سْورِ مَنفّيٍ نَشَ شْنْ عَكِسِ مَ نَ شَ قٍ رَ، عٍ قَ عَ قَلَ عَ بّ، «عَ لَنمَ عِ شَ دَوُدَ رَفبِلٍن يِرٍ، عِ دّننَشّ سٌشِ عَ يِ رَ. عَ مُ لَنمَ عَ شَ بِرَ وٌن قْشْ رَ، عَلَكٌ عَ نَشَ وٌن يَنقَ فٍرٍ كُي. نَ يَنقَنتٍيَ مْولِ مُ نْمَ شّ عَ نِيَدٍ سْلُ شَ دِحّ عَ مَ؟ 5 مِشِيٍ نُ سِفِ سَمَ، عٍ قَرٍ بٌرٌن دَوُدَ مَتْشْقٍ رَ. عٍ نُ عَ قَلَ، ‹سْلُ بَرَ مِشِ وُلُ كٍرٍن قَشَ، كْنْ دَوُدَ تَن بَرَ مِشِ وُلُ قُ قَشَ.›»

6 عَكِسِ نَشَ دَوُدَ شِلِ، عَ عَ قَلَ عَ بّ، «ﭑ بَرَ ﭑ كَلِ عَلَتَلَ رَ، عِ تِنشِن. ﭑ نُ وَ مَ نّ، وٌن بِرِن شَ سِفَ فٍرٍ كُي، وٌن مَن قَ، بَرِ مَ ﭑ مُ قٍ حَاشِ يٌ تٌشِ عِ رَ. كْنْ عِ مُ رَقَن ﭑ مَ سْورِ مَنفّيٍ مَ. 7 عِ نَشَن نَبَمَ، عِ شَ فبِلٍن مُشُ قْشْ رَ بْحّسَ كُي، عَلَكٌ قِلِسِتَ سْورِ مَنفّيٍ بْحّ نَشَ رَحَاشُ عٍ مَ.» 8 دَوُدَ نَشَ عَ مَشْرِن، «ﭑ تَن عِ شَ كٌنيِ، ﭑ مُنسٍ رَبَشِ، نَشَن مُ رَقَنشِ عِ مَ، نَشَن عَ نِيَمَ ﭑ شَ فبِلٍن ﭑ مَرِفِ يَشُييٍ فٍرٍقٍ قْشْ رَ؟»

9 عَكِسِ نَشَ دَوُدَ يَابِ، عَ نَشّ، «ﭑ عَ كٌلٌن. عِ رَقَن ﭑ مَ عَلْ عَلَتَلَ شَ شّيرَ، كْنْ قِلِسِتَ سْورِ مَنفّيٍ نَشّ، ‹مُشُ مُ تِنمَ عَ شَ بِرَ مُشُ قْشْ رَ فٍرٍ كُي!› 10 نَ نَن عَ رَ، تِنَ سُبَشّ عِ تَن نُن عِ شَ مَنفّ شَ سْورِيٍ، نَشٍيٍ قَشِ عِ قْشْ رَ، وٌ شَ فبِلٍن.» 11 دَوُدَ نُن عَ شَ سْورِيٍ نَشَ كٍلِ سُبَشّ مَ، عٍ فبِلٍن قِلِسِتَ بْشِ مَ. قِلِسِتَكَيٍ تَن نَشَ تٍ يِسِرٍيلِ.