Pànla jɔlɔ jɛŋgɛ maga lɛ wa na punwɛ sanga wi ni.

Izirayɛli woolo pe daga mbege yo ma!

2 Pànla jɔlɔ jɛŋgɛ maga lɛ wa na punwɛ sanga wi ni,

ɛɛn fɔ pee cew ta na na.

3 Pànla gbɔn ma sagbanra tuuro kɔɔnlɔ wa na pɔgɔlɔ,

paa yɛgɛ ŋga na kɛkɔɔnlɔ ma kaa palaye wari we.

4 Ɛɛn fɔ Yawe Yɛnŋɛlɛ li yɛn ma sin,

lì lepeele pe manda ti sangala na na.

5  Siyɔn ca ki yɛn ma mbele fuun mbɛn,

fɛrɛ mbe pe ta fɔ paa sɔngɔrɔ puŋgo na.

6 Pe pye paa yan ŋga ki ma fi wa birigo ki go na ki yɛn,

ko ŋga ki ma waga sanni ki sa yiri ki lɛ.

7 Kila ki kɔlɔgifɔ wi kɛɛ ki yin,

ki pɔfɔ wila ki pɔlɔ ta mbege lɛ mboo kanŋgaga ki yin ki ni.

8 Torofɛnnɛ pe se ka pe pye mbe yo fɔ:

«Yawe Yɛnŋɛlɛ li duwaw ye na!

We yɛn na duwaw piin ye kan Yawe Yɛnŋɛlɛ li mɛgɛ na!»