52
Yɛnŋɛlɛ li yaa lere ŋa
wi maa wi yɛɛ gbogo
na kapege piin wi tɔngɔ
wi maa wi yɛɛ gbogo
na kapege piin wi tɔngɔ
1 Yurukɔɔlɔ to wi sɛwɛ yurugo. Davidi nagawa yurugo.
2 Wìla ki yurugo ki kɔ, naa Edɔmu cɛnlɛ woolo naŋa Dowɛgi wìla kari ma saa ki yo Sawuli wi kan ma yo Davidi wìla kari wa saraga wɔfɔ Ahimelɛki wi yeri we† 52.2: Ki laga ŋga ki yɛn na para ŋga Dowɛgi wìla pye ko sɛnrɛ na. Wìla Davidi wi fanla ma saraga wɔfɔ Ahimelɛki wi gbo (1 Sami 21–22.1-23)..
3 Mboro ŋa fanŋga fɔ, yiŋgi na, a ma nɛɛ ma yɛɛ gbogo ma kapege pyege ki kala na?
Ma si yala Yɛnŋɛlɛ li kagbaraga ki yɛn wa fɔ sanga pyew.
4 Ma mɔɔ yɔn sɛnrɛ ti lɛ na legbogo kagala gbɛgɛlɛ mbe pye,
ma yɔn kì tanla paa yunŋguluwo yɛn,
ma yɛn nambara fɔ.
5 Kapege kɔɔn ndanla ma wɛ kajɛŋgɛ ki na,
yagbogowo pɔɔn ndanla ma wɛ kaselege ki na.
Wɔnmatigiwɛn laga.
6 Lere jɔgɔsɛnrɛ to ti mɔɔ ndanla;
mboro ŋa ma maa lere fanla ma yɔn ki ni we.
7 Ki kala na, Yɛnŋɛlɛ li yaa kɔɔn jɔgɔ mbɔɔn wɔ wa fɔ sanga pyew,
li yaa ma yigi mbɔɔn tile mbɔɔn wɔ wa ma paraga go ki ni,
li yaa kɔɔn kɔlɔgi mbɔɔn wɔ laga leweele pe tara ti ni.
Wɔnmatigiwɛn laga.
8 Kona lesinmbele pe yaa kaga wogo ki yan mbaa fyɛ,
pe yaa kaa tɛgɛ wi na, mbaa yuun fɔ:
9 Ki naŋa fanŋga fɔ ŋa, yoo wele! Wo ŋa wi sila Yɛnŋɛlɛ li pye wi go sigefɔ.
Wìla wi jigi wi taga wi penjagbɔrɔ to na.
Wìla pye naa yɛɛ jate fanŋga fɔ wi kapyere tijangara ti kala na† 52.9: Ŋga kì yo fɔ: Wìla pye naa yɛɛ jate fanŋga fɔ wi kapyere tijangara ti kala na, Yɛnŋɛlɛ sɛnrɛ sɛwɛɛlɛ pele ni pège yɔnlɔgɔ ma yo fɔ: Naa wìla pye penjagbɔrɔ fɔ, wìla pye naa yɛɛ jate fanŋga fɔ..
10 Ɛɛn fɔ mi wo na, mi yɛn paa oliviye tige yɛn, ŋga kì fun ma wɛrɛ ta wa Yɛnŋɛlɛ li go ki ni;
mìlan jigi wi taga Yɛnŋɛlɛ li kagbaraga ki na sanga pyew fɔ tetete.
11 Mi yaa lɔɔn sɔnni sanga pyew ŋga mà pye ki kala na;
mi yaa na jigi wi taga ma na, mbele pè taga ma na pe yɛgɛ sɔgɔwɔ,
katugu ma yɛn jɛnŋɛ.
†52:2 52.2: Ki laga ŋga ki yɛn na para ŋga Dowɛgi wìla pye ko sɛnrɛ na. Wìla Davidi wi fanla ma saraga wɔfɔ Ahimelɛki wi gbo (1 Sami 21–22.1-23).
†52:9 52.9: Ŋga kì yo fɔ: Wìla pye naa yɛɛ jate fanŋga fɔ wi kapyere tijangara ti kala na, Yɛnŋɛlɛ sɛnrɛ sɛwɛɛlɛ pele ni pège yɔnlɔgɔ ma yo fɔ: Naa wìla pye penjagbɔrɔ fɔ, wìla pye naa yɛɛ jate fanŋga fɔ.