1 Wunlunaŋa Sɛrisɛsi wìla nizara wɔgɔ wa wi wunluwɔ tara woolo pe na, naa leele mbele pàa pye lɔgɔ furo nda wa kɔgɔje wi nandogomɔ pe na. 2 Wìla yawa ta ma kagala ŋgele pye, naa wi kotogo kagala ke ni konaa wìla Maridoshe wi yirige maa tɛgɛ cɛnsagbɔgɔ na yɛgɛ ŋga na, ki kagala ke ni fuun ke yɛn ma yɔnlɔgɔ wa Medi tara naa Pɛrisi tara wunlumbolo pe wagati kapyegele sɛwɛ wi ni. 3 Mà jɛn Zhufuye naŋa Maridoshe wo wìla pye fanŋga fɔ ma taga wunlunaŋa Sɛrisɛsi wi na. Wìla pye legbɔɔ Zhufuye pe sɔgɔwɔ. Wi kala làa pye maa sefɛnnɛ pe ndanla. Wìla pye naa woolo pe yɔnwɔ pi jaa konaa na para poro mbele wi cɛnlɛ woolo pe yɛyinŋge wogo ki na.