1 Ni ka ojunkoo san yuꞌu yute ja yaꞌa ñuu Babilonia,

te ni ka ondaꞌi san, ja ni ka ondakaꞌan san ñuu Sión.

2 Te nuu tnu ñuu ja oo ñuu yun,

ni ka ojatakaa san arpa san.

3 Te ñayiu ni ka kakuiko ña ja ka jinokuechi san nuu,

ka jikan ja na vi kata san in yaa.

Chi ñayiu ka saꞌa ndevaꞌa ndetnuni ña ka jikan ja vi kosii ini san,

te ka kachi: “Vi kata ni in yaa ñuu Sión”.

4 ¿Te naxa vi kata san yaa ja vi saꞌa kaꞌnu san Jitoꞌo,

nuu ka oo san inka ñuu?

5 Te nuu ja na ndunaa ini ña rin jin ron, vi Jerusalén,

te na yichi ndaꞌa kuaꞌa rin.

6 Te na ndatnindee yaa rin laꞌla rin,

nuu ja ma ndakaꞌan ña rin jin ron, vi Jerusalén,

nuu ja tu saꞌa kaꞌnu ña rin jin ron,

ja maa ron kuu ja saꞌa ja kusii ini ndevaꞌa rin.

7 Ndakaꞌan ni, vi Jitoꞌo, jakueꞌe ni ka saꞌa ñayiu Edom,

kiuu ja ni ka xnai ñuu Jerusalén, te ka kachi:

“Vi xnaa ni ñuu Jerusalén. Vi xnaa ndiꞌi ni guaa ndee kaꞌa veꞌe.”

8 Te maa ni, ñayiu ñuu Babilonia, chi vi naa ni.

Te na taꞌu na ndetu tee tetniuu tnundoꞌo siki ni,

chi vi ndaniꞌi vi ndatnaꞌa ni nagua ni ka saꞌa ña ni jin san.

9 Te na taꞌu na ndetu tee kakuiko suchi kueli ni,

te kani ña de jin yika kava vi ndee skuechi kueli ña de.