1 Maa Jitoꞌo Dios jito jini ña,

te tu nagua jaꞌni ña jin san.

2 Te jaka ña ya na kuinio ndikachi nuu ite kuikuii,

te yun ndatatu san,

vi jaka ña ya nuu tu jika niꞌi ndute.

3 Te ndataa ya jandakui san,

vi jaka ña ya ja na kaka ndaa san nuu ichi ya,

nagua ja na koo jayiñuꞌu nuu maa ya.

4 Te visi na kiꞌin san in chikoꞌi nuu nee ndevaꞌa,

su ma koyuꞌu san ja na jakueꞌe ndoꞌo san,

chi oo maa ni jin san, vi Jitoꞌo san,

te xtnuu nee ni ja jito ña ni vi yutnu ja tuu ni,

ndataa tnoꞌo ndee ini nuu san.

5 Te ndaskutu vii ni nuu kaa san xtaa jin nuu ñayiu ka kaꞌan uꞌu ña jin san,

te joso ni tatna xiko xini san ja jantaꞌu ña ni,

te taa kuaꞌa ni nuu san na kuinio ja vi jati jati vasu san.

6 Te jandaa ndija ja jaguaꞌa ni vi jandaꞌu ini ni koo jin san ndiꞌi ni kiuu ja teku san,

te veꞌe maa ni, vi Jitoꞌo, koo san nikuii nikani.