1 तानकेरीन एय चोखाला बाय बोणहा, तुमू ज्या हेरगान राज ने हादाड़ेल माय एकठा हेते, तो प्रेरित एने मुखी चाकर्‍यो यीशु पोर जाह आपु कबुल केरतेह, द्यान किरो। 2 तो तान बोणाव नारान केरता बोरहावालो ईतो, जिहकेरीन मुसा बी बोगवानान आखा गेरा माय ईतो। 3 एने यीशु मुसाह रेन उलो जादा बोड़ाय ने लायेक सोमजायेल हे। जोलोक काय गेराह बाणावणार गेराह रेन जादा आदार मिलेह। 4 एकेक गेरान कुण ने कुण बाणावणार रेणे, पुण जो आखो काय बाणायेल तो बोगवान हे। 5 मुसा ते बोगवानान आखा गेरा माय पावरान गेत बोरहावालो रिनो, ज्यी वातुन वर्णन एण्यो एतो, तान गोवाय देय। 6 पुण मसी बिटोख एणेन नाते बोगवानान गेरान आदिकारी हे एने तान गेर आपु हेते। केदी आपु दिर पोर एने आपणी आसान मोठवाय पोर सेवली बुखेत वोर मोजबुती माय थोबीन रेहु।

7 केरीन जीह चोखालो जीव किथे,

12 एय बाय बोणहा, हास केरीन रिवो काय तुमरे माय ओहलो खाराब एने विण बोरहावालो मोन नाय रेणे जुवे, जो तुमूह जीवताला बोगवाना हिऱ्यो रेन सिटो केर ली जाय। 13 पुण जाह वोर तो दिह, “जाह आज ने दिह केतेह,” आपणे ओंगाण हे दाड़ीन दिह एका दिहराह उत्साहित केरती रिवो, ओहलो नाय एय काय तुमरे माय रेन कुण बी तान पापान दोका माय आवीन वातड़ो एय जाय। 14 काहाकाय आपु मसीन गोवांद्या ईयेल हेते, केदी आपु आपणा पेल्ला बोरहा पोर सेवेट वोर मोजबुती माय थोबीन रेहु। 15 जिहकेरीन चोखाली पुस्तेक माय किथे,

16 कुण एता ता जा तान आवाज होमेलनेन पासाण बोगवानाह राग लागाड्या? काय ता आखा नाह, जा मुसान द्‍वारे मीस्र देसा माय रेन निकलेल एता? 17 एने बोगवान चालीह वोरह्या वोर काल्ला माणहा हिऱ्यो रागारो रिनो? कायताच हिऱ्यो नाह जा पाप किरेल एता, एने तान देड़े जेंगला माय पोड़ रियेल एता। 18 एने बोगवान कुणी हिऱ्यो सुगोण खाईल ईतो, “तुमू मारा हुका माय रिग नाय सिकहो।” काय ताह उलोस नाह जा उकुम नाह मान्या? 19 आपु देखतेह काय ता विण बोरहान वोजेसे रिग नाह सेकना।