ኔኤኮ ዱማዼ ጌኤዦ ማኣሮዋ ዔያታ ዒኢሴኔ፤

ዬሩሳላሜ ሻሂ ዔያታ ባይዜኔ። 2ካኣቶ. ማ 25፡8-10፤ 2ፆኦሲ. ዓሃኬ 36፡17-19፤ ዔር. 52፡12-14።

ኔኤኮ ዱማዼዞንሢኮዋ ዓሽኮ ካዮ ቦዖም

ሙኡዚ ማሂ ዔያታ ዒንጌኔ።

ዬያ ዓሶ ዱኡካ ዓሲያ ጴዺባኣሴ።

ኑ ኮይላ ዓኣ ዓሶማኣ ዓማሊ ባኣዚ ማዔኔ።

ኔኤኒ ዻጋዻሢ ናንጊና ጋፑዋያዳ?

ሜሌ ካኣሽኪንቱዋጉዲ ኮዓ ኔ ማሊፃ ታሚጉዲ ዔኤቴ ጎይሣ ናናንጋ?

ሱንፆዋ ኔኤኮ ዔኤሉዋ ካኣቶ ዑፃ

ዱማ ዱማ ኔኤኮ ዎዻ ባኮ ዳኬ።

ዔያቶኮ ናንጎ ቤዞዋ ዓሲ ናንጉዋ ዳውሌ ማሄኔ።

ማኣሪፃ ኔኤኮ ዑኬና ኑ ባንሢ ሙኮንጎ፤

ኑኡኒ ዓኣሢያ ሜቶይዳኬ።

ኔ ሱንፆ ቦንቾሮ ጌዒ ኑና ማኣዴ፤

ኔ ሱንፆሮ ጌዒያ ሄሊ ኑና ዓውሴ፤

ጎሞዋ ኑኡኮ ዓቶም ጌዔ።

ኔኤም ማዻ ዓሶ ሱጉፆ ዛሎ ኮሞ ኮፄ፤

ኑ ዓኣፓ ዛጋንቴ ዬያ ማዼ።

ሃይቆንጎ ጌይ ዎጊንቴ ዓሶዋ ኔ ዎልቆና ዓውሴ።

ላንካይ ጳንጬ ማሂ ዔያቶ ኮንቂሴኔ።

ናንጊና ጋላታ ኔኤም ሺኢሻኔ፤

ሾይንታፓ ሾይንቲ ሄላንዳኣና

ኔ ኑም ማዼ ባኮ ኑ ኬኤዛንዳኔ።