1 ዒዮሲያሴ ናኣዚ፥ ዒዮዓቄሜ ዪሁዳይዳ ካኣታዼንቴ ዖይዳሳ ሌዖና ታኣኒ ኬኤዜም ባኣሮኬ ናንጊና ናንጋ ጎዳኮ ቃኣሎ ቢራኖ ማፃኣፖይዳ ፃኣፔኔ፤ 2ካኣቶ. ማ 24፡1፤ 2ፆኦሲ. ዓሃኬ 36፡5-7፤ ዳኣኔ. 1፡1-2። 2 ዒስራዔኤሌ ፆኦሲ ማዔ ናንጊና ናንጋ ጎዳሢ ባኣሮኬም ኬኤዛንዳጉዲ ታኣም ኬኤዜ ባኮ ሂዚ ጌይ ታኣኒ ዒዛም ኬኤዜኔ፦ 3 ኔኤኒ፦ «ናንጊና ናንጋ ጎዳ ታኣኮ ሜቶይዳ ታና ዖዪሳ ባኣዚ ቃሳዛ ሃውሾ ታኣኮ ባይቄሢሮ ዔኤቢ ታኣም ዹሜም ታኣኒ ላቤኔ፥ ታና ባዴዔ!» ጋዓኔ።

4 ጋዓንቴ ናንጊና ናንጋ ጎዳ፦ «ታኣኒ፥ ናንጊና ናንጋ ጎዳ ማዤ ባኮ ጊንሣ ሻሃንዳኔ፤ ቱኬሢያ ጊንሣ ታኣኒ ቱጋንዳኔ፤ ዬያ ታኣኒ ዓጮ ቢያይዳ ማዻንዳኔ፤ 5 ዬያሮ ኔኤኒ ኔኤም ኮሺ ባኣዚ ማዺንታንዳጉዲ ዎይቲ ኮዓይ? ኔኤኒ ያዺ ማላንዳያ ኮይሱዋሴ፤ ታኣኒ ባይዛንዳ ባኣዚ ዓሲ ዜርሢ ቢያይዳ ኬይሳንዳኔ፤ ያዺ ማዔቴያ ኔኤኒ ዴንዳ ቤዞ ቢያይዳ ሜሌ ዓቴቴ ሼምፓሢታዖ ታ ኔኤኮ ዓይሳንዳኔ፤ ዬያ ጌዔሢ ታና፥ ናንጊና ናንጋ ጎዳኬ» ጋዓኔ ጌይ ኬኤዜኔ።