ኮሜ ኮፃ ፆኦዛሢዮ! ፖዒ ፔጋዺ ጴዼ።

ዖቶርቃ ዓሶም ዔያቶ ማዾጉዴያ ዒንጌ።

ፑርቶ ማዻ ዓሳ ዓይዲ ሄላንዳኣናዳይ ፂካንዳሢ?

ፑርቶ ዓሳ ሆኦሊንቲ ዺቢሻኔ።

ዔያታ ዴሮ ኔኤኮ ላቢሳኔ፤

ዓሶ ኔኤሲያ ዋኣዪሳኔ።

ዜኤሮ ናኣቶኮዋ ሼምፓሢ ባይዛኔ።

«ናንጊና ናንጋ ጎዳ ኑና ዴንቁዋሴ፤

ያይቆኦቤ ፆኦዛሢ ዬያ ዔሩዋሴ» ጋዓኔ።

ሂንዳ ኮሺ ማሉዋቴ፤

ዒንሢ ዔኤዮ ዓሳ ዔራ ዒንሢ ማዓንዳሢ ዓይዲዳይ?

ዓኣፖ ማዤሢያ ዛጉዋዓዳ?

ዔራቶ ዓሲም ዒንጋሢ ሜቶ ዓጋዓዳ?

ዔኤቢ ፓሡዋያ ጉሪ ማዔሢ ዔራኔ። 1ቆሮ. 3፡20።

ኔ ዎጎዋ ኔ ዔርዛ ዓሲ ዓንጂንቴያኬ።

ኔኤኒ ዒዛ ፑርታ ሜቶፓ ሃውሺሳንዳኔ።

ፔ ዓሶዋ ሃሹዋሴ።

ዒኖ ፒዜ ዓሳ ቢያ ዬያ ጊንፆ ዓኣዻንዳኔ።

ፑርቶ ማዻ ዓሶና ታ ዛሎ ሞኦቲንታንዳያ ዖናዳይ?

ቤዞና ታ ሄኤዶ ሃይቄ ዓሶ ሳዖ ኬዴያ ናንዳኔ።

ናንጊና ናንጋ ጎዳሢዮ!

ኔኤኮ ሚጪንቲፃ ላባዒ ታና ዓርቄኔ።

ኔኤኮ ዶዲሺፃ ሼምፓሢ ታኣኮ ዎዛሳኔ።

ዎቢሲ ዎጊንቴ ዎጌና ፔቴ ኔ ማዓንዳ?

ጌኤዦ ዓሳ ሃይቃንዳጉዲ ዔያታ ዎጋኔ።

ታኣኮ ፆኦዛሢያ ፑኖ ካይዚ ማዔኔ።

ዔያቶ ፑርቱሞሮ ዒ ባይዛንዳኔ፤

ናንጊና ናንጋ ጎዳ ማዔ ኑ ፆኦዛሢ ዔያቶ ጋጋፒሳንዳኔ።