ፆኦሲ ኪኢታንቾፓ ዎያ ባንሢ ኔ ዛጋይ?

ቂኢሩሞዋ ዒኔባኣ ዓሲ ባባይዛኔ።

ፆኦሲ ጎሪንቲና ማኣራ ዒዛኮ ዔሩዋንቴ ሻሂንቴኔ።

ዓሳ ቡካ ጶኦኮይዳ ዔያቶ ዛሎ ጌስታንዳ ዓሲ

ዔያታ ዴንቂንዱዋኣሢሮ ፑርታ ባኣዚ ዔያቶ ሄላኔ።

ዓንጊፆ ባኣካ ባቃሌ ሃኣኮታዖ ዒዛም ሃሺንዱዋኣሴ፤

ዼኤቢንቴ ዓሳኣ ዒዛኮ ቆሎ ዔካኒ ዓፃዻኔ።

ሜታ ሃሣ ሳዓይዳፓ ባቃሉዋኣሴ።

ዓሲያኣ ሜቶም ሾይንታኔ።»

ሜታሢ ታኣኮ ቢያ ዒዛም ታ ኬኤዜያ ናንዳኔ።

ሃይማኬ ጌይ ዔርቱዋ ዼኤፒ ባኣዚ ማዻኔ።

ጎዦዋ ዋኣሢና ሎጪሳኔ።

ዖዬዞንሢያ ዶዲሺ ዎዛሳኔ።

12 ዔያቶኮ ማዻ ጊኢጉዋጉዲ ጌኖ ዓሶኮ ማሊፆ ጉሪ ማሃኔ።

ጌኖ ዓሶኮ ማሊፃኣ ሩኡሪና ባይቃኔ። 1ቆሮ. 3፡19።

ሃጊ ዓባ ሳዛ ዓኣንቴ፥ ዋንቶ ዹሞይዳ ዓኣያጉዲ ዔያታ ዹቃዻኔ።

ሜታዼ ዓሶዋ ሄርቂ ሜታሳ ዓሶ ዴማፓ ዒ ኬሳኔ።

ዋይዚ ዒፂሢያ ዒዚ ዓጪፓ ጋፒሲ ባይዛኔ።»

ዬያሮ ዼኤፖ ፆኦዛሢኮ ጎሮ ቦሂፖ። ኮኦኪ. 3፡11፤ ዔብ. 12፡5-6።

ፔቴ ኩጮና ኔና ዒ ሜንሤቶ ባጎ ኩጮና ኔና ፓሣኔ። ሆሴ. 6፡1።

ላንካሳሢናኣ ዓይጎ ሜታኣ ኔና ሄላዓኬ።

ዖሎ ዎዶናኣ ሃይቢፓ ኔና ዒ ዓውሳኔ።

ባይሲንታ ሙኬቴያ ኔ ዒጊጫዓኬ።

ካዮ ቦዖዋ ኔ ዒጊጫዓኬ።

ካዮ ቦዖና ዎላ ኔ ኮሺና ናንጋንዳኔ።

ማራቶኮ ባርቶ ኔ ዛጋኣና ቢያሢ ኮሺ ዓኣንቴ ኔ ዴንቃንዳኔ።

ዜርፃ ኔኤኮ ቦኦሎ ማኣቶጉዲ ሚርጋንዳኔ።

ኔኤኒያ ጋርቻንዳያ ሄላንዳኣና ሚርጌ ሌዔ ናንጋንዳኔ።

ዬያሮ ኔኤኒ ማሊ ጶቂሢጋፓ ማዾይዳ ፔኤሼ።»