ታኣኒ ዒላታ ዒላታ ኔ ኮራ ሄሎንጎ።

ዋዮ ኔኤኮ ታ ባንሢ ማሄ፤

ታኣኒ ኔና ዔኤላ ኬሎና ሩኡሪና ታኣም ዬሄ።

ሜጌፃ ታኣኮ ዓዳ ናኣቦጉዲ ዖይዼኔ።

ካሣ ሙኡዚያ ታ ዋሌኔ።

ዑፃ ታኣኮ ሜሊ ዓቴኔ።

ዶዔ ባዓ ቤስካ ዓኣ ኩኩቴ ማዔኔ።

ማኣሮኮ ሄላሢዳ ፔኤሮ ዓኣ

ሚኢሻካፒ ታ ማዔኔ።

ታና ፑርቲሳ ዓሳ ሱንፆ ታኣኮ ጋዳንቂንቴያ ማሂ ዛጋኔ።

ዑዦ ታኣኮ ታኣኒ ዓቢፆና ሲኢሬኔ።

ሌካ ታና ኔ ኬሴ ቤዛፓ ሊካ ኬኤሬኔ።

ታኣኒያ ማኣቲጉዲ ሹሌኔ።

ኔኤኒ ጋዓንቴ ናንጊና ኔኤኮ ካኣቱሞ ዖይታ ዴዔኔ፤

ሱንፃ ኔኤኮ ሾይቲፓ ሾይንቲ ሄላንዳኣና ናንጋኔ።

ዒዞም ኔኤኒ ኮሹሞ ኔኤሲ ዻዋ ዎዶ ማዔሢሮ

ኔ ጌዔ ዎዳ ሄሌኔ።

ሳዖ ዓጮማኣ ሚጪንታንዳኔ።

ሳዖ ካኣታኣ ቢያ ቦንቾ ኔኤሲ ዒጊጫንዳኔ።

ፔኤኮ ቦንቾና ፔጋዺ ጴዻንዳኔ።

ዔያታ ሺኢቃ ሺኢጲፆ ዒ ቦሃዓኬ።

ሃያ ናንጊና ናንጋ ጎዳ ማዼ ዲቃሢ ሄርሺሳ ባኮ

ሙካ ሾይንቶም ፃኣፑዋቴ።

ናንጎ ማኣራፓ ሊካ ዛጌኔ፤

ጫሪንጮይዳ ዓኣዖ ሳዖ ዛጌኔ።

ቱኡቴ ዓሶኮ ዒላቶ ዋይዛኒ

ሃይቆም ዎጊንቴ ዓሶዋ ዓውሳኒኬ።

ጋላታኣ ዬሩሳላሜይዳ ኬኤዚንታንዳኔ።

ናንጊና ናንጋ ጎዳ ካኣሽካኒ

ፔቱሞና ቡኪንታኣና ማዓንዳኔ።

ናንጎ ታኣኮ ዒ ዑኬና ጋፒሴኔ።

ሾይንቲፓ ሾይንቲ ሄላንዳኣናታሢሮ

ናንጎ ታኣሲ ታኣኒ ጋፒሲባኣንቴ

ታ ናንጋ ሃጊ ዓኣ ጎይሣ ዓኣንቴ

ታና ዔኪፖ» ጌዔኔ።

ጫሪንጫኣ ኔ ማዤሢኬ።

ኔኤኒ ጋዓንቴ ዶዲ ናንጋንዳኔ።

ዬይ ቢያሢ ማኣዖጉዲ ጪንቃንዳኔ፤

ዓፒላጉዲያኣ ኔ ዔያቶ ላኣማንዳኔ፤

ዔያታ ቤዞና ኬኤሪንታንዳኔ።

ሌዓኣ ኔኤኮ ፔቴታዖ ጋፑዋሴ። 102፡27 ዔብ. 1፡10-12።

ዜርፃ ዔያቶኮ ኔ ቤርታ ዶዲ ዴዓንዳኔ።