1 Pawd loq,* 1:1 Pawd loq 1The 1:1 haq ngawx. Sir lar nuz† 1:1 Sir lar nuz Ser laq haq koz lar che yaog. Cy 17 he lehq Tiq mod ser, a nig ved Awr pa Ghig sa he lehq Jawd mawd Yer suq Khreq awg khuhn chehd che Thed sar lawd niq Khreq yad awg mor haq liq che te koz buhq ax che yaog. 2 Awr pa Ghig sa he lehq Jawd mawd Yer suq Khreq ve awg bon awg sinx‡ 1:2 awg bon awg sinx Yh 4:2, 14:7, 20:19, Gal 1:3, Ef 1:2 he lehq duhd sa gad sa che nig hehd geh cawg vid-oq.

3 A vix a nax§ 1:3 A vix a nax Yer suq haq yonr che chaw awg gha lia Khreq khuhn a vix a nax phehq che yaog. 1Th 1:4 teq paog, nig hehd awg pun ngag hehd khar thad liz Ghig sa haq chid muh cawd cehg mag che yaog. Awg lawn ghod ver, nig hehd yonr che ted ceng ir lag mad la chehd lehq nig hehd awg gha lia te ghad lehq te ghad haq haq daq che ted ceng mad-ag chehd che haq te lehq, a nig che kheh te chid muh kenr che yaog. 4 Kheh te lehq, du deh che* 1:4 du deh che 1Th 1:6, 2:14, 3:3 haq ngawx. he lehq tuq che khanr che awg gha lia haq nig hehd gha khanr che awg khuhn, nig hehd ni ma yeg lehq yonr chehd cheaq te lehq, Ghig sa ve Khreq yad awg mor teq pa mehz khuhd suhr huh ngag hehd nig hehd haq chid muh che yaog.

5 Awg ceng u ve awg gha lia awr lehr, Ghig sa thed-e ghad suhx jehg che awg hez te mawa lar che yaog. Kheh te cheaq te lehq, Ghig sa ve muhd mig awg pun nig hehd gha tuq gha khanr chehd lehq, muhd mig u ve haq kenr daq che yaog lehz yawd sawnr che yaog. 6-7 Awg lawn ghod ver Jawd mawd Yer suq awr lehr, yawd ved kand pax kha peh cawg che muhd nuh maq cuh yad teq pa geh teq geha a mir awg ghiz† 1:6-7 a mir awg ghiz Ghig sa tuhaz vid che haq koz che yaog. Tuhz 3:2, 19:16-19 pawd jad che awg khuhn muhd nuh maq lo tuhaz che te yand, a meha nig hehd haq du deh chehd che chaw teq pa haq yawd u kheh kawq te du deh vid tug lehd ma koz, du deh che haq gha khanr che nig hehd teq pa awr lehr, ngag hehd geh teq geha ghad jehd vid tug lehd ma koz, thed che cawd che yaog lehz Ghig sa duhd lar che yaog. 8 Awg yand u ve khuhn, Ghig sa haq maq sir che chaw teq pa he lehq a nig ved Jawd mawd Yer suq ve ha lehg che bon khuhd haq maq na yug che chaw teq pa haq yawd hehnd chawa kawq te khuhq vid tug yaog. 9 Yer suq kawq yaq che teq ni thad, chaw u ve teq pa awr lehr Jawd mawd Yer suq he lehq yawd ved awg mig awg phond kha peh cawg che kand pax haq gha phaz daq lehq, co co taer taer lug che sez che cir yanr che‡ 1:9 lug che sez che cir yanr che Muhd naz hoq khuhn gha gehe che haq koz che yaog. Rm 2:7 haq gha khanr tug yaog. 10 U ve teq ni§ 1:10 U ve teq ni Yer suq suhx jehg che awg ni haq koz che yaog. 1Th 5:2 awg khuhn, Yer suq lag lehq yawd ved Khreq yad teq pa haq te lehq awg mig awg phond gha lehq, yonr che chaw awg gha lia yawd haq and lehq chid muh tug yaog. Ngag hehd sax khiz khanr che haq nig hehd yonr che haq te lehq, nig hehd liz u ve teq mor awg khuhn chehd chehd che yaog. 11 Nig hehd awg pun ngag hehd khar thad liz che kheh bon lawg chehd che yaog. A nig ved Ghig sa kug yug lar che haq nig hehd kenr che chaw phehq vehr tug lehd ma koz, daq che awg ceng gha lia haq te gad che he lehq yonr che awg khuhn* 1:11 yonr che awg khuhn Yonr che awg khuhn te lar che kanx haq lehax Ghig sa ni khaz suh che yaog. He 11:6 kha te che kanx awg gha lia yawd ved kand pax haq te lehq nig hehd te peg gha tug lehd ma koz, Ghig sa nig hehd haq u kheh te vid tug awg pun ngag hehd bon lawg chehd che yaog. 12 Kheh te ver, a nig ved Ghig sa he lehq Jawd mawd Yer suq Khreq ve awg bon ir jad mad jad che haq te lehq, nig hehd awg khuhn a nig ved Jawd mawd Yer suq ve awg meh awg mig awg phond gha tug yaog. Kheh te lehq yawd haq te lehq, nig hehd liz awg mig awg phond gha tug yaog.