1 అన్నె కిచ్చొ దెకిలయ్ మెలె, పరలోకుమ్ తెంతొ దూత ఎక్కిలొ ఉత్ర జెతె తిలిసి దెకిలయ్. జోచి అత్తి మట్టు నెంజిలి జా * 20:1 9:1 దెక.వెల్లి గొయిచి తాలుమ్ కడి, చి జాడు తిలి ఏక్ ఇనుము గొల్సు తిల. 2 తెదొడి వెల్లొచొ జో అయిక, జలె పూర్గుమ్ తెంతొచొ అయిక, మెలె, సయ్‍తాన్ జలొ సయ్‍తానుక దూత దెర కెర, వెయి వెర్సుల్ జో దస్సి తతి రితి జోక బంద గెల కెర, 3 మట్టు నెంజిలి జా గొయితె గల దా, వెయి వెర్సుల్ గెతె ఎదక దేముడుక నేన్ల మాన్సుల్‍క జో అయి అన్నె నే మోసిమ్ కెర్తి రిసొ, జోచి ఉప్పిరి డంక దిలన్. జా వెయి వెర్సుల్ గెలె, జోక గడియ విడ్దల్ కెరుక.

4 తెదొడి కిచ్చొ దెకిలయ్ మెలె, సిఙాసనల్, చి జోవయించి ఉప్పిరి కో వెస తిల మెలె, బూలోకుమ్‍చ దేసిమ్‍లు ఎత్కిక ఏలుప కెర్తి రిసొ దేముడు సెలవ్ దిలస. కొన్స మెలె, యేసుచి రిసొ జేఁవ్ సాచి సంగ తిలి రిసొ, చి దేముడుచి కోడు జేఁవ్ దెరన్లి రిసొ, బోడి గండల్ జలస, చి అన్నె కొన్స మెలె, జో పాపుమ్‍చొ జంతుక చి జోచి బొమ్మక బక్తి నే కెర్లస, జోచ నిర్డెలె అత్తిలె జోచి గుర్తు నే కెరవన్లస. జేఁవ్ జలె, జీవ్ జా ఉట్టిల, చి వెయి వెర్సులు క్రీస్తు తెన్ ఏలుప కెర్ల. 5 ఈంజయ్ జీవ్ జా ఉట్తిస్‍క ‘తొలితొ చి’ మెనుక జయెదె. తొలితొచి ఈంజ జీవ్ జా ఉట్తిస్‍తె బెదితసక చెంగిలి. ఎత్కి అదికారుమ్ దేముడుచ జేఁవ్ జవుల! కిచ్చొక మెలె, జోవయించి ఉప్పిరి † 20:5 మెలె, వెల్లొ ఆగి గొయ్‍చి సిచ్చతె గెతిసి. 20:14.పడ్తొకచి మొర్నుక కిచ్చొ అదికారుమ్ తయె నాయ్. 6 తొలితొ చి జీవ్ జా ఉట్తిసి జతస దేముడుక చి క్రీస్తుక పూజర్లు రిత జవుల, చి వెయి వెర్సుల్ పూర్తి జో తెన్ ఏలుప కెరుల.

7 జేఁవ్ వెయి వెర్సుల్ కేడ్లె, జో జేలి జలిసి తెంతొ సయ్‍తాన్ విడ్దల్ జా, 8 ‘గోగు’ ‘మాగోగు’ మెన బూలోకుమ్‍చ చెత్తర్ పక్కలెచ దేముడుక నేన్ల మాన్సుల్ యుద్దుమ్‍క తెయార్ జతి రితి, జో సయ్‍తాన్ జోవయింక మోసిమ్ కెరెదె. జేఁవ్ మాన్సుల్‍చి లెక్క కెద్ది మెలె, సముద్రుమ్‍తెచి ఇస్కగిడ్డల్ కెత్తి జా లెక్క కెరుక నెంజె గే, తెదివాట్ జిన్ జవుల. 9 తెదొడి జేఁవ్ బూలోకుమ్‍చి రుందిలి టాన్‍తె వెగ జా, దేముడుచ జల మాన్సుల్‍చి సుట్టునంత, చి జో ‡ 20:9 దొన్ని అర్దల్ ఉచరుక జయెదె. ఏక్ మెలె, మాములుమ్ యెరూసలేమ్ పట్నుమ్. అన్నెక్ మెలె, కేనె ప్రబుచయ్ మాన్సుల్ తవుల గే, ఒత్తయ్ మెన ఉచరుక జయెదె.ప్రేమ తిలి పట్నుమ్‍చి సుట్టునంత బెర అయ్‍ల. గని పరలోకుమ్ తెంతొ దేముడు తెంతొ ఆగి సూఁయి జా జోవయింక డయ గెలి. 10 జోవయింక మోసిమ్ కెర్లొ సయ్‍తాన్ సిచ్చ జతె తంక ఎడ్ది ఆగి లగితి వెల్లి ఆగి గొయ్‍తె § 20:10 ఎత్కి అదికారుమ్ తిలొ దేముడు ఒత్త గలయ్‍లొ, గెద.గలి జలొ. జో పాపుమ్‍చొ జంతు, అన్నె అబద్దుమ్‍క ‘దేముడుచ కబుర్లు సంగితొసొ ఆఁవ్’ మెనన్లొసొ కి ఒత్తయ్ గలి జా అస్తి. జేఁవ్ రాతి మెద్దెనె కెఁయఁక తెఁయఁక నే పిట్తె, ఒత్త సిచ్చల్ బాదల్ జతె తవుల.

11 అన్నె కిచ్చొ దెకిలయ్ మెలె, వెల్లి చొక్కిలి సిఙాసనుమ్, చి జాచి ఉప్పిర్ వెసిలొసొక దెకిలయ్. జోతె తెంతొ బూలోకుమ్ ఆగాసుమ్ నిగ గెల, చి జేఁవ్‍క అన్నె కేన్ టాన్ నాయ్. 12 తెదొడి కిచ్చొ దెకిలయ్ మెలె, బాల వెల్లొ మొర్లస ఎత్కిజిన్ సింగాసనుమ్‍చి పుర్రె టీఁవ తతికయ్, పుస్తకల్ * 20:12 కో ఉగిడ్ల గే సంగె నాయ్.ఉగిడ్ల. పడ్తొ అన్నెక్ పుస్తకుమ్ ఉగిడ్ల; పరలోకుమ్‍తె జింక సెలవ్ తిలసచ నవ్వొ రెగిడ్లి పుస్తకుమ్. జలె, మొర్లస జేఁవ్ కెర్ల కమొచి రిసొ జేఁవ్ పుస్తకల్‍తె రెగ్డ తిలి రితి తీర్పు జల.

13 తెదొడి, జేఁవ్‍తె మొర్లసక సముద్రుమ్ సొర్ప కెర దిలి, అన్నె మొర్ను చి మొర్లస రకితి టాన్ ఒత్త తెంతొ తిలసక సొర్ప కెర దిల, చి సముద్రుమ్‍తె మొర్లస, చి మొర మొర్లస, రకితి టాన్‍తె తిలస ఎత్కిజిన్ జీవ్ జా, సింగాసనుమ్‍చి పుర్రె టీఁవ, జేఁవొజ, జేఁవ్‍క కమొచి రిసొ తీర్పు జవుల. 14 తెదొడి మొర్ను చి మొర్లస రకితి టాన్ వెల్లొ ఆగి గొయ్‍చి గడ్డె † 20:14 ఎత్కి అదికారుమ్ తిలొ దేముడు ఒత్త గలయ్‍లొ, గెద.గలి జల. వెల్లి ఆగి గొయ్‍తె గల్తిసి దొన్నిచి మొర్ను జయెదె. 15 అన్నె, పరలోకుమ్‍తె జింక సెలవ్ తిలసచ నవ్వొ రెగిడ్లి పుస్తకుమ్‍తె కచి నావ్ తయె నాయ్ గే, జెఁవ్వి వెల్లి ఆగి గొయ్‍తె ‡ 20:15 ఎత్కి అదికారుమ్ తిలొ దేముడు ఒత్త గలయ్‍లొ, గెద.గలి జల.