120
Sonemba Dae Banungariri
1 Na darada fetedo ghusena da sifo aminda,
Bajari namo sonembare dae banungedo ghuseni.
Banungeono ningido na nune sonembedo ghusira.
2 Arie Bajari, namoa gungubo kakato
a derari kakato eikena bu darigaso dae resena.
3 Gungubo kakato, God nendae nange ari?
Nu nendae kau nange ari ghamo barevu?
4 Ne taká isoro emboda feva da goroba mendó sighonogo aimi gae babasiguse,
avaraka imo kokoigo beká aimi dungari avareva.
5 Nenda jokáda irari mo, eko bekári, kau esa yavai ya,
evetu genembo nenda otu ekoko reighi Meseki o Keda* Meseki o Keda: reighi etoto naká emo jo utua iraeri, sokari. Evetu genembo aminda iritirera amo ekoko beká, nenda otu ekokori. embo ainda irari da kaugori.
6 Na evetu genembo beisiga tataya kakatode ghousa futo irana,
imboe beká erira.
7 Na dubo jama da genembori,
avata ne nanjigo beisiga tataya dodo iroro dae sarena amo,
ne isoro ari dae sarera.
*120:5: Meseki o Keda: reighi etoto naká emo jo utua iraeri, sokari. Evetu genembo aminda iritirera amo ekoko beká, nenda otu ekokori.