3
Kuzhalwa kaheri kwa Roho
1 3:1 Nikodemu: 7:50; 19:39Bai kwereko mut'u mumwenga aifwaye Nikodemu. Nikodemu were ni kilongozi wa Ayahudi ariyekala kahi za chama cha Mafarisayo. 2 3:2 Math' 22:16; Joh 2:11Siku mwenga wakwenda kwa Jesu na usiku, achendamwamba, “Rabi hunamanya kukala u mwalimu ariyehumwa ni Mulungu. Mana k'akuna adimaye kuhenda ii miujiza uhendayo hasiho Mulungu kukala hamwenga naye.”
3 3:3 1:13Jesu akimwamba, “Ninakwambira ujeri wenye, mut'u asihozhalwa mara ya hiri, k'adima kuwona uthawali wa Mulungu.”
4 Nikodemu akiuza akiamba, “Mut'u adimadze kuzhalwa kaheri kala adzakala muthumia? Vidze anadima kwangira kaheri ndanini mwa mameye na akazhalwa?”
5 3:5 Tit 3:5Jesu akimwamba, “Ninakwambira ujeri wenye, mut'u asihozhalwa kwa madzi na Roho k'adima kwangira kahi za uthawali wa Mulungu. 6 3:6 6:63Kizhalwacho ni mwiri, ni mwiri na kizhalwacho ni Roho, ni roho. 7 Usangalale kwa zho nidzizhonena kwamba, ‘Suthi muzhalwe lwa hiri.’ 8 3:8 Muhub 11:5Lola p'eho nikuvuma kokosi ihendzako. Unadima kuisikira ivumazho, ela k'udima kumanya ilako hedu yendako. Bai ndo virizho na kila mut'u azhalwaye ni Roho.”
9 Nikodemu akiamba, “Maut'u gano ganadima kukaladze?” 10 Jesu akiamba, “U mwalimu wa Iziraeli, ela ko maut'u gaga k'ugamanya? 11 3:11 3:32; 8:26Ninakwambira ujeri, hunanena humanyago na hunamboza ushahidhi wa hurigogaona, ela hatha hamwenga na vizho ninwi at'u k'amukubali ushahidhi wehu. 12 3:12 12:32; 14:1-3; 17:5Nidzamwambira maut'u ga urumwenguni na k'amukuluhira. Vidze, ela mundakuluhira nikimwambira maut'u ga mulunguni?
13 3:13 Ndhum 30:4; Arum 10:6“K'akuna mut'u ariyekwenda mulunguni, hasihokala iye ariyethima kula mulunguni ambaye ni Mwana wa Mudamu. 14 3:14 Hesab 21:9; Joh 8:28; 12:32-34; 18:32Here Musa arizhomwanula ye nyoka wa ng'andu ko nyika, ndizho Mwana wa Mudamu arizho suthi anulwe, 15 3:15 20:31kwamba kila mut'u amukuluhiraye akale na uzima wa kare na kare.
16 3:16 3:36; 5:24; Arum 8:32; 1 Joh 3:1; 4:9-10; 5:11, 13“Kwa mana Mulungu wauhendza urumwengu zhomu hatha akimulazha Mwanawe wa h'akeye ili kila amukuluhiraye asingamike, ela akale na uzima wa kare na kare. 17 3:17 12:47Mulungu k'amuhumire Mwanawe urumwenguni ili adze auhukumu, ela uokolwe kukirira kwa iye. 18 3:18 5:22Kila amukuluhiraye ye Mwana k'ahukumiwa, ela kila asiyemukuluhira adzahukumiwa kare, kwa kukala k'amukuluhirire Mwana wa h'akeye wa Mulungu.
19 3:19 8:12“Bai chausa cha hatha at'u mahukumiwe ni kiki; wo mulangaza wakudza urumwenguni, ela o at'u makihendza kiza kuriko wo mulangaza kwa kukala mahendo gao ni mai. 20 3:20 Aefe 5:11-13Kwani kila mut'u ahendaye mai nikuutsukirirwa wo mulangaza, na k'andakudza ho mulangazani sidze mahendoge gakaoneka. 21 3:21 1 Joh 2:4Ela kila mut'u ahendaye ga hachi nikudza mulangazani kwamba adzigogahenda gaoneke lwazu kukala adzagahenda kukirira kwa Mulungu.”
Johana ananena dzulu za ubomu wa Jesu
22 3:22 4:1-2Bada ya gaga, Jesu na anafundzie mambola Jerusalemu na akikala hamwenga nao kwa muda kahi za jimbo ra Judea na akibat'iza at'u.
23 Johana naye were anabat'iza at'u kuko Enoni hehi na Salimu, kwani were kuna madzi manji kuko, na at'u manadza makibat'izwa. 24 3:24 Math' 4:12; 14:3Wakathi uwo Johana were k'adzangwe kwangizwa jela bule.
25 Bai kuchambola h'uwoh'uwo kahi za anafundzi a Johana na Muyahudi mumwenga dzulu za adha ra kuoga. 26 3:26 1:29-34Ndo makidza kwa Johana na makimwambira, “Rabi, unamukumbukira yuya mut'u ariyekala nawe nyangamo ya hiri ya Jorodani, yuya uriyenena dzuluze? Lola vivi anabat'iza na kila mut'u anamuthuwa!”
27 3:27 19:11; 1 Akor 4:7; Aebu 5:4Johana akiamba, “K'akuna adimaye kukala na kit'u hasiho kukigerwa kula mulunguni. 28 3:28 1:20; Mala 3:1; Math' 11:10Ninwi enye mu mashudhia gangu kukala naamba, ‘Mimi si Masihi,’ ela naamba, ‘Nahumwa mbereze.’ 29 3:29 Math' 9:15Mimi ni here muhiriki wa bwana harusi. Ye bwana harusi nde mwenye bibi harusi. Muhiriki wa bwana harusi nikuima na kusirikiza, na nikufwahirwa asikiraho sauthi ya bwana harusi. Vivi ndo hatha nina raha zhomu. 30 Vinav̱irya ngumaye ingezeke na yangu ihunguke.
31 3:31 8:23; 15:19; 1 Joh 4:5“Ye mut'u adzaye kula dzulu ni mubomu kuriko at'u osi; naye mut'u wa haha ts'i ni wa haha ts'i, na nikunena maut'u ga haha ts'i. Ela iye adzaye kula mulunguni ni mubomu kuriko osi. 32 3:32 3:11Mut'u iye anena vizho arizhoona na kusikira, ela k'akuna akubaliye ushahidhiwe. 33 Kila akubaliye ushahidhiwe anathibitisha kukala Mulungu ni jeri. 34 Bai iye ahumwaye ni Mulungu nikunena maneno ga Mulungu, kwa kukala Mulungu nikumup'a unji wa Rohore.
35 3:35 5:20; 10:17; 13:3; 14:10; 17:2; Math' 11:27; 28:18“Iye Baba anamuhendza Mwanawe na adzazhika vit'u zhosi mikononi mwakwe. 36 3:36 3:16Kila amukuluhiraye ye Mwana yuna uzima wa kare na kare, ela kila amukahalaye k'andawona uwo uzima uwo, ela k'oro za Mulungu zi dzuluze.”
3:1 3:1 Nikodemu: 7:50; 19:39
3:2 3:2 Math' 22:16; Joh 2:11
3:3 3:3 1:13
3:5 3:5 Tit 3:5
3:6 3:6 6:63
3:8 3:8 Muhub 11:5
3:11 3:11 3:32; 8:26
3:12 3:12 12:32; 14:1-3; 17:5
3:13 3:13 Ndhum 30:4; Arum 10:6
3:14 3:14 Hesab 21:9; Joh 8:28; 12:32-34; 18:32
3:15 3:15 20:31
3:16 3:16 3:36; 5:24; Arum 8:32; 1 Joh 3:1; 4:9-10; 5:11, 13
3:17 3:17 12:47
3:18 3:18 5:22
3:19 3:19 8:12
3:20 3:20 Aefe 5:11-13
3:21 3:21 1 Joh 2:4
3:22 3:22 4:1-2
3:24 3:24 Math' 4:12; 14:3
3:26 3:26 1:29-34
3:27 3:27 19:11; 1 Akor 4:7; Aebu 5:4
3:28 3:28 1:20; Mala 3:1; Math' 11:10
3:29 3:29 Math' 9:15
3:31 3:31 8:23; 15:19; 1 Joh 4:5
3:32 3:32 3:11
3:35 3:35 5:20; 10:17; 13:3; 14:10; 17:2; Math' 11:27; 28:18
3:36 3:36 3:16