1  6:1 Math' 18:15; Jako 5:19; 1 Akor 10:12Ndugu zangu, mut'u akihereza, akihenda dambi, ninwi murio munalongozwa ni Roho wa Mulungu jezani kumudzyat'o kwa up'ore. Ela kahi za kuhenda vizho, dzimanyirireni p'ore nanwi mukajezwa. 2  6:2 1 Akor 9:21; 2 Akor 11:29Tsukuliranani mizigo. Mukihenda vizho mundakala munathimiza sheria ya Masihi. 3  6:3 1 Akor 4:7Mut'u yoyosi akidziona kukala iye ni kit'u sana, ela ko k'achochosi, bai anadzikenga mwenye. 4 Kila mut'u ni lazima apime mahendoge, na chamba ni madzo, h'aya anadima kudzionyera. Asidzilinganishe na mut'u mungine bule. 5  6:5 Arum 2:6; 14:12Mana kila mut'u ni lazima atsukule muzigowe mwenye.

6  6:6 1 Akor 9:11, 14Kila afundishwaye neno ra Mulungu ni lazima agazhe zo rizikize na iye mwalimuwe. 7 Musikengwe! Mulungu k'akengeka. Alayacho mut'u ndicho avunacho. 8  6:8 Joh 3:6; 6:63; Arum 8:6, 13Mut'u alayaye maut'u ga mwiriwe, andavuna kwangamizwa kula kwa uwo mwiriwe. Na iye alayaye maut'u ga Roho, bai andavuna uzima wa kare na kare kula kwa iye Roho. 9  6:9 2 Ath'es 3:13Kidza fusitsoke bule kuhenda madzo, mana uwo wakathi uriwoikwa ukifika, fundavuna, bora thu fusifwe moyo. 10  6:10 Joh 13:34; Arum 12:10; 13:8; 14:15; 1 Akor 8:1; 13; 2 Akor 8:7-8; Agal 5:6, 13-14; Aefe 5:2; Afil 2:2; 1 Ath'es 3:12; 4:9; 1 T'imo 1:5; Aebu 13:1; 2 P'et 1:7Kwa vizho kila fupataho kadzanya, nafuahendere at'u osi madzo, na haswa aryahu mario manamukuluhira Masihi dza siswi.

11  6:11 1 Akor 16:21Lolani zho nirizho ninamwandhikira ndzora bomu-bomu na mukono wangu wenye! 12  6:12 5:2, 11Aryahu at'u mario manaamba chaa suthi mwangizwe lwembeni, manahenda vizho ili maafwahize Ayahudi. Na vivi manavihenda kwa kukala k'amendzi kuteseka kwa ut'u wa uwo musalaba wa Masihi, vizho thu basi. 13 Kwani hatha ao mangizwao lwembeni, kidza yo Sheria k'amaithuwa yosi, kuno ko madzasita kuamba ninwi suthi mwangizwe lwembeni. Mamalacho ao ni kudzikut'ula na iyo miri yenu. 14  6:14 1 Akor 1:23, 29, 31; 2:2; Agal 2:19Ela mimi sidima kudzionyera kit'u kingine, hasihokala uwo musalaba wa Bwana wehu Jesu Masihi. Kukirira na uwo musalaba, go maut'u ga urumwengu k'agana mana yoyosi kwangu, na mimi nami sina mana yoyosi kwa gago maut'u ga urumwengu. 15  6:15 5:6; Arum 6:3-4; 2 Akor 5:17; Aefe 4:24Kwangizwa lwembeni, hedu kutsangizwa lwembeni, vizho si kit'u. Kiricho muhimu ni mut'u kupata maisha masha kula kwa Mulungu. 16  6:16 Zabu 125:4-5Bai ao mandiogwira maneno gaga ndo at'u a Mulungu jeri,* 6:16 Haha go maneno genye ga Kiyunani ganaamba, ‘Iziraeli wa Mulungu.’ na Mulungu naaonere mbazi na aahendye makale na dheri.

17  6:17 2 Akor 4:10Kula vivi, ts'endzi mut'u anibudzye kaheri, mana mumu mwirini mwangu be nina makushu ganyesago kukala ni wa Jesu.

18  6:18 Afil 4:23; 2 Ath'es 3:18; 2 T'imo 4:22; File 25; Ugun 22:21Bai ndugu zangu, nema ya Bwana wehu Jesu Masihi naikale kahi za roho zenu. H'aami.