1 “Tinggalakan haja banua ikam, rumah kuitan ikam wan dangsanak dangsanak ikam. Tulak ja ka banua nang pacang Kutuduhakan lawan ikam. 2 Aku pacangan maulah juriat ikam manjadi suku nang ganal, mambarkahi ikam wan jua maulah ngaran ikam dikatahui wan dihurmati urang banyak. Malalui ikam, Aku pacangan mambarkahi urang lain jua. 3 Aku pacangan mambarkahi urang-urang nang baik lawan ikam. Sadangkan, nang jahat lawan ikam, pacangan Kukutuk. Wan malalui ikam samunyaan suku suku di bumi pacangan Kubarkahi” ujar Allah bapirman lawan Abram.

4-5 Abram maasi lawan napa nang disuruhakan Allah. Tulak ai sidin matan kota Haran* 12:4-5 Kota Haran: Kota ini di banua Irak wayahini., baampah ka banua Kanaꞌan† 12:4-5 Banua Kanaꞌan: Banua nang ini di Timur Tengah.. Dibawa sidin bininya, nang bangaran Sarai, wan kamanakannya nang bangaran Lot. Dibawa sidin jua samunyaan harta banda, binatang binatang inguannya, wan sasuruhan sasuruhan nang sidin kulihi wayah di kota Haran. Lalu sampaian ai bubuhannya di banua Kanaꞌan. Wayah itu, sidin baumur pitung puluh lima tahun.

6 Abram bajalan tarus di banua nitu sampai ka puhun ganal di wadah nang bangaran More, nang parak kampung Sikhem yaitu wadah ibadah. Wayah itu, urang-urang Kanaꞌan bagana di situ.

7 Allah manampaiakan diri-Nya lawan Abram.

“Banua Kanaꞌan ini pacang Kubariakan gasan juriat ikam” ujar Allah bapirman ka Abram.

Lalu Abram manyusun batu manjadi mija wadah mambanam binatang kurban gasan mahurmati Allah nang sudah manampaiakan diri-Nya lawan sidin. 8  9  10  11  12  13  14  15  16  17  18  19  20