1 O Pakai lunglhahna kotong sunga kon in nangma panpina kahinthum e. 2 O Pakai kakanahi ngai in, kataona hi neingaipeh’in. 3 O Pakai kachonset nauhi hoitah’a namelchih ding hileh, koiham O Pakai ahingdoh ding? 4 Ahinla Nangin nangma ginje kahetthem theina diuvin ngaidamna neipejiuvin ahi. 5 Keiman Pakai nangma panpina kinemtah’in kangah’e. Henge, keima nangma a kingaijing kahi. Keiman athusei katahsan’in hichea kinem a ngahjing kahi. 6 Keiman Pakai chu kangahlal ngei e, khongahpan khovah ding angalel sangin kangahlal joi. 7 Vo Israel, Pakaija kinem in, ajeh chu Pakai ahin longlou ngailutna umma ahin chuleh ama a hin lhatdamna lhingset in aum in ahi. 8 Amatah’in Israel chu achonsetna jouse a konna ahuhdoh ding ahi. ✡ Matt 1:21; Tit 2:14