1 Pakai thangvah’in umhen! Pakai sohte ho thangvahna peuvin, Pakai minchu choian un! 2 Pakai minchu nunnom hen, tuleh tonsot gei a dingin. 3 Muntin a solam le lhanglam a kon in Pakai minchu choiat in umhen. 4 Ajeh chu Pakai hi chitin namtin jouse sangin asangjon aloupina hi vanho jouse sangin jong asangjon ahi. 5 Koi hintem Pakai Ipathen’u toh tekahpi thei chu, Amahi choisanga alaltouna a touva ahi. 6 Aman kisunemtah’in van leh leiset ahinven ahi. 7 Aman mivaichate vutvai lah’a kon in aphongdingin chuleh tahlelte munnom pen a kon in akaidingin, 8 leng chate toh atoukhomsah’in ama mite leng chapate jengto jong atoukhomsah’in ahi. 9 Aman chaneilou numeiho cha le nao apen minu nomsatah in asemdohjin ahi. Pakai chu thangvah’in umhen!