1 मिनु अय्‍युबम लोव़ लेश्‍शा 2 “गेपुकी थमा पा हिक्‍सीशो मुर बाक्‍नीनी। मिनु तुइक्‍तीके गेपुकी नु बेक्‍शा लाइब। गो मेको तुइक्‍नुङ। 3 तन्‍न इन खोदेंशो रुप्‍तीक थुं आं के यो बाक्‍ब। गो यो इन खोदेंशो जोक्‍ब तुइक्‍ब नङ। मेको मुर नेल्‍लेम तुइक्‍नीम। 4 आं वारचपुकीमी आं पर्बम रित्‍नीम। गो परमप्रभु कली पुंइता। मिनु मेकोमी लोव़ लेत्‍ताक्‍यी। गो ठीक पाइब दोस मताइब मुर बाक्‍ती हना यो, आं पर्बम रित्‍नीम। 5 श्‍येत मजाइब, रिम्‍शो पा बाक्‍ब मुरपुकीम हिंचा ङा श्‍येत जाइब आन कली तशा ग्रांग्रा दीनीम। गे श्‍येत जशा ग्रेक्‍चा चिक्‍शो कली श्‍येत तेम्‍नीनी। 6 मिनु रोइक्‍ब आन ताम्‍बुम थुं नाइश्‍शा बाक्‍नीम। मिनु परमप्रभु कली गाइक्‍पाइक्‍बपुकी रिम्‍शो पा ब्रोंइशा बाक्‍नीम। मेकोपुकीम आंम सक्ति कली ठेयब सेल्‍नीम। हबकुक १:११

7 मुल ब्‍वाकी ङा जन्‍तु आन कली हिल्‍लो पने। मेकोपुकीम इन कली शेंनीम। सरीङम बेरब चिक्‍ब आन कली हिल्‍लो पने। मेकोपुकीम इन कली देंनीम। 8 गे खप कली हिल्‍लो पने। मेकोमी इन कली शेंब। समुन्‍द्र ङा ङांइपुकीम इन कली शेंनीम। 9 परमप्रभु यावेम मेको नेल्‍ल पशो बाक्‍ब, दे सुम मतुइक्‍नीमी ङा? 10 ब्रोंइशा बाक्‍ब नेल्‍ल आन ब्रोंइतीक नु मुर नेल्‍ल आन ब्रोंइतीक सोक्‍त मेको आ गुइमी बाक्‍ब। गन्‍ती १६:२२; प्रेरित १७:२८ 11 जचा थोव़क ब्रोव़शो नु मब्रोव़शो लेंम तुइश्‍शो खोदेंशो पा, पशो लोव़ रिम्‍शो नु मरिम्‍शो नोफाम मनेंबा ङा? 12 खाल्‍पा आन दातेम तुइक्‍तीक बाक्‍ब। खूशो आन दातेमी रुप्‍तीक बाक्‍ब। अय्‍युब ८:८

13 मिनु परमप्रभु नु तुइक्‍तीक नु सक्ति बाक्‍शो बाक्‍ब। मेको नु अर्ती गेतीके नु रुप्‍तीक थुं बाक्‍शो बाक्‍ब। 14 मेकोमी प्रेत्‍तु हना, मेको लेंशा सेल्‍ने मचाप्‍नीम। मेकोमी मुर कली जेल्‍खानम चोक्‍तु हना, सुइमी मेको कली ग्रुंइने मचाप्‍नीम। प्रकाश ३:७ 15 मेकोमी ब्‍वाक्‍कु तेक्‍तु हना, रू नेल्‍ल सोव़नीम। मेकोमी ब्‍वाक्‍कु प्रोंइतु हना, रागी खतम पोक्‍ब। १राजा १७:१,७; उत्‍पत्ती ७:१९-२३ 16 सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। १राजा १२:२८-३०; २राजा १९:१०-३७ 17 मेकोमी अर्ती गेब आन कली मुने दोक्‍पाइक्‍ब। मिनु निसाफ पाइब आन कली मूर्ख सेल्‍ब। 18 पिप आन फेक्‍शो वा प्रुइक्‍ब। मिनु मेको आन कली किप्‍शुर क्‍यिप्‍पाइक्‍ब। 19 चढ़ेब आन कली मुने दोक्‍पाइश्‍शा सोइक्‍ब। ङोंइती रे गेय पाइब आन कली ग्रुंइब। १सामुएल २:३०-३२; १सामुएल २२:१८-१९ 20 थमा सुइक्‍चा पुंइसीशो शेंब आन कली सिक्‍सी पपाइक्‍ब। खाल्‍पा आन तुइक्‍तीक लोव़ शोर गाक्‍शो सेल्‍ब। 21 हुकुम पाइब आन कली शुक्‍शी पचा पुंइसीब सेल्‍‍ब। सक्ति पाइश्‍शो आन कली मचाप्‍ब सेल्‍ब। १सामुएल १७:५; १सामुएल ३१:९; २राजा १९:३७; दानीएल ४:२९,३० 22 मेकोम छिङछिङ आगाम बाक्‍शो ग्रुंइब। मिनु थम छिङछिङ कली छेङछेङ सेल्‍ब। 23 रागी रागी आन कली हिक्‍सीशो सेल्‍ब। नोले मेको आन कली खतम सेल्‍ब। रागी रागी आन कली ठेयब सेल्‍शा, मेकेर ङा मुर आन कली एर ओंथ ब्रपाइक्‍ब। 24 रागी ङा हुकुम पाइब आन कली मरुप्‍ब सेल्‍‍ब। मिनु नोले मेको आन कली लां मबाक्‍शो गोरशो रागीम एर ओंथ हिरपाइक्‍ब। 25 मिनु मेकोपुकी हाम्‍सो मबाक्‍‍तीके, छिङछिङम सुल्‍शा गाक्‍नीम। मेको आन कली दुक्‍शो मुर खोदेंशो पा गोल्‍चा चिक्‍शा गाक्‍पाइक्‍ब।