67
1 Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.
2 Gusunɔ, ɑ bɛsɛn wɔnwɔndu wɑɑwo,
kpɑ ɑ sun domɑru kuɑ.
A de ɑ kɑ sun nɔnu ɡeu mɛɛri,
3 kpɑ tɔmbu bu wunɛn swɑɑ ɡiɑ hɑnduniɑ sɔɔ,
kpɑ bɑ n yɛ̃ mɑ wunɑ ɑ rɑ tɔnu fɑɑbɑ ko.
4 Gusunɔ, bwesenu kpuro nu nun siɑrɑmɔ
mɑ nu nun tɔmɑmɔ.
5 Nu wɑ̃ɑ nuku dobu sɔɔ, domi ɑ rɑ nu siriewɑ dee dee.
Wunɑ ɑ mɑɑ nu kpɑre tem mɛ sɔɔ.
6 Bwesenu kpuro nu nun siɑrɑmɔ mɑ nu nun tɔmɑmɔ.
7 Domi ɑ rɑ de tem mu dĩɑnu mɑ.
Gusunɔ, wunɑ ɑ sɑ̃ɑ bɛsɛn Yinni.
A rɑ sun domɑru kue.
8 A sun domɑru kuo. Hɑnduniɑɡibu kpuro bɑ nun nɑsie.