8
Ritonõpo saerehkatoh poko
Sero saumu tymerose Tawi a.
1 Ritonõpo yna Esemy, imehxo oehtoh
tõsenepose sero nono poro porehme!
Oeahmãko mã toto kapu etyhpyry pona,
2 oeahmãko poeto tõ pisarara, eremiãko
enurusenã komo, mireremã kõ roropa oeahmãko
mã toto, oepetõkara poremãkatohme ozehno
exiketõ mynyhpãkapotohme emero porehme.
3 Kapu eneryhtao ya, onyrihpyry, nuno te,
xirikuato tõ roropa, esao xine tyrise kehko oya,
4 onokyme kure yna, ahnome rokẽ ynanase?
Yrome yna poko osenetupuhnõko mase.
Orihketõme ynanase, yrome yna pyno ro mase.
5 Tyrise ynanase oya, Ritonõpo,
opoetoryme yna ehtohme,
yna Esẽ imehxo oehtohme.
Yrome tuisame kyriase roropa imehnõ esẽme yna ehtohme.
6 Ajamitunuru mekaroase yna a,
onyrityã esẽme yna ehtohme.
Onokyro tõkehko, okyno tõ roropa,
yna ekyme toto ehtohme:
7 Kaneru tomo te, pui tõkehko, onokyro tomo emero.
8 Torõ tomo te, kana roropa tuna konõto kuaõkõ,
isene exiketõ porehme.
9 Ritonõpo, yna Esemy, imehxo oehtoh
tonepose mana sero nono po porehme.