1 Jezu na wakupfundzira wace adafika ng'ambu ya Thawale la Galileya, mbali ya Gerasa. 2 Pomwe iye adandocoka mmwadiya, padabwera munthu winango wakuphatidwa na mzimu wakuipa acicokera ku thenje. 3 Munthuyo akhambakhala kuthenjeko, ndipo pakhalibe winango wakuti angadakwanisa kum'manga,napo na unyolo 4 kazinji wanthu akhamba m'manga miyendo na waya, ndipombo kum'manga manja na cingwe, tsono iye akhambabwedza unyolo bule, ndipo waya zakumanga miyendozo akhambagwata. Pakhalibe na m'bodziyo omwe akhakwanisa kumukunda. 5 Masikati na usiku akhambakhala kuthenjeko na mmapiri, acimbandokuwa na kubzipweteka na minyala.

6 Pomwe iye adaona Jezu na kutali, adam'thamangira acigodama kutsogolo kwace. 7 Adakuwa aciti, “Kodi ndakuputani ciyani, imwe Jezu Mwana wa Mulungu Wakudzulu- dzulu? Na dzina la Mulungu ndiri kukumbirani, lekani kundiboneresa.” 8 akhalewa terepo thangwe Jezu akhadalewa kuti, “Mzimu wakuipawe, coka mwa munthuyu!” 9 Tsono Jezu adamubvundza munthuyo “Dzina lako ndiwe yani?” Iye adatawira kuti, “Dzina langu ndine ‘Mthithi, ’ Mthithi:Pa Cigriki fala lace liri kulewa “Legião’,ndiko kulewa mthithi wa acikunda bzulu bzithanthatu. Wansala ule adabzipasa dzina limwero ndiko kulewa kuti mizimu yakuipa yomwe ikhali na iye ikhali mizinji ninga mthithi ukulu wa acikunda. tiripo azinji.” 10 Ndipo adamukumbira Jezu kuti aleke kuicosa kunja kwa mbali ire.

11 pafupi na pamwepo pakhana kamtunthu komwe kakhana mthithi wa nkhumba, zikhadya 12 Tsono mizimu yakuipa ire idakumbira Jezu iciti, “ Titumireni tipite mu nkhumba zire.” 13 Jezu adaibvumiza. Iyo idacoka icipita mwa nkhumbazo. Pamwepo mthithi ule wa nkhumba zomwe zikhakwana bzulu bziwiri zentsenezo zidaguduka zicipolika na kuthamanga zicikabzithusa mthawale, mpaka kufa mwemo.

14 Amakabusa wazene adathawa, acikauza wanthu mu mzinda na mii. Pamwepo wanthu wale adacoka kuti akaone bzomwe bzidacitika. 15 Atafika komwe kukhana Jezu, adaona munthu akhana mizimu yakuipa ule akhadakhala pantsi, akhadabvala, nsala ule ukhadamala, Wanthuwo akhabva mantha. 16 omwe adaona bzentse wale, adawafotokozera bzomwe bzidacitika kwa munthu ule na kwa nkhumba zire. 17 Pamwepo wanthuwo adamuuza mwakumkakamiza Jezu kuti achoke ku mbali yawo ire.

18 Pomwe Jezu akhapita mmwadiya, munthu omwe akhana mizimu yakuipa ule adakumbira kuti aende nawo. 19 Tsono Jezu adalamba acimuuza kuti, “ iwe ndoko kumui kwanu ukalewe bzomwe Mbuya akucitira na ntsisi zace.” 20 Munthuyo adaenda cadidi aciyamba kumwaza mafala ku mbuto zentse za mizinda khumi,* bzire bzomwe Jezu adam'citira. Pakubva bzimwebzo wanthu wentse adadabwa.

21 pomwe Jezu adabwerera nga'mbuire na mwadiya, atafika mthithi wa wanthu udagumana mphepete mwa thawale pomwe pakhana iye. 22 padadzafika munthu winango, dzina lace Jaire, omwe akhali m'bodzi wa akulu wa nyumba yamapemphero,ndipo iye adaona Jezu, adagodama mminyendo mwace, 23 acimudandaulira kwene-kwene: Aciti, “Ndaphata minyendo, mwana wangu wam'kazi ali pafupi kufa. Penu mungakwanise kukam'sanzika manja kuti alimbe acikhala na moyo.” 24 Jezu adayenda naye, Wanthu azinji adam'tewera akhambayenda mwa kum'psinyiza.

25 Tsono pakhana m'kazi winango omwe akhambabonera na matenda yakucoka mulopa kwa magole khumi na mawiri. 26 Iye akhadayezerewa na alapi azinji,na tenepo akhadadzonga bzentse bzomwe akhanabzo tsono akhalimba lini ndipo dzikhalemwa 27 M'kaziyo pakubva mbiri ya Jezu; adayenda pamthithi wa wanthu ule, acipapatiza mpaka kukafika na kumbuyo kwa Jezu, acikamkhuya cakubvala cace. 28 thagwe akhambakumbuka tenepa:“Ningandokukhuya bzakubvala bzace bzokha, nilimba.” 29 Ncadidi nthawe yomweyo matenda yace yadamala, mwenekaciroyo adabva mthupi mwace kuti walimba. 30 Pamwepo Jezu adabva kuti mphambvu zinango zacoka. Ndipo adazungunuka aciyang'ana wanthu wale aciwabvundza kuti, “Kodi mbani wandikhuya bzakubvala bzangu?” 31 Wakupfundzira wace adamutawira, mwekha muli kuwona kuti wanthu ali kukupsinyizani, ncadidi mungabvundze kuti, ‘Mbani wandikhuya?’ 32 Tsono Jezu adayang'ana-yang'ana m'mphepete kuti aone omwe wacita bzomwe bzire. 33 Na tenepo mkazi ule adabva mantha aciyamba kutetemera, thangwe akhadziwa bzomwe bzikhadacitika kwa iye. Adabwera pafupi, acidzigwesera kutsogolo kwa Jezu, acimufokotozera bzentse mwa cadidi. 34 Jezu adamuuza kuti, “ Mwana wangu, cikhulupiriro cako cakulimbisa. Ndoko na mtendere. watsudzuka pa matenda yako.”

35 pomwe Jezu akhalewa-lewa, kudafika wanthu kucokera kunyumba kwa mkulu ule wa nyumba ya mapembero. kudzamuuza kuti, “Mwana wafa. thangwe lanyi mulikuwanesa pomwe Misiriwa.” 36 Tsono Jezu alibe kubziphatisa basa bzomwe akhalewa wanthuwo.iye Adamuuza mkulu ule kuti, “Leka kugopa , iwe kukhulupirira basi.” 37 Ndipo alibe kubvumiza kuti winango amutewere iye, kupambula Pedru, na Tiyagu, na Juwau, m'bale wa Tiyaguyo. 38 Pomwe iwo adafika kunyumba kwa mkulu ule wa nyumba yamapemphero Jezu adaona phiringo la wanthu omwe, ali akhalira acimbakuwa. 39 Iye adapita, aciwabvundza kuti, “Thangwe ranyi muli kucita phiringu na kukuwa Mwanayu alibe kufa adandogona .” 40 Pamwepo wanthuwo adayamba kumuseka.iye adawacosa panja wentse , acitenga baba na mai wa mwanayo,na omwe akhali naye wale, acipita kucipinda kukhana mwana ule. 41 Ndipo adaphata boko la mwanayo acimuuza kuti, “Talita, kumi.” (Ndiko kulewa kuti, “Mtsikana-we , ndiri kukuuza kuti muka.”) 42 mthawe ibodzi-bodziyo mtsikanayo adamukadi, aciyamba kufamba. iye akhana magole khumi na mawiri. Pamwepo wanthu wale adadabwa kwene-kwene. 43 Tsono Jezu adawalamula mwa mphambvu kuti bzimwebzi winango ali-yentse aleke kubzidziwa. aciwauza kuti am'pase cakudya mtsikana ule.