1 عَشَسِ مَنفّيَ سْتْ عَ حّ مْشْحّن نَن مَ، عَ قَ حّ قُ نُن سٍننِ مَنفّيَ رَبَ دَرِ سَلَمُ. عَ مُ لُ عَلَتَلَ شَ تِنشِنيِ كُي، عَلْ عَ بَبَ عَ رَبَ كِ نَشّ. 2 عَ نَشَ حّرّ عِسِرَيِلَ مَنفّيٍ قْشِ، عَ بَلِ كُيٍيٍ يَءِلَن يْشُي رَ. 3 عَ نَشَ سُرَيِ فَن سّرّشّ رَ هِنٌمَ شَ دِيٍ شَ فُلُنبَ كُي. عَ مَن نَشَ عَ شَ دِيٍ فَن تّ رَ، عٍ شَ قِندِ سّرّشّ رَ. عَلَتَلَ سِيٍ نَشٍيٍ كٍرِشِ عِسِرَيِلَ، عٍ نُ نَ قٍ رَهَرَ مُشِ مْولِيٍ نَن نَبَمَ. 4 عَشَسِ نَشَ سُرَيِ فَن، عَ مَن نَشَ سّرّشّ بَ كُيٍ بَتُدٍيٍ فٍيَيٍ قَرِ، نُن وُرِ بِلِ شِندٍيٍ بُن مَ.

5 عَ مَرِفِ عَلَتَلَ نَشَ عَ سَ سِرِيَ مَنفّ بّلّشّ عِ، نَشَن عِسِرَيِلَ شُن نَكَنَ، عَ عٍ قِندِ فٍيلِمَنِيٍ رَ، عَ عٍ شَنِن دَ مَسِ. نَ كُي عِسِرَيِلَ مَنفّ لُ نّ عَ شَ نْي بُن، عَ تْورْ هَن. 6 رٍ مَلِيَهُ شَ دِ ثٍكَ نَشَ يُدَيَ سْورِ حَلَمَ وُلُ كّمّ مْشْحّن قَشَ لْشْي كٍرٍن كُي، بَرِ مَ عٍ نُ بَرَ عٍ بَبَيٍ عَلَتَلَ رَبّحِن. 7 عٍقِرَ مِ سْورِ حَلَمَ سِكِرِ نَشَ مَنفّ شَ دِ مَاسٍيَ، مَنفّ شَ فٌمِنَ عَسِرِكَمَ، نُن مَنفّ شَ سْورِ يَرٍرَتِ عٍلٍكَنَ بِرِن قَشَ. 8 عِسِرَيِلَكَيٍ نَشَ مِشِ وُلُ كّمّ قِرِن سُشُ فٍيلِمَنِيٍ رَ عٍ نفَشَكٍرٍنيِيٍ يَ مَ، فِنّيٍ، دِ شّمّيٍ، نُن دِ فِنّيٍ. عٍ مَن نَشَ هَرِفٍ فبٍفبٍ قَن تٌنفٌ، عٍ عَ شَنِن سَمَرِ.

9 عَلَتَلَ شَ نَمِحْنمّ ندٍ نُ نَ مّننِ نَشَن شِلِ عٌدٍدِ. عَ نَشَ مِنِ سْورِيٍ يَ رَ نَشٍيٍ نُ نَ فبِلٍنقٍ سَمَرِ. عَ نَشَ عَ مَسٍن عٍ بّ، «وٌ بَبَيٍ مَرِفِ عَلَتَلَ نُ شْنْشِ نّ يُدَيَكَيٍ مَ، نَ نَن عَ تٌشِ وٌ عٍ مَسْتْشِ. كْنْ وٌ بَرَ نَشَن نَبَ عٍ رَ، نَ بَرَ فبٌ يّ هَن عَ بَرَ كٌورٍ لِ. 10 يَكْسِ وٌ وَ مَ يُدَ شَ دِيٍ نُن دَرِ سَلَمُ شَ دِيٍ شَ قِندِ وٌ شَ كٌنيِيٍ رَ. كْنْ وٌ تَن فٌ؟ وٌ مُ عَ كٌلٌن وٌ قَن بَرَ يُنُبِ سْتْ وٌ مَرِفِ عَلَتَلَ رَ؟ 11 يَكْسِ وٌ وٌ تُلِ مَتِ ﭑ نَ. وٌ شَ يِ فٍيلِمَنِيٍ رَفبِلٍن عٍ شْنيِ، وٌ نفَشَكٍرٍنيِيٍ، بَرِ مَ عَلَتَلَ بَرَ شْنْ وٌ مَ.»

12 عٍقِرَ مِ كُنتِفِ ندٍيٍ يٍهٌشَنَن شَ دِ عَسَرَيَ، مٍسِلٍمٌتِ شَ دِ بٍرٍكِيَ، سَلُمُ شَ دِ يٍشِسِكِيَ، نُن شَدَلَيِ شَ دِ عَمَسَ، نَشَ كٍلِ سْورِ فَلِ شُنيِيٍ شِلِ مَ. 13 عٍ نَشَ عَ قَلَ عٍ بّ، «وٌ نَشَ يِ فٍيلِمَنِيٍ رَ سٌ بٍ كُي، بَرِ مَ نَ قَمَ نّ عَ نِيَدٍ وٌن شَ يُنُبِ سْتْ عَلَتَلَ رَ. وٌ وَ مَ نّ وٌن مَ يُنُبِيٍ شُن شَ مَسَ؟ عَلَتَلَ حَن شْنْشِ عِسِرَيِلَ مَ.» 14 نَ كُي سْورِيٍ نَشَ فٍيلِمَنِيٍ نُن هَرِفٍ بّحِن، عٍ نَشَن سْتْ فٍرٍ كُي. عٍ نَ بِرِن نَبَ كُنتِفِيٍ نُن حَمَ نَن يَ شْرِ. 15 نَ كُنتِفِ نَشٍيٍ شِلِيٍ سّبّشِ، نٍيٍ نَشَ نَ هَرِفٍ يَ مَ تٌ، دُفِ نُن سَنكِرِ نَشَن نُ نَ، عٍ نَشَ نٍيٍ قِندِ فٍيلِمَنِ مَفٍلِيٍ شَ سٌسٍيٍ رَ. عٍ نَشَ بَلٌي نُن مِنسٍ سٌ عٍ يِ رَ، عٍ سٍرِ سَ عٍ شَ قِيٍ رَ. نَ تّمُي عٍ نَشَ عٍ رَ سٌ يٍرِكٌ، تُفِ تَا، عٍ نفَشَكٍرٍنيِيٍ يِرٍ. نَشٍيٍ مُ نْ عٍ حّرّدٍ، عٍ نَشَ نٍيٍ تَن شَنِن سٌقَلٍيٍ قَرِ. عٍ تٌ فّ نَ رَ، عٍ نَشَ فبِلٍن سَمَرِ.

16 نَ وَشَتِ، مَنفّ عَشَسِ نَشَ سِرِيَ مَنفّ مَشَندِ عَ شَ عَ مَلِ. 17 عٍدٌنكَيٍ نُ بَرَ قَ يُدَيَكَيٍ فٍرٍدٍ، عٍ مِشِ ندٍيٍ سُشُ، عٍ عٍ شَنِن. 18 قِلِسِتَكَيٍ قَن نُ بَرَ تَايٍ فٍرٍ نَشٍيٍ نُ نَ سٍقٍلَ نُن نٍفٍوِ بِرِ يُدَيَ بْشِ مَ. عٍ نَشَ بٍتِ سٍمٍسِ، عَيَلٌن، فٍدٍرٌتِ، سٌكٌ، تِمِنَ، فِمِسٌ، نُن عٍ رَبِلِنيِيٍ سُشُ. 19 عَلَتَلَ نَن وَ يُدَيَ رَيَافِقٍ، بَرِ مَ عِسِرَيِلَ مَنفّ عَشَسِ نُ بَرَ يُدَيَ يَ عِسٌ عَ شَ يَنقَنتٍيَ رَ عَلَتَلَ بّ. 20 عَسِرِ مَنفّ تِفِلَتِ ثِلٍسٍرِ تٌ قَ يُدَيَ، عَ مُ تِن عَ مَلِدٍ، عَ نَشَ عَ فٍرٍ. 21 عَشَسِ نَشَ نَاقُلِ سّيتِ تٌنفٌ عَلَتَلَ شَ بَنشِ، مَنفّ شَ بَنشِ، نُن كُنتِفِيٍ شَ بَنشِ كُي، عَ نَ قِ عَسِرِ مَنفّ مَ، كْنْ نَ مُ عَ نِيَ تِفِلَتِ ثِلٍسٍرِ شَ عَ مَلِ. 22 هَلِ عَ شَ تْورّ كُي، عَشَسِ مُ فبِلٍن عَلَتَلَ مَ. 23 عَ نُ سّرّشّ بَمَ دَ مَسِكَيٍ شَ عَلَيٍ بّ، نَشٍيٍ نُ بَرَ نْ عَ رَ. عَ نَشَ عَ قَلَ، «سِرِيَ مَنفّ شَ عَلَيٍ نَن سِرِيَ مَلِشِ، ﭑ قَن سّرّشّ بَمَ نّ عٍ بّ، عَلَكٌ عٍ شَ ﭑ قَن مَلِ.» نَ بِرِن قِندِ تَنتَنيِ نَن نَ عَشَسِ نُن عِسِرَيِلَ بّ.

24 عَشَسِ نَشَ عَلَ شَ بَنشِ سٍ سّنِيّنشِيٍ بِرِن كَنَ، عَ عَلَتَلَ شَ بَنشِ نَادّيٍ بَلَن. عَ نَشَ سّرّشّبَدٍيٍ يَءِلَن دَرِ سَلَمُ يِرٍ بِرِن، 25 عَ مَن نَشَ يِرٍ عِتٍشِيٍ يَءِلَن يُدَيَ تَا بِرِن كُي، عَلَكٌ عٍ شَ سُرَيِ فَن سّرّشّ رَ عَلَ فبّتّيٍ بّ. عَ عَ بَبَيٍ مَرِفِ عَلَتَلَ رَشْنْ نَ كِ نّ عَ حَاشِ رَ.

26 عَ شَ تَرُشُي دْنشْي نُن عَ شَ وَلِ بِرِن، عَ قْلّ نُن عَ رَحْنيِ بِرِن سّبّشِ يُدَيَ نُن عِسِرَيِلَ مَنفّيٍ شَ تَرُشُي كُي. 27 عَشَسِ تٌ لَاشِرَيَ، عٍ نَشَ عَ رَفَتَ دَرِ سَلَمُ تَا كُي، كْنْ عٍ مُ عَ رَفَتَ عِسِرَيِلَ مَنفّيٍ شَ فَبُرِ يِرٍ. عَ شَ دِ شٍسٍكِيَ نَشَ تِ عَ حْشْي رَ.