17-18 Di kfaloh i harì di Idyif ku lamwà dad bel Israél di banwen, là ale nalak Dwata magu di dalan salu di tanà gumnè i dad to Filistin, balù én too gumdadong dalan mdà di Idyif salu di banwe Kanaan, i tanà i fakang Dwata blé dale. Hae, du balù nun tek nebela mdà di Idyif, man nawa Dwata, manan, “Ken mguman i fandam i dad togu, na samfulê ale di Idyif, ku teenla i dad to Filistin i dmuen dale, gatlagad samfati dale.” Taman nalakan ale flibut, fagu di dalan salu di banwe gulandè to, salu di Fulè Mahin.

19 Na nebe Mosis i dad tulan Dyosif mdà di Idyif, du ani fafakang Dyosif di dad belan, du gmanan di dale di muna fa, manan, “Tnabeng gamu Dwata, du kadang satu duh, neben gamu lamwà di banwe Idyif salu di Kanaan, na di kebe Dwata gamu samfulê di Kanaan, tooyu nebe mulê i dad tulangu.” Én kated Dyosif di muna fa, di dad bel Israél.

20 Na di kdà i dad bel Israél di banwe Sukot, mnè ale flo di banwe Étam, di kilil i banwe gulandè to. 21 Na di mduh, Dwata i Amu malak dale, fagu di labun fkahan di munala. I labun ani, di mduh i kafbawehan tahà gambet i bong lahan gumnè, na di butang i kafbawehan gambet i lifoh tmuyal i dalanla, du fye fakay ale magu mduh demen butang. 22 Na i labun na i lifoh ani, là lana di munala di mduh demen di butang.