1 དེ་ཡང་མཱལ་ཀི་ཚེ་དེག་ནི་སཱ་ལེམ་གྱི་རྒྱལ་པོ་ཡིན་ལ། བླ་ན་མེད་པའི་དཀོན་མཆོག་གི་མཆོད་དཔོན་ཡང་ཡིན། ཨབ་ར་ཧམ་ནི་རྒྱལ་པོ་གཞན་དག་ལས་རྣམ་པར་རྒྱལ་ཏེ་ཕྱིར་ལོག༌སྐབས། ཁོང་གིས་ཨབ་ར་ཧམ་ལ་བསུ་བ་བྱས་ཤིང་བྱིན་གྱིས་བརླབས་སོ།། 2 ཨབ་ར་ཧམ་གྱིས་ཀྱང་རང་ཉིད་ལ་ཐོབ་པ་ཐམས་ཅད་ལས་བཅུ་ཆའི་གཅིག་བླངས་ནས་ཁོང་ལ་ཕུལ་ཏོ།། ཁོང་གི་མཚན་དང་པོའི་དོན་ནི་དྲང་བདེན་གྱི་རྒྱལ་པོ་ཞེས་པ་དང༌། ཡང་སཱ་ལེམ་གྱི་རྒྱལ་པོ་ཞེས་ཀྱང་ཟེར་ཏེ་ཞི་བདེའི་རྒྱལ་པོ་ཞེས་པའི་དོན་ཡིན། 3 ཁོང་ལ་ཕ་ནི་མེད་ལ་མ་ཡང་མེད་ཅིང་རིགས་རྒྱུད་མེད༌པ་དང་། སྐྱེས་པའི་དུས་དང་འཆི་བའི་དུས་ཀྱང་མེད༌དེ། དཀོན་མཆོག་གི་སྲས་དང་མཚུངས་པར་ཡུན་གཏན་གྱི་མཆོད་དཔོན་ཡིན༌ནོ།།

4 ཁྱོད་ཅག་གིས་སོམས༌དང༌། མེས་པོ་ཨབ་ར་ཧམ་གྱིས་འཕྲོག་བཅོམ་བྱས་པའི་ནོར་རྫས་མཆོག་ཏུ་གྱུར་པ་ལས་བཅུ་ཆའི་གཅིག་བླངས་ནས་ཁོང་ཉིད་ལ་ཕུལ༌བས། སྐྱེས་བུ་དེ་ཉིད་ཇི་འདྲའི་རླབས་ཆེ་བ་ལ། 5 ཡང་ལེ་ཝིའི་བུ་རྒྱུད་ལས་མཆོད་དཔོན་གྱི་ལས་འགན་ཐོབ་པ་རྣམས་ཀྱིས་བཀའ་ཁྲིམས་ལྟར་འབངས་མི་ལས་བཅུ་ཆའི་གཅིག་ལེན་ཞིང་། དེ་དག་ནི་རང་གི་སྤུན་ཟླ་ཡིན༌ལ། ཨབ་ར་ཧམ་གྱི་བུ་རྒྱུད་ཡིན་ཡང་། ད་དུང་ལུགས་སྲོལ་ལྟར་བཅུ་ཆའི་གཅིག་ལེན༌པའོ།། 6 འོན་ཀྱང་། མཱལ་ཀི་ཚེ་དེག་ནི་ཁོ་རྣམས་དང་རིགས་རྒྱུད་མི་གཅིག་ཀྱང༌། ཨབ་ར་ཧམ་གྱིས་བཅུ་ཆའི་གཅིག་གནང་བའང་བླངས་པ༌དང༌། ཞལ་བཞེས་ཐོབ་པའི་ཨབ་ར་ཧམ་ལ་བྱིན་གྱིས་བརླབས་ཤིང་། 7 ཆེན་པོས་ཆུང་ངུ་ལ་བྱིན་གྱིས་བརླབས་པ་ནི་གནས་ལུགས་མཐར་ཐུག་ཡིན། 8 དོན་འདིའི་སྟེང་དུ་ཕྱོགས་གཅིག་ནས་བཅུ་ཆའི་གཅིག་ལེན་མཁན་ཐམས་ཅད་ནི་འཆི་བར་འགྱུར་ངེས་པའི་མི་ཡིན༌མོད། འོན་ཀྱང་ཕྱོགས་གཞན་ཞིག་ནས་བཅུ་ཆའི་གཅིག་ལེན་མཁན་མཱལ་ཀི་ཚེ་དེག་ལ་ཁོང་ནི་གསོན་པོ་ཡིན་ཞེས་བདེན་དཔང་བྱས་ཡོད༌པར་མ་ཟད། 9 བཅུ་ཆའི་གཅིག་ལེན་མཁན་ལེ་ཝིས་ཀྱང་ཨབ་ར་ཧམ་བརྒྱུད་ནས་བཅུ་ཆའི་གཅིག་ཕུལ་བ་ཡིན་ཞེས་བརྗོད་རུང་ངོ་།། 10 ཅིའི་ཕྱིར་ཞེ་ན། མཱལ་ཀི་ཚེ་དེག་གིས་ཨབ་ར་ཧམ་ལ་བསུ་བ་བྱེད་པའི་དུས་སུ། ལེ་ཝི་ཡང་རང་གི་མེས་པོའི་རྒྱུད་ལས་ཡོད་ * མེས་པོའི་རྒྱུད་ལས་ཡོད་ཅེས་པར་མ་ཕྱི་ལས་ཕ་ཡི་དཔྱིའི་ནང་དུ་ཡོད་ཅེས༌མཐོང༌། དམ་པའི་གསུང་རབ་ཀྱི་མཁས་པ་རྣམས་ཀྱིས་བཞེད་པ་ལྟར་དོན་སྒྱུར་བྱས་པ༌ཡིན། པའི་ཕྱིར་རོ།།

11 སྔོན་ཆད་ལེ་ཝིའི་རིགས་རྒྱུད་ཀྱི་མཆོད་དཔོན་གྱི་ལས་འགན་ལ་བརྟེན་ནས་མི་སྡེས་དཀོན་མཆོག་གི་བཀའ་ཁྲིམས་དང་དུ་བླངས་པ་དང༌། ལས་འགན་དེ་བརྒྱུད་ནས་ཕུལ་ཏུ་བྱུང་བར་འགྱུར་ཐུབ༌པ་ཡིན་ན། ཨ་རོན་གྱི་རིམ་པ་བཞིན་མ་ཡིན་པར་མཱལ་ཀི་ཚེ་དེག་གི་རིམ་པ་བཞིན་མཆོད་དཔོན་གཞན་ཞིག་འབྱུང་དགོས་དོན༌ཅི། 12 མཆོད་དཔོན་གྱི་ལས་འགན་བསྒྱུར་པ་ཡིན་པས་ན། བཀའ་ཁྲིམས་ཀྱང་ངེས་པར་བསྒྱུར་དགོས་སོ།། 13 རྒྱུ་མཚན་ནི་ཚིག་འདིས་བསྟན་པའི༌མི་དེ་ནི་ཚོ་པ་གཞན་ཞིག་ལ་གཏོགས༌ཤིང་། ཚོ་པ་དེ་ལས་མཆོད་ཁྲི་ལ་ཞབས་ཕྱི་བསྒྲུབས་མྱོང༌བ་གཅིག་ཀྱང་མེད་པའི་ཕྱིར་ཡིན། 14 བདག་ཅག་གི་གཙོ་བོ་ནི་ཡ་ཧུ་དཱའི་ཚོ་པ་ལས་བྱུང༌བ་མངོན་གསལ་ཡིན་མོད། འོན་ཀྱང་ཚོ་པ་དེར་མཆོད་དཔོན་ཡོད་པ་ནི་མོ་ཤེ་ཡིས་གསུངས་མ་མྱོང༌། 15 གལ་ཏེ། མཱལ་ཀི་ཚེ་དེག་དང་མཚུངས་པའི་མཆོད་དཔོན་གཞན་ཞིག་བྱུང་ཚེ། བདག་གི་གཏམ་འདི་ནི་དེ་ལས་ཀྱང་གསལ་པོ་ཡིན༌ཏེ། 16 ཁོང་ཉིད་མཆོད་དཔོན་དུ་གྱུར་པ་ནི་མིའི་ཤ་གཟུགས་ཀྱི་ཕུང་བོའི་སྲོལ་ཡིག་བཞིན་དུ་མ་ཡིན༌པར། འཇོམས་ཐབས་མེད་པའི་ཚེ་སྲོག་གི་ནུས་མཐུ་བཞིན་དུ་གྱུར་པའོ།། 17 ཅིའི་ཕྱིར་ཞེ་ན། ཁོང་ལ་བདེན་དཔང་མཛད་པ་ནི་གསུང་རབ་ཀྱི་མདོ་ལས་ཇི་སྐད༌དུ།

18-19 ཕྱོགས་གཅིག་ནས་བཀའ་ཁྲིམས་ཀྱིས་ཅི་ཡང་ཕུལ་དུ་བྱུང་བར་མ་མཛད༌ཅིང༌། སྔོན་ཆད་ཀྱི་བཀའ་ནི་སྟོབས་དང་ཕན་ནུས་ཅི་ཡང་མེད་པས་དོར་བ་དང་། ཕྱོགས་གཞན་ཞིག་ནས་སྔར་ལས་ཁྱད་དུ་འཕགས་པའི་རེ་བ་ཞིག་དྲངས་ཡོད་ཅིང༌། རེ་བ་དེ་ལ་བརྟེན་ནས་བདག་ཅག་དཀོན་མཆོག་གི་དྲུང་དུ་སླེབ་ནུས་སོ།།

20 ཡང་གཅིག་སྨྲས༌ན། སྐྱབས་མགོན་ཡེ་ཤུ་མཆོད་དཔོན་དུ་བསྐོས་པ་ནི་དམ་བཅའ་མ་མཛད་པ་མ་ཡིན་ནོ།། མཆོད་དཔོན་གཞན་དག་ལ་མཚོན་ན། དམ་བཅས་ནས་བསྐོས་པ་མ༌ཡིན་ཏེ། 21 སྐྱབས་མགོན་ཡེ་ཤུ་ཁོ་ན་དམ་བཅས་ནས་བསྐོས་པ་ཡིན། ཅིའི་ཕྱིར་ཞེ་ན། ཁོང་ཉིད་བསྐོ་མཁན་གྱིས་ཁོང་ལ་འདི་སྐད༌དུ།

23 ཕྱོགས་གཅིག་ནས་མཆོད་དཔོན་དུ་གྱུར་པ་གཞན་དག་འཆི་བའི་བར་ཆད་ཀྱི་དབང་གིས། ཡུན་རིང་པོར་གནས་མི་ཐུབ་པས་ཁོ་རྣམས་ཀྱི་མི་གྲངས་མང༌བ་ཡིན་ནོ།། 24 ཕྱོགས་གཞན་ཞིག་ནས་སྐྱབས་མགོན་ཡེ་ཤུ་ནི་གཏན་དུ་བཞུགས་པ་ཡིན་པས། ཁོང་གི་མཆོད་དཔོན་གྱི་ལས་འགན་ལ་ནམ་ཡང་འགྱུར༌བ་མེད། 25 དེ་བས་ན། མི་དེ་རྣམས་ཀྱི་ཆེད་དུ་གསོལ་བ་འདེབས་པར་ཁོང་ཉིད་གཏན་དུ་གསོན་པོར་བཞུགས་པས། ཁོང་ལ་བརྟེན་ནས་དཀོན་མཆོག་གི་དྲུང་དུ་འགྲོ་མཁན་ཐམས་ཅད་ཁོང་གིས་མཐའ་གཅིག་ཏུ་སྐྱོབ་ནུས༌སོ།།

26 དམ་པ་དང་། སྐྱོན་མི་མངའ་བ། དྲི་མས་མ་གོས༌པ། སྡིག་ཅན་རྣམས་དང་ཁ་བྲལ༌བ། ནམ་མཁའ་ལས་ཀྱང་བླ་ན་འཕགས་པའི་མཆོད་དཔོན་ཆེན་པོ་ ‡ འདིར་མཆོད་དཔོན་ཆེན་པོ་ཞེས་པ་སྐྱབས་མགོན་ཡེ་ཤུ་ལ་གོ་དགོས།འདི་ལྟ་བུ་ནི་བདག་ཅག་ལ་ཡོད་ན་འོས་འཚམ་ཡིན་ནོ།། 27 ཁོང་ནི་མཆོད་དཔོན་ཆེན་པོ་གཞན་དག་དང་འདྲ་བར། ངེས་པར་ཉིན་རེ་བཞིན་ཐོག་མར་རང་ཉིད་ཀྱི་སྡིག་པ༌དང༌། ཕྱིས་སུ་འབངས་མི་ཡི་སྡིག་པའི་ཕྱིར་མཆོད་པ་འབུལ་བ་མ་ཡིན༌ཏེ། ཁོང་གིས་རང་ཉིད་ཐེངས་གཅིག་ཁོ་ནར་ཕུལ་བས་དོན་དེ་ཡོངས་སུ་འགྲུབ་པར་མཛད༌པའི་ཕྱིར་ཡིན། 28 མ་གཞི་བཀའ་ཁྲིམས་ཀྱིས་ནུས་སྟོབས་ཞན་པའི་མི་རྣམས་མཆོད་དཔོན་ཆེན་པོར་བསྐོ་བར་བྱེད་པ་ཡིན༌མོད། འོན་ཀྱང་བཀའ་ཁྲིམས་ཀྱི་རྗེས་སུ་དམ་བཅས་པའི་བཀའ་ཡིས་སྲས་དཀོན་མཆོག་དེ་ཉིད་མཆོད་དཔོན་ཆེན་པོར་བསྐོས་ཤིང་རྟག་ཏུ་ཕུལ་དུ་བྱུང་བའོ།།