14
Israel inoina
1 A Israel e, Iehova, emu Dirava, ba lou henia,
badina be vada o hekwakwanai, emu kara havara daidiai.
2 Mai herevamui ida baola,
Iehova ba lou henia;
ba hamaoroa, baoto:
Kara havara iboudiai bavabi oho;
ḡau namona bavabia dae;
bena bibinamai anidia baia henimu.
3 Asuria ese basine hamaurimai,
hosi ai basia gui;
bona imamai amo a kara ḡaudia basia hereva henidia lou,
basiato “Emai Dirava”.
Oiemu ai ihareha ese
hebogahisi e davariamu.
4 Edia kara-hebeatai baina abi oho,
egu ura-kwalimu ai baina lalokau henidia,
badina be egu badu na edia amo vada e siri.
5 Lau na hunu heḡereḡerena ai bainala, Israel enai,
ia na baine gara kau, sosana*“Sosana” na Heberu taudia edia herahera ta ladana; English gado ai ladana na “lily”. herahe-rana na heto;
ramuna na tano ai bae diho, Lebanon audia na heheto;
6 ia tuhutuhuna bae idia roro;
ia hairaina na olive hairaina heḡereḡerena ai baine hahelao,
bona bonana na Lebanon bonana heḡereḡerena ai bainela.
7 Idia na bae lou mai, lau ikerukerugu ai bae noho;
bae tubu, uma ḡaudia na heheto.
Idia na bae huahua, vine auna na heto;
bonadia bae dae, Lebanon vine-ranuna na heto.
8 Efraim e, lauegu ḡaukara kaivakuku ediai be dahaka?
Lau ese na haere henimumu bona na gimamumu.
Lau na beroso†“Beroso” na au ta ladana Heberu gado ai. auna, rauna se hehuhumu ḡauna, na heto;
huahuamu na lauegu amo e varamu.
9 Daika mai aonegana, ia ese ini ḡau baine lalo davari.
Daika mai lalo-pararana, ia ese baine dibadia.
Badina be Iehova ena dala na mamaoro-mamaoro;
kara maoromaoro taudia na lalodiai e rakamu,
a kara kerere taudia na lalodiai e hekwakwanaimu.