18
ប៝នបាបីលោន រាល៝ម់
1 ឞើសកើយនៃ គ៝ប់ឆៃទូហ្វេតោងពារ់អីជុរឞើសកាលើត្រោកនតុកកោរាញឞ្រាសនើម តោងពារ់អីនៃគែសនាវទើយហោងាន់ ជេសរីនាវច្រេកលើបពាង់អាងលាមនែសនតូងាន់។* ១៨:១៖ នតម ១៧:១ 2 ពាង់នតែរទុតនតែស៖
“ប៝នបាបីលោន អីទុតក្វ៝ង់លែៈរាល៝ម់ងាន់ជេស! ពាង់លែៈរាល៝ម់ងាន់ជេស!
ប៝នអីអ្យាលែៈជេងនតុកគុផូងឞ្រាសអ្យើស
ជេងនតុកឞ្រោៈរាឆ៝ងអាប់នតីលឞ្រាសបឹបើច
នទ្រែលមាលែៈជេងរាឆ្វាន់អាប់នតីលឆ្យុមនារអីមោក្ល៝ស* ១៨:២៖ «មោក្ល៝សអីបឹបើច» ឆ៝ម់បុតអើមអីញចីសមាតីអាបាៈលាស៖ «មោក្ល៝សអាប់នតីលមពោមពា(ឆ្យុម)អីបឹបើច»។អីបឹបើច* ១៨:២៖ អេឆា ២១:៩
3 យ៝រលាសប៝នអីនៃលែវទឹងលែៈឞូនុយ្សទឹងលែៈឞ្រីទាកជានអ្យើសជានតឹងនាវខើសក្លែរ នាវតឹមទ៝ង់ពាង់
តឹមឞានមាឞូញេតនទ្រាញ់ព្លៃយុងយារប៝នត៝ត់ញុល។
ផូងកាដាច់តានែសនតូលែៈជានតឹងប៝នអីនៃ តឹមឞានមាលែៈជាននាវខើសក្លែរទាទេដ៝ង់។
ជេសរីទឹងលែៈផូងតាច់រាគ៝ល់នទើតានែសនតូទឹងគែសទ្រាប់នទើនទ្រ៝ង់ក្វ៝ង់ យ៝រមានាវគុរេសទុតខ្លៃទុតអ្វែសតាប៝នអ្យា”។* ១៨:៣៖ នតម ១៧:២
4 ជេសរីគ៝ប់តាង់នតែសឞ៝រ់ជឹតតាៈឞើសកាលើត្រោក៖
“អើផូងប៝នលានគ៝ប់នើម! អ៝ន់លែវឞាល់លោសហ៝ម់ឞើសប៝នអ្យា
គៃមាលើយអោសគែសនាវតីសនទ្រែលខាន់ពាង់
ក្លាចលាសគែសនាវជេរ
នទ្រែលខាន់ពាង់។* ១៨:៤៖ នន ១៩:១២-១៣; អេឆា ៤៨:២០; យេរ ៥១:៦; ២កោ ៦:១៧
5 យ៝រលាសនាវតីសខាន់ពាង់ទុតអ៝ក់តឹមឞានមាលែៈមពឺមត៝ត់អាត្រោក
អាបៃអ្យាកោរាញឞ្រាសកាសគឹតមានាវខាន់ពាង់ជានអ្យើស។* ១៨:៥៖ នន ១៨:២០-២១
6 អ៝ន់ព្លើងមាខាន់ពាង់តឹមទីដាសនទើខាន់ពាង់លែៈជានមាឞូនើស
ព្លើងមាខាន់ពាង់ង្វាយជេងឞារ នទើខាន់ពាង់លែៈជានជេរមាឞូ ព្លើងមាខាន់ពាង់ង្វាយជេងឞារ
តឹមឞានមាអ៝ន់ខាន់ពាង់ញេតទូកាច៝កនទ្រាញ់ជេងឞារឞើសអីខាន់ពាង់អ៝ន់មាឞូ។* ១៨:៦៖ នម ១៣៧:៨; យេរ ៥០:១៥, ២៩
7 ឞូនុយ្សតាប៝នអ្យារានេអេងឆាក់ខាន់ពាង់នើម គុរេសទុតអ្វែស
លាសនទ្រីអ៝ន់ខាន់ពាង់ទើននាវរេសរាញាល់ នអ៝ប់មានាវញុមរាង៝តហោកើតនៃដ៝ង់។
យ៝រលាសខាន់ពាង់លាសអេងតានូយ្សនហ៝ម់៖
«គ៝ប់គុរេសតឹមឞានមាកាដាច់ឞូអូរ
មោអោសជេងតឹមឞានមាឞូអូរនទ្រោ
មោដ៝ង់គែសនាវញុមរាង៝ត!»* ១៨:៧-៨៖ អេឆា ៤៧:៧-៩
8 លាសនទ្រីទឹងលែៈនាវរេសរាញាល់តាប៝នអ្យាគែសទូនារទើម
ឞូនុយ្សតាប៝នគែសនាវខឹត គែសនាវញុមរាង៝ត គែសនាវជីឆ៝ត់ជីង៝ត
ជេសរីគែសនាវអុញឆា
យ៝រលាសកោរាញឞ្រាសអីតេៈទោយ្សប៝នអ្យាគែសនាវទើយងាន់”។
9 ផូងកាដាច់តានែសនតូអ្យាអីលែៈតឹងជាននទើបឹបើច នាវតឹមទ៝ង់ខើសក្លែរតឹងកើតឞូនុយ្សតាប៝នអីនៃ នអ៝ប់មាលែៈគុរេសទុតនទ្រ៝ង់ទុតរាម់មអាកកើតខាន់ពាង់ដ៝ង់ នោកខាន់ពាង់ឆៃញហូកអុញឆាប៝នអីនៃ ខាន់ពាង់មរាញុមរាង៝តងាន់រ៝។ 10 ទឹងលែៈកាដាច់អីនៃមរាគុឞើសងាយ ក្លាចញឆ៝រ់នាវរេសរាញាល់ឞូនុយ្សតាប៝នអីនៃ ខាន់ពាង់លាស៖
“រេសរាញាល់ងាន់! រេសរាញាល់ងាន់!
អើប៝នបាបីលោន អីទុតក្វ៝ង់ អីគែសនាវទើយក្វ៝ង់
យ៝រលាសនាវតេៈទោយ្សមាមៃតាទូម៝ងទើម”។
11 ផូងតាច់រាគ៝ល់នទើតានែសនតូញុមនអ៝រ យ៝រលាសមោហោមគែសអោសឞូនុយ្សរាវាត់ទ្រាប់នទើខាន់ពាង់។ 12 ទ្រាប់នទើអីនៃ គែសមាយ្ស គែសព្រាក់ គែសលុខ្លៃ លុពិច(លុគ្ល៝) គែសឞ៝កងលាងអ្វែស ឞ៝កឆូត ឞ៝កហូល ឞ៝កគុរ គែសអាប់នតីលតើមឆីបោកាស គែសអាប់នតីលនទើជានមាលា គែសអាប់នតីលនទើជានមាតើមឆីខ្លៃ នទើជានមាកោង នទើជានមាល៝យ្ស នទ្រែលមានទើជានមាលុអីអ្វែស 13 ងខ៝បឆីបោកាស នអ៝ប់មានទើកាសអេងៗមាតេៈត្រាវ នទើបោកាសមាឆូ នតាក់ឆីបោកាសរាញាមឹរ នតាក់ឆីបោកាសមាឆូ នទ្រាញ់ព្លៃយុងយារប៝ន ទាកងីអោលីវ រានីសឞាព្រាង់ ទុតអ្វែស ឞាព្រាង់ នទ្រោក ឞែឞ្យាប់ ឆែស រាទែសឆែស នអ៝ប់មាឞូនុយ្សគៃមាជានទឹកឞូ។ 14 ផូងអីនៃលាសមាឞូនុយ្សតាប៝នបាបីលោន ៖
“ទឹងលែៈព្លៃអីខាន់អៃមៃអុចគែសហោងាន់
រ៝សលែៈផ្យៅ។
ទឹងលែៈនទើគែសនាវខ្លៃ
ទឹងលែៈនទើមាងក្រឹរ៝សលែៈផ្យៅ
មោហោមអោសគែសឞូនុយ្សជ៝យឆៃជឹត”។
15 ទឹងលែៈផូងតាច់រាគ៝ល់អីនៃ អីជេងនទ្រ៝ង់តាៈឞើសប៝នអីនៃ ខាន់ពាង់មរាគុឞើសងាយក្លាចញឆ៝រ់ងាន់មានាវរេសរាញាល់ប៝នអីនៃ ខាន់ពាង់លែវឞាល់ញុមរាង៝ត 16 លាស៖
“រេសរាញាល់ងាន់! រេសរាញាល់ងាន់! អើផូងឞូនុយ្សតាប៝នអីទុតក្វ៝ង់
គែសឞ៝កងគូតអាវញឆ៝សឞ៝កអីខ្លៃៗងាន់
ឞ៝កឆូត ឞ៝កគុរ
នទ្រែលមាងក្រឹឆាក់មាមាយ្ស
មាលុខ្លៃ មាលុពិច(លុគ្ល៝)* ១៨:១៦៖ នតម ១៧:៤
17 ទឹងលែៈទ្រាប់នទើទុតអ៝ក់អ្យារ៝សហេងលែៈតាទូម៝ងទើម!”
មពោលអីបើកទូកក្វ៝ង់ មពោលអីញច៝តាកាលើទូកក្វ៝ង់ នទ្រែលមាទឹងលែៈមពោលអីជានការតាកាលើទូកក្វ៝ង់នៃមរាលែវឞាល់គុឞើសងាយ។ 18 នោកខាន់ពាង់ឆៃញហូកអុញលោសឞើសប៝ននៃ ខាន់ពាង់នតែរទ្រើវ៖
“មោអោសវៃគែសប៝នក្វ៝ង់រាលាវមាប៝នអីនៃ!”
19 ខាន់ពាង់ក្វាកនែសមោយឆូយតាឞោកខាន់ពាង់នើម គៃមាញហើនាវខាន់ពាង់រាង៝ត ញុមវើលនអ៝រទុតហោងាន់ នអ៝ប់មាលាស៖
“រេសរាញាល់ងាន់! រេសរាញាល់ងាន់តាប៝នអីទុតក្វ៝ង់អីនៃ។
តាៈឞើសប៝នអីនៃទឹងលែៈឞូនុយ្សអីគែសទូកក្វ៝ង់
ជេងនទ្រ៝ង់តាៈឞើសទ្រាប់នទើអ៝ក់ប៝ននៃ។
តាទូម៝ងទើមប៝ននៃរ៝សហេងរាងាត់!
20 អើផូងអីគុតាកាលើត្រោកនតុកកោរាញឞ្រាសនើម
ផូងប៝នលានកោរាញឞ្រាស មពោលកោរាញអ៝សម៝ន នទ្រែលមាមពោលឞូនុយ្សនតើយ្សនាវងើយកោរាញឞ្រាស អ៝ន់ខាន់អៃមៃរាម់មអាកទោ
យ៝រមាកោរាញឞ្រាសលែៈផាតទោយ្សអ៝ន់មាខាន់អៃមៃ លែៈតេៈទោយ្សជេសមាផូងឞូនុយ្សតាប៝នអ្យា”។* ១៨:២០៖ យេរ ៥១:៤៨
21 ឞើសកើយនៃគែសទូហ្វេតោងពារ់អីទុតគែសនាវទាង់ពឺទូមល៝ម់លុក្វ៝ង់អីក្វ៝ង់រាលាវមាមពាល់ន៝ង់ងក្លាច់អាទាកវាច់ទាកវារ់ នហ៝មាលាស៖
“ប៝នបាបីលោន អីទុតក្វ៝ង់
ឞូមរាងគ្រ៝សលើយលែៈផ្យៅកើតលុអីអ្យាដ៝ង់។
ឞូជ៝យប៝នអីនៃមោហោមឆៃជឹតអោស។* ១៨:២១៖ យេរ ៥១:៦៣-៦៤
22 តាប៝នអីនៃមោហោមអោសគែសឞូនុយ្ស រ៝សរាងាត់មោហោមនតែសដែរែងក្វៃ
ឞូមោហោមអោសតាង់នាវឞូងក្រេសគ៝ងរេង នាវឞូមព្រ៝ត់មព្រើ នាវឞូអោសមឞ្វាត់ នាវឞូអោសនុងតានតុកប៝នអីនៃ។
ទឹងលែៈឞូនុយ្សអីឞ្លាវជានការអាប់នតីល
ឞូមោហោមអោសឆៃតានតុកប៝នអីនៃ។
នតែសពែសតានតុកប៝នអីនៃ
ឞូមោហោមតាង់ដ៝ង់។* ១៨:២២៖ អេឆា ២៤:៨; យេរ ២៥:១០
23 មោហោមគែសអោស
អាងអុញឆាគេងតានតុកប៝នអីនៃ
នតែសរាម់មអាកមាអូរឆាយមហែ
មោហោមគែសដ៝ង់។
ឞូនុយ្សតាច់រាគ៝ល់នទើតានតុកប៝នអីនៃវៃជេងឞូនុយ្សទុតក្វ៝ង់តានែសនតូអ្យា
នាវជាននអាងប៝នអីនៃ រាលាម់ទឹងលែៈឞូនុយ្សទឹងលែៈឞ្រីទាកលែវជាននទើអ្យើស។
24 ឞូនុយ្សតាប៝នអីនៃគែសទោយ្សងខឹតញចាយមហាមឞូនុយ្សនតើយ្សនាវងើយកោរាញឞ្រាស នអ៝ប់មាគែសទោយ្សងខឹតញចាយមហាមផូងប៝នលានកោរាញឞ្រាស។
ឞូនុយ្សតាប៝នអីនៃគែសទោយ្សងខឹតញចាយមហាមទឹងលែៈឞូនុយ្សអីឞូទែងខឹតលើយលាមនែសនតូ”។* ១៨:២៤៖ នតម ១៧:៦; ១៩:២; នម ៧៩:១០
*18:1 ១៨:១៖ នតម ១៧:១
*18:2 ១៨:២៖ «មោក្ល៝សអីបឹបើច» ឆ៝ម់បុតអើមអីញចីសមាតីអាបាៈលាស៖ «មោក្ល៝សអាប់នតីលមពោមពា(ឆ្យុម)អីបឹបើច»។
*18:2 ១៨:២៖ អេឆា ២១:៩
*18:3 ១៨:៣៖ នតម ១៧:២
*18:4 ១៨:៤៖ នន ១៩:១២-១៣; អេឆា ៤៨:២០; យេរ ៥១:៦; ២កោ ៦:១៧
*18:5 ១៨:៥៖ នន ១៨:២០-២១
*18:6 ១៨:៦៖ នម ១៣៧:៨; យេរ ៥០:១៥, ២៩
*18:7 ១៨:៧-៨៖ អេឆា ៤៧:៧-៩
*18:16 ១៨:១៦៖ នតម ១៧:៤
*18:20 ១៨:២០៖ យេរ ៥១:៤៨
*18:21 ១៨:២១៖ យេរ ៥១:៦៣-៦៤
*18:22 ១៨:២២៖ អេឆា ២៤:៨; យេរ ២៥:១០
*18:24 ១៨:២៤៖ នតម ១៧:៦; ១៩:២; នម ៧៩:១០