ឆ៝ម់បុត
ពេត្រោស
ញចីស
រើស ២
នាវឞោកអ៝ន់ឞូគឹតល៝រ
នើមញចីសឆ៝ម់បុតអ្យារាញាពេត្រោស ពាង់ញចីសឆ៝ម់បុតអ្យាក្លាប់លាសតានាម់ ៦៤-៦៧ ក្លាប់លាស ៣១ នាម់ជេសឞ្រាសយេឆូ ទ៝ក់រេស។ នោកពាង់ញចីសឆ៝ម់បុតអ្យា ពាង់មឹនលាសនារឞូងខឹតពាង់ឞើយមាត៝ត់ជេស(២ពេ ១:៤) ពាង់ញចីសឆ៝ម់បុតអ្យាអ៝ន់មាទឹងលែៈផូងញឆីងមាឞ្រាសក្រីស ។ ពាង់ក្វាល់ឆ៝ម់បុតអ្យាឆ៝ម់បុតពាង់ត៝ល់ឞារ(២ពេ ៣:១)។ មានាវខ្លៃតាពេត្រោស ទាន់អ្វាញ់តានាវឞោកឆ៝ម់បុតពេត្រោស រើស ១។
នាវអុចនត្រ៝ង់តាឆ៝ម់បុតអ្យា
តាឆ៝ម់បុតអ្យាពេត្រោស អុចនហាវនូយ្សនហ៝ម់ផូងញឆីង ពាង់ដាៈញជ្រាង់មានាវឞូនតីងក្លាៈ ពាង់មឞើសមាផូងញឆីង ឞ្រាសក្រីស មរាព្លឹវាច់ងាន់ ពាង់មឞើសមានាវអាបាៈមរាគែសកេងមានារឞ្រាសក្រីស ព្លឹវាច់។ ពាង់មឞើសមាឞូអ៝ន់គឹតនហេល នាវកោរាញឞ្រាសងើយជេងតាៈឞើសកោរាញឞ្រាសនើមងើយងាន់ មោអោសតាៈឞើសឞូនុយ្ស(២ពេ ១:២០-២១; ៣:១៥-១៦) ពាង់នតីលាស ឞូម៝សអីគឹតនាល់កោរាញឞ្រាស គុរេសតឹមទីមានាវកោរាញឞ្រាសអុចដ៝ង់ ឞូម៝សអីរ៝ង់មាកោរាញឞ្រាស រ៝ង់មាឞូនុយ្សច្យៅមែងដ៝ង់។
មឞើសនាវខ្លៃតាងកោៈតាឆ៝ម់បុតអ្យា
- នាវអោបអ្វែសលាង់ (១:១-២)
- នាវដាៈអ៝ន់លើមាជ្រូតានាវញឆីងមាឞ្រាសយេឆូក្រីស (១:៣-១១)
- នាវពេត្រោស នតិញនោកពាង់ឞើយខឹត នទ្រែលមានាវខ្លៃតានាវកោរាញឞ្រាសងើយ (១:១២-២១)
- នាវញជ្រាង់មាផូងនើមនតីងក្លាៈ (២:១-២២)
- នាវកោរាញយេឆូព្លឹវាច់ (៣:១-១៦)
- នាវនតិញដាៈញជ្រាង់ងគ្លែៈទុត (៣:១៧-១៨)
1
នាវអោបអ្វែសលាង់
1 ឆ៝ម់បុតគ៝ប់ឆីមោន អីឞូក្វាល់ពេត្រោស ញចីស។ គ៝ប់ឞូនុយ្សឆើមកើលជានការមា* ១:១៖ «ឞូនុយ្សឆើមកើលជានការមា» មោលាស «ទឹក»។ឞ្រាសយេឆូក្រីស នទ្រែលមាអីកោរាញអ៝សម៝នពាង់ ទាន់អោបនាវអ្វែសលាង់ខាន់អៃមៃអីលែៈឆ៝ៈទើនជេសនាវញឆីងមាពាង់អីទុតខ្លៃ អីតឹមឞានមានាវញឆីងហេន។ ឞ៝ន់លែៈឆ៝ៈទើនជេសនាវញឆីងអីនៃតាៈឞើសនាវឆ៝ង់ឞ្រាសយេឆូក្រីស អីឞ្រាសឞ៝ន់ នទ្រែលមាអីនើមរាក្លាយ្សឞ៝ន់។* ១:១៖ មថ ៤:១៨-២០; ១០:២; លក ២:១១ 2 ទាន់នាវអ្វែស នទ្រែលមានាវដាប់មពាន់គុតាខាន់អៃមៃលើមាហោអ៝ក់ តាៈឞើសខាន់អៃមៃលើមានហេលគឹតនាល់កោរាញឞ្រាស នទ្រែលមាលើមានហេលគឹតនាល់ឞ្រាសយេឆូ អីកោរាញឞ៝ន់នៃ។
នាវដាៈអ៝ន់លើមាជ្រូតានាវញឆីងមាឞ្រាសយេឆូក្រីស
3 តាៈឞើសនាវទើយកោរាញឞ្រាសនើម ពាង់លែៈកើលឞ៝ន់តាអាប់នតីលនាវ គៃមាឞ៝ន់ទើយគុងាវតឹមទីដាសនាវពាង់នើមអុច។ ឞ៝ន់ឆ៝ៈទើននាវកើលអីនៃតាៈឞើសឞ៝ន់គឹតនាល់ពាង់ពាង់លែៈក្វាល់ជេសឞ៝ន់ជេងប៝នលានពាង់នើម តាៈឞើសនាវច្រេកលើបពាង់នើម នទ្រែលមាតាៈឞើសនាវអ្វែសពាង់នើម។* ១:៣៖ ១តម ៦:១២ 4 តាៈឞើសនាវច្រេកលើប នទ្រែលមានាវអ្វែសពាង់នើមនៃ ទឹងកោរាញឞ្រាសត៝នអ៝ន់នាវទុតក្វ៝ង់នាវទុតខ្លៃមាឞ៝ន់។ ពាង់ត៝នកើតនៃ គៃមានូយ្សនហ៝ម់ឞ៝ន់ជេងតឹមឞានមានូយ្សនហ៝ម់កោរាញឞ្រាស នអ៝ប់មាឞ៝ន់ក្លាយ្សឞើសនាវអ្យើសអីតាៈឞើសនាវកើញជានអ្យើសអីគែសតានែសនតូអ្យា។
5 លាសនទ្រីអ៝ន់ខាន់អៃមៃញឆ្រោយ្សមាលែៈនូយ្សនហ៝ម់ អ៝ន់នត៝បដ៝ង់នាវគែសនូយ្សនហ៝ម់អ្វែសតានាវខាន់អៃមៃញឆីងមាឞ្រាសយេឆូក្រីស ជេសរីអ៝ន់នត៝បដ៝ង់នាវគឹតវ៝ត់នាវកោរាញឞ្រាសអុចតានាវគែសនូយ្សនហ៝ម់អ្វែស* ១:៥៖ មថ ៥:១៦; ១ពេ ២:១២, ១៥ 6 អ៝ន់នត៝បដ៝ង់នាវឞ្លាវម៝ត់ញជ្រាង់ឆាក់អ៝ន់គុទីកែសតានាវគឹតវ៝ត់នាវកោរាញឞ្រាសអុច អ៝ន់នត៝បដ៝ង់នាវអ៝ត់នូយ្សនហ៝ម់ឞ៝លលាសគែសនាវជេរតានាវឞ្លាវម៝ត់ញជ្រាង់ឆាក់អ៝ន់គុទីកែស អ៝ន់នត៝បដ៝ង់នាវគុងាវតឹមទីដាសនាវកោរាញឞ្រាសអុចតានាវអ៝ត់នូយ្សនហ៝ម់ឞ៝លលាសគែសនាវជេរ* ១:៦៖ កាល ៥:២២ 7 អ៝ន់នត៝បដ៝ង់នាវតឹមរ៝ង់ឞាល់នទ្រាង់អ៝សនោតាផូងញឆីងតានាវគុងាវតឹមទីដាសនាវកោរាញឞ្រាសអុច ជេសរីអ៝ន់នត៝បដ៝ង់នាវរ៝ង់មាទឹងលែៈឞូនុយ្សតានាវតឹមរ៝ង់ឞាល់នទ្រាង់អ៝សនោតាផូងញឆីង។* ១:៧៖ យហ ១៣:៣៤-៣៥; រម ១២:១០
8 លាសខាន់អៃមៃគែសទឹងលែៈនាវអីនៃលើមាហោ លាសនទ្រីនាវរេសខាន់អៃមៃគែសខ្លៃ គែសព្លៃតានាវគឹតនាល់លើមានហេលឞ្រាសយេឆូក្រីស អីកោរាញឞ៝ន់។* ១:៨៖ យហ ១៥:៤ 9 យើនមាឞូម៝សអីមោគែសអោសទឹងលែៈនាវអីនៃ ពាង់អីនៃជេងតឹមឞានមាឞូនុយ្សចែសមាត់ អ្វាញ់ងាយមោអោសឆៃ ជេសរីលែៈច្វេលនាវកោរាញឞ្រាសជូតអ៝ន់ក្ល៝សនាវតីសអីពាង់លែៈជានអេល៝រមាឆឹតញឆីងនើស។* ១:៩៖ ១យហ ២:៩-១១
10 អើអ៝សនោតានាវញឆីង អ៝ន់ខាន់អៃមៃញហើនាវអ្វែសតានាវគុងាវខាន់អៃមៃ គៃមាឞូឆៃកោរាញឞ្រាសលែៈកើយ្សខាន់អៃមៃជេងផូងប៝នលានពាង់នើមងាន់។ លាសជានកើតនៃ នាវញឆីងខាន់អៃមៃមរាហោមន៝ប់នឹង មោអោសរ៝ស។* ១:១០-១១៖ រម ២:៧; ២តេ ២:១៣-១៥; ហេឞ ១២:១៨ 11 ជេសរីខាន់អៃមៃមរាលាប់តានាវឞ្រាសយេឆូក្រីស ម៝ត់អ្វាញ់នហ៝រ៝ នអ៝ប់មានាវរាម់មអាក ជេងនាវម៝ត់អ្វាញ់អីកោរាញឞ៝ន់ អីនើមរាក្លាយ្សឞ៝ន់។
នាវពេត្រោស នតិញនោកពាង់ឞើយខឹត
12 គ៝ប់ហោមងកាសនាវអីនៃអ៝ន់មាខាន់អៃមៃបាបើ ឞ៝លលាសខាន់អៃមៃលែៈគឹតជេសនាវអីនៃ នទ្រែលមាលែៈញអោតន៝ប់នាវងាន់អីឞូលែៈនតុមនតីមាខាន់អៃមៃនៃនើសកាដោយ។ 13 នោកគ៝ប់ហោមគុរេសតានែសនតូអ្យា† ១:១៣៖ «គុរេសតានែសនតូអ្យា» មោលាស «គុតាចូនឞ៝កអ្យា»។ ទីមាគ៝ប់ងកាសខាន់អៃមៃអ៝ន់ខាន់អៃមៃហោមកាសគឹតបាបើ 14 យ៝រលាសគ៝ប់លែៈគឹតជេស គ៝ប់គុរេសតានែសនតូអ្យាហោមទូប្ល៝ត់ទើម ជេសរីគ៝ប់ខឹត‡ ១:១៤៖ «គ៝ប់ខឹត» មោលាស «ឞូមរាងគ្រ៝សចូនឞ៝កឆាក់ជាន់គ៝ប់»។ នាវអីនៃឞ្រាសយេឆូក្រីស អីកោរាញឞ៝ន់លែៈញហើអ៝ន់គ៝ប់គឹតល៝រ។* ១:១៤៖ យហ ២១:១៨-១៩ 15 លាសនទ្រីគ៝ប់គើយ្សងាន់ងកាសខាន់អៃមៃ គៃមាខាន់អៃមៃហោមកាសគឹតបាបើទឹងលែៈនាវអីនៃ ជេសគ៝ប់មោហោមគុអោសតានែសនតូអ្យា។
នាវច្រេកលើបឞ្រាសយេឆូ
16 នាវអីហេនមឞើសងក៝ចអ៝ន់ខាន់អៃមៃគឹតនាល់នាវទើយឞ្រាសយេឆូក្រីស អីកោរាញឞ៝ន់ នទ្រែលមានាវពាង់មរាព្លឹវាច់នៃ មោអោសទីហេនមឞើសងក៝ចទុតឞ្លាវនាវងក្លាៈ យើនមាហេនលែៈឆៃនាវច្រេកលើបពាង់នៃមាត្រោមមាត់ហេននើម។ 17 កោរាញឞ្រាសឞឹនើមលែៈយើកពាង់អ៝ន់ពាង់នាវច្រេកលើបតានោកកោរាញឞ្រាសលាសមាពាង់ នអ៝ប់មានាវអាងរាលហោងាន់៖ «ពាង់អ្យាក៝នគ៝ប់អីគ៝ប់រ៝ង់ហោងាន់ ហោងាន់គ៝ប់រាម់ពាង់»† ១:១៧៖ មថ ១៧:៥; មក ៩:៧; លក ៩:៣៥។ 18 ហេនលែៈតាង់ជេសឞ៝រ់អីនៃតាៈឞើសកាលើត្រោក នោកហេនគុនទ្រែលមាពាង់តាកាលើយោកក្ល៝សអ្វែស។
19 យ៝រមានាវអីនៃឞ៝ន់លែៈគឹតលើមានហេលងាន់ ទឹងលែៈនាវងើយមពោលឞូនុយ្សនតើយ្សនាវងើយកោរាញឞ្រាសកាល់អែនើសលែៈទីងាន់។ អ្វែសងាន់លាសខាន់អៃមៃអ្យាត់ងាន់នាវអីនៃ យ៝រលាសទឹងលែៈនាវអីនៃជេងតឹមឞានមាអុញឆាគេងអីងអាងតានតុកង៝នហ៝មាត៝ត់លោសនារ អីម៝ងឞ្រាសក្រីស ព្លឹវាច់លោសអាងតានូយ្សនហ៝ម់ឞ៝ន់ ជេសរីឞ្រាសក្រីស អីរាញា«មឞីងអាអោយ»ដ៝ង់។* ១:១៩៖ រម ១៣:១២; នតម ១០:៧; នម ១១៩:១០៥ 20 នាវអីខ្លៃរាលាវឞូអ៝ន់ខាន់អៃមៃគឹត ទឹងលែៈនាវនតើយ្សអីគែសញចីសតានាវកោរាញឞ្រាសងើយ មោគែសអោសឞូនុយ្សទាសមាមឞើសងក៝ចតឹងនូយ្សនហ៝ម់ពាង់នើមអុច* ១:២០-២១៖ រម ១៥:៤; ២តម ៣:១៥-១៦ 21 យ៝រលាសទឹងលែៈនាវនតើយ្សអីលោសឞើសមពោលឞូនុយ្សនតើយ្សនាវងើយកោរាញឞ្រាស មោអោសទីលោសតាៈឞើសនូយ្សនហ៝ម់ឞូនុយ្ស ជេងលោសតាៈឞើសឞ្រាសហ្វេងអ្វែសអីក្ល៝សអ្វែសញឆុកញឆោរនូយ្សនហ៝ម់ខាន់ពាង់អីនៃ។
*1:1 ១:១៖ «ឞូនុយ្សឆើមកើលជានការមា» មោលាស «ទឹក»។
*1:1 ១:១៖ មថ ៤:១៨-២០; ១០:២; លក ២:១១
*1:3 ១:៣៖ ១តម ៦:១២
*1:5 ១:៥៖ មថ ៥:១៦; ១ពេ ២:១២, ១៥
*1:6 ១:៦៖ កាល ៥:២២
*1:7 ១:៧៖ យហ ១៣:៣៤-៣៥; រម ១២:១០
*1:8 ១:៨៖ យហ ១៥:៤
*1:9 ១:៩៖ ១យហ ២:៩-១១
*1:10 ១:១០-១១៖ រម ២:៧; ២តេ ២:១៣-១៥; ហេឞ ១២:១៨
†1:13 ១:១៣៖ «គុរេសតានែសនតូអ្យា» មោលាស «គុតាចូនឞ៝កអ្យា»។
‡1:14 ១:១៤៖ «គ៝ប់ខឹត» មោលាស «ឞូមរាងគ្រ៝សចូនឞ៝កឆាក់ជាន់គ៝ប់»។
*1:14 ១:១៤៖ យហ ២១:១៨-១៩
†1:17 ១:១៧៖ មថ ១៧:៥; មក ៩:៧; លក ៩:៣៥
*1:19 ១:១៩៖ រម ១៣:១២; នតម ១០:៧; នម ១១៩:១០៥
*1:20 ១:២០-២១៖ រម ១៥:៤; ២តម ៣:១៥-១៦