1  Jer 1.5Sanglak rhoek loh

kamah taengkah he hnatun uh saeh lamtah

khohla lamkah namtu rhoek loh hnatung uh saeh.

BOEIPA loh kai he bungko khuiah ng'khue coeng tih

a nu bung khuiah ni ka ming a sum coeng.

2  Heb 4.12; Olp 1.16Ka ka he cunghang haat bangla a khueh tih

a kut dongkah hlipkhup ah kai n'thuh.

Kai he thaltang la n'khueh tih

amah kah liva dongah a meet tangtae la kai n'thuh.

3 Kai taengah tah,

“Kamah kah sal tah Israel nang,

namah dongah ni ka ko ka hang eh.

4 Tedae kai loh a poeyoek la ka ti coeng.

A hinghong la ka kohnue tih

ka thadueng khaw a honghi coeng.

Ka tiktamnah he BOEIPA taengah,

ka thaphu te ka Pathen taengah ka bawt.

5 Bungko khui lamloh amah kah sal la kai aka hlinsai

BOEIPA loh Jakob te amah taengla mael sak ham neh

Israel te amah taengla coi ham te a thui coeng.

Te dongah BOEIPA mikhmuh ah

ka thangpom uh tih ka Pathen tah ka sarhi la om.

6  Isa 42.6; Luk 2.32; Clt 26.23; Clt 13.47Jakob koca te thoh ham neh Israel a kueinah tih

mael puei ham khaw

kamah kah sal la na om te rhaemaih.

Nang tah diklai khobawt duela

kamah kah khangnah a om sak ham neh

namtom rhoek kah vangnah la kang khueh ni,” a ti.

7 Israel aka tlan tih anih kah

a cim Yahovah loh hinglu kah a hnaep taengah,

namtom kah a tuei taengah,

aka taemrhai rhoek kah sal taengah,

“Manghai rhoek loh a hmuh uh vaengah

mangpa rhoek khaw thoo uh vetih a bawk uh bitni.

Israel kah a cim BOEIPA tah

a uepom dongah ni nang n'coelh.

8  2Ko 6.2BOEIPA loh,

“Kolonah tue vaengah nang kan doo tih

khangnah khohnin ah nang kan bom.

Nang te kang kueinah vetih

aka pong tangtae khohmuen aka thoh ham neh

rho aka pang pilnam patai la nang te kang khueh ni.

9 Amih hmaisuep ah a khih rhoek te,

‘Ha pawk uh lamtah ha mop uh,’ ti nah.

Longpuei ah luem uh vetih

caphoei cuk boeih te amih kah rhamtlim la poeh ni.

10  Olp 7.16,17Lamlum uh pawt vetih halthi uh mahpawh.

Amih te unghae neh khomik loh do mahpawh.

Amih aka haidam loh amih te

a hmaithawn vetih tuisih tui taengla a khool ni.

11 Kamah kah tlang boeih te long la ka khueh vetih

ka longpuei te ka pomsang ni.

12 Khohla lamkah rhoek te ha pawk uh ni ke.

Tlangpuei lamkah rhoek neh tuitun lamkah ke khaw,

Sinim kho lamkah rhoek khaw.

13 Vaan rhoek loh tamhoe uh lamtah

diklai khaw omngaih saeh.

Tlang rhoek khaw tamlung neh

rhong la rhong uh saeh.

BOEIPA loh a pilnam te a hloep tih

mangdaeng rhoek te a haidam coeng.

14 Zion loh, “Yahovah loh kai n'hnoo tih

ka Boeipa loh kai n'hnilh coeng,” a ti.

15 Huta loh a ca cahni te a hnilh a?

A bungko khuikah a ca te a haidam ta.

Te rhoek loh hnilh uh mai cakhaw

kai long he nang kan hnilh mahpawh.

16 Kutpha dongah nang kan tarhit coeng tih

na vongtung khaw kamah hmaiah om yoeyah coeng he.

17 Na ca rhoek loh namah n'koengloeng uh paitok tih

namah lamkah aka thoeng rhoek loh nang n'khah uh.

18 Na mik te huel kilkoel lamtah hmu van lah.

Amih te boeih coi uh thae tih

nang taengla ha pawk uh coeng.

Kai, hingnah BOEIPA kah olphong ni.

Amih boeih te kamrhui bangla na vah vetih

na langa bangla na hlaengtang ni.

19 Namah kah imrhong neh na ponah kho na pong sak.

Khosa taeng lamloh n'daengdaeh pawn vetih

nang aka yoop rhoek khaw lakhla uh bitni.

20 Nang hlangmoeng ca rhoek na hna khuiah,

“Kai ham a hmuen caek coeng tih

kamah ham han thoeih lamtah kho ka sa eh,” a ti uh ni.

21 Te vaengah na thinko nen tah,

“Kai aka cun te unim?

Kai dueidah laemhong neh pumhong he a hliphen tih n'rhoe sut.

Te dongah te rhoek aka puel sak te unim?

Kai kamah bueng ka sueng vaengah melae amih eh,” na ti ni.

22 Ka Boeipa Yahovah loh he ni a thui.

Namtom taengah ka kut ka thueng vetih

pilnam hamla ka rholik ka thoh pah ni.

Te vaengah tah na ca rhoek te poehla neh

ham pawk puei uh vetih na tanu rhoek te

laengpang dongah a poeh uh ni.

23 Manghai rhoek te nang aka kaem la,

a boeinu rhoek khaw nang aka khut la om uh ni.

Nang taengah a tallung neh diklai la bakop uh vetih

na kho dongkah laipi a laem uh ni.

Te vaengah kai Yahovah neh

kai aka lamtawn rhoek loh

yah a poh pawt te na ming uh ni.

24 Hlangrhalh kah hnorhawt te a loh vetih

aka dueng kah tamna te a loeih khaming a?

25 Tedae BOEIPA loh,

“Hlangrhalh tamna khaw a loh pah vetih

hlanghaeng a dang khaw a khong pah ni.

Na lungawn taengah kai loh kang rhoe vetih

na ca rhoek te kamah loh ka khang ni.

26 Nang aka vuelvaek rhoek te a saa ka cah vetih

a thii te thingtui bangla rhuihmil uh ni.

Te vaengah pumsa boeih loh kai tah

nang kah khangkung Yahovah neh

nang aka tlan Jakob kah samrhang la a ming uh ni.