84
Yaubada la Bwala kala bwaina
1 Mwa! Guyau Topeuligaga, saina ayebwaili m Bwala Kwebumaboma.
2 Saina magigu basisu baisa.
Magigu goli basisu olumoulela Guyau la Bwala Kwebumaboma.
Ausiwosi deli mwasawa baisa Yaubada Tolimomova
e tomwaidogu goli deli kaiwosigu.
3 Minasina sina eiyoulasi kasi nigwa,
e pwasisikwa minasina ivigakaisi si bwala baisa
kidamwa bikaniyabwaisi litusia katitaikina makwaisina m kwabolula,
yokugwa Guyau Topeuligaga, ulo Guyau e ulo Yaubada yoku.
4 Matausina availa availa isigagasi om Bwala Kwebumaboma imwasawasi goli.
Tuta komwaidona iusiwosisi kam yakaula.
5 Matausina availa availa kukwatupewoli imwasawasi,
paila saina isalausi mwada bikwaidadinasi bilosi makwaina Koya Saiyoni.b Kugisi Sam 2.6.
6 Ililoulasi iluvipeilisi mapilana oitayatilela Baka,c Baka kala katumiki makaina kai yagala Balisam, makaina isim maiinela simasimina, bivigakaisi si bulami; kugisi 2 Sml 5.23.
e omitasi wala idavila ivigaki viluwela utuwotu,
deli kuna ikunokuna e ivakasau katuwotu.
7 Ililoulasi e tuvaila goli ipapeulasi.
Bogwa bigisaisi bidubadu yaubada si Yaubada mapilana Saiyoni.
8 Mwa! Guyau Yaubada Topeuligaga,
bukulagi baisa ulo nigada.
9 Mwa Yaubada! Kumitukwaii matauna ma guyausi,
matauwena goli yoku lokunagi.
10 Kidamwa kwaitala wala yam basivabogi om Bwala Kwebumaboma,
baisa goli kala bwaina ikalisau lakatuluwotala yam basisu ambaisa ambaisa.
Ka, ibodaigu batomakava omatala m Bwala Kwebumaboma okabosusuvi,
e gala wala ibodaigu basibwabwaila osi valu tomitugaga.
11 Guyau matauna kada tokwalasi e da Guyausi Toguyugwayu.
E la ninabwaila deli kada taimamilasi ivigaki la mitakwai baisa yakidasi.
Gala biyusi avai vavagi bwaina
metoya baisa matausina tomitukwaibwaila.
12 Mwa! Guyau Topeuligaga, yakamaisi availa availa kadubumaimsi saina kamwasawasi goli.