9
Samuel mena wadene Sol osowe memen
1 Beniamin damba bedewe apana debama dea maura apanawa wandia, me ebowa Kis, me mamba ebowa Abiel, ita me atawa ipa Sero, ita me atanosiwa ebowa Bekorat. Tane mo nosiu ipa Apia, mo Beniamin damba bedewea. 2 Kis otopa Sol apana sanaa uatauwa ewaewa eudida. Israel apanawa uduudu bedeuwo mai mida da ewaewawa euda me rua, dia. Tane do me apana muwa dauma me eneno uawa odene alene Israel apanawa isiwa amboiamon.
3 Walama dea Kis donkiwa rebanton. Sa baiwa me otopa Sol diene wanase, “E nola apanawa wadee ita nolene donki banumone aitana.”
Tane Sol ita nolawa apanawa nata antone donki banumoie lewantoiena omo debama di dialen. Tane mai dommopona, dia. Sa baiwa mo antoiena peroweta Samuel mampe diapue etapu, mo na antopue donki dommopu.
15 Sol ita me nolawa apanawa nata antone Samuel mampe wimoiena. Ita Iawe God imana epe Samuel diene wanase, 16 “Imonepi omo ema rua wadompo ne Beniamin damba bedewe apana dea wapaaubepa e manawo. Me uawa osowe mena memea mampe sabamosaa ne apana sa sonabedina ne apanana Israelwa oniamopi. Me ando Pilistan apanau mampo inamopi. Ne apanana poka eteia saiwa ewana ita do ne saumopa kewa waio etamona.”