1 Takis molelo꞉ dia꞉sen kalu i a꞉no꞉ a꞉la꞉ta꞉ga꞉ mogago꞉lo꞉ dimida꞉sen kalu nolo꞉ ya꞉ga꞉, Ya꞉suwa꞉lo꞉ widab a꞉no꞉ da꞉da꞉liki sen. 2  Luk 5.30Ho꞉len a꞉namio꞉, Fa꞉lisi kalu o꞉lia꞉ elelo꞉ wida꞉sen kalu iliyo꞉ Ya꞉suwo꞉ sada꞉da꞉liki a꞉la꞉sio꞉, “Kalu wema꞉yo꞉ mogago꞉lo꞉ dimida꞉sen i o꞉lia꞉ ege dowaki, ma꞉no꞉wo꞉ i o꞉lia꞉ ka na꞉liki dowa꞉sen” a꞉la꞉sio꞉.

3 A꞉la꞉fo꞉ko꞉lo꞉ Ya꞉su eyo꞉ bale sio꞉ we imo꞉ malolo꞉ me. 4  Ese 34.11,16, Luk 19.10“Kalu gi us konamio꞉ imilig noma꞉yo꞉ sibiyo꞉ do꞉la꞉lowo꞉ do꞉la꞉fo꞉ bo꞉fo꞉la꞉ga꞉, ho꞉len no amio꞉ sibi imilig nowo꞉ kelege dowalega, eyo꞉ waga dimidama꞉iba? Eyo꞉ sibi do꞉la꞉lowo꞉ agado꞉ a꞉la꞉ta꞉ga꞉ agado꞉la꞉fo꞉ nolo꞉ fugus na꞉ melea꞉ki ha꞉la꞉ ka ta꞉ta꞉sa꞉ga꞉, sibi kelege dowo꞉ a꞉no꞉ keda꞉i ha꞉na꞉ib. 5-6 Sibi a꞉no꞉ ba꞉dalikiyo꞉, e mada sagala꞉sa꞉ga꞉, sibi a꞉no꞉ ta꞉ulia꞉ga꞉, kelena dia꞉fo꞉ mia꞉ib. E amisa꞉na a꞉ma꞉la꞉ fa꞉la꞉dowakiyo꞉, ene miliyo꞉ ho꞉le kegea꞉sa꞉ga꞉ a꞉la꞉sa꞉ma꞉ib, ‘Ni sibi ko꞉lo꞉ kelege dowo꞉ a꞉no꞉ ba꞉da꞉ga꞉ dia꞉mio꞉ ko꞉lo꞉, giliyo꞉ ne o꞉lia꞉yo꞉ sagalema.’ 7 A꞉la꞉do꞉ go꞉ o꞉leaumbo꞉, kalu do꞉la꞉lowo꞉ agado꞉ a꞉la꞉ta꞉ga꞉ agado꞉la꞉fo꞉ a꞉no꞉ ini asulo꞉ amio꞉ digalo꞉ dowo꞉ a꞉laki, asulo꞉ nodoma꞉no꞉wo꞉ mo꞉dowo꞉, a꞉la꞉do꞉ asulab i o꞉mo꞉wo꞉ Hebeneyo꞉ mo꞉sagalema꞉ib. Ko꞉sega mogago꞉lo꞉ dimida꞉sen kalu imilise nowo꞉ asugo꞉ nodola꞉sa꞉ga꞉, Godelo꞉wa ha꞉nalikiyo꞉, Hebene a꞉namio꞉ sagalo꞉wo꞉ mada alan doma꞉ib.”

8 Ya꞉su eyo꞉ to nolo꞉ bale sa꞉laki a꞉la꞉wido꞉, “Ga imilig noma꞉yo꞉ silba mole uso꞉ do꞉la꞉fo꞉ ko꞉lo꞉ ta꞉lisen.* Mole us imilig we ho꞉len imilig amilo꞉ kaluwa꞉ nanog diab amilo꞉ kililiano꞉ o꞉m. Eyo꞉ mole imilig nowo꞉ sulu ha꞉nalega, waga dimidama꞉iba? Eyo꞉ nafayo꞉ do꞉la꞉sa꞉ga꞉, ayo꞉ ta꞉ba꞉liki, dinafa keda꞉i ha꞉na꞉ib. 9 Mole a꞉no꞉ ba꞉dalikiyo꞉, ene miliyo꞉ ho꞉le kegea꞉sa꞉ga꞉ a꞉la꞉sa꞉ma꞉ib, ‘Ni mole sulu ane a꞉no꞉ a꞉di ko꞉lo꞉, giliyo꞉ ne o꞉lia꞉yo꞉ sagalema.’ 10 A꞉la꞉do꞉ go꞉ o꞉leaumbo꞉, mogago꞉lo꞉ dimida꞉sen kalu imilise nowo꞉ asugo꞉ nodola꞉sa꞉ga꞉, Godelo꞉wa ha꞉nalikiyo꞉, Godeya꞉ ene ma꞉mula꞉ kalu iyo꞉ sagalo꞉wo꞉ alan dowab.”

11 Ya꞉su eyo꞉ to nolo꞉ bale sa꞉lakiyo꞉ a꞉la꞉wido꞉, “Kalu noma꞉yo꞉ kalu so꞉wa a꞉la꞉ ko꞉lo꞉ elen. 12 Kalu so꞉wa tif a꞉ma꞉yo꞉ iyamo꞉wo꞉ a꞉la꞉sio꞉, ‘Do, gi dabun kelego꞉ ko꞉ aloba꞉da꞉sa꞉ga꞉, heb nilo꞉ dia꞉no꞉ aumbo꞉ dimina.’ A꞉la꞉sa꞉labiki, iyaya꞉yo꞉ kelego꞉ a꞉no꞉ aloba꞉da꞉sa꞉ga꞉, so꞉wa a꞉la꞉mo꞉ dimi. 13 Ho꞉len a꞉la꞉se dota꞉ga꞉yo꞉, so꞉wa tif a꞉ma꞉yo꞉ ene kelego꞉ o꞉lia꞉ mole o꞉lia꞉yo꞉ dimidalia꞉ga꞉, heno꞉ ko꞉na꞉ ha꞉na꞉ni ane. Hen a꞉na silikiyo꞉, yo꞉le dowaki ene moleyo꞉ wala꞉. 14 Moleyo꞉ tambo kedetabikiyo꞉, hen a꞉no꞉ tambo molofa alan fa꞉la꞉dowaki, maiyo꞉wo꞉ alan dowo꞉ ko꞉lo꞉, so꞉wa a꞉no꞉ ma꞉no꞉ ma꞉no꞉wo꞉ aundo꞉ma dowo꞉. 15 A꞉la꞉gabiki so꞉wa a꞉no꞉ hendo꞉ biso꞉ kalu noma꞉ nanog dian kalu dowo꞉. A꞉la꞉ta꞉ga꞉ kalu a꞉ma꞉yo꞉ ene kabo bo꞉fo꞉melea꞉ki, kabolo꞉ dowa꞉sen a꞉na iliga꞉fo꞉. 16 So꞉wa a꞉no꞉ kabowa꞉lo꞉ ma꞉no꞉ na꞉lab a꞉no꞉ ba꞉da꞉sa꞉ga꞉yo꞉, elo꞉ ma꞉no꞉ asulo꞉. Ko꞉sega, kalu imilig noma꞉yo꞉ emo꞉wo꞉ ma꞉no꞉wo꞉ mo꞉dimi.

17 “So꞉wa a꞉ma꞉yo꞉ asulo꞉ nafayo꞉ a꞉dia꞉sa꞉ga꞉yo꞉, enena꞉ma꞉la꞉ asulaki a꞉la꞉sio꞉, ‘Ni dowa꞉ nanogdo꞉ dia꞉sen kalu iyo꞉ ma꞉no꞉ ma꞉no꞉wo꞉ modo꞉ dowaki o꞉li na꞉sen ko꞉sega, ne wenamio꞉ maiyo꞉ soma꞉ni mio꞉lo꞉b. 18-19  Song 51.4A꞉la꞉fo꞉ko꞉lo꞉ ne hen we ta꞉ta꞉sa꞉ga꞉, dolo꞉wa a꞉ma꞉la꞉ ha꞉na꞉nigo꞉l. A꞉na fa꞉la꞉dowakiyo꞉, emo꞉wo꞉ a꞉la꞉sa꞉ma꞉no꞉, “Do, niyo꞉ Gode Hebenelo꞉ a꞉lab o꞉mo꞉wo꞉lo꞉, gemo꞉wo꞉lo꞉ mogago꞉ dimido꞉ ko꞉lo꞉, ne wa꞉kabiyo꞉ gi so꞉wa a꞉la꞉sa꞉ma꞉no꞉wo꞉ mo꞉ililo꞉. Giyo꞉ ne go꞉no꞉n nanogdo꞉ dian kalu o꞉ngo꞉ ta꞉foma.” ’ 20 So꞉wa a꞉ma꞉yo꞉ a꞉la꞉asulakiyo꞉, e dasila꞉sa꞉ga꞉ iyalo꞉wa a꞉ma꞉la꞉ mio꞉.

“Ko꞉sega e ko꞉na꞉lo꞉ yab a꞉no꞉ ba꞉da꞉ga꞉yo꞉, iyaya꞉yo꞉ ha꞉fo꞉ disa꞉laki, nofolo꞉wo꞉ alan dowo꞉ ko꞉lo꞉, so꞉walo꞉wa nai ha꞉na꞉sa꞉ga꞉, a꞉na fafulaki mimilo꞉. 21 A꞉la꞉dimidabikiyo꞉ so꞉wa a꞉ma꞉yo꞉ iyamo꞉wo꞉ a꞉la꞉sio꞉, ‘Do, niyo꞉ Gode Hebenelo꞉ a꞉lab o꞉mo꞉wo꞉lo꞉, gemo꞉wo꞉lo꞉ mogago꞉ dimido꞉ ko꞉lo꞉, ne wa꞉kabiyo꞉ gi so꞉wa a꞉la꞉sa꞉ma꞉no꞉wo꞉ mo꞉ililo꞉.’ 22 Ko꞉sega iyaya꞉yo꞉ ene nanogdo꞉ dian kalu imo꞉wo꞉ a꞉la꞉sio꞉, ‘Gio꞉ bo꞉e ha꞉na꞉sa꞉ga꞉, so꞉g sa꞉ga꞉lan sambo nafale a꞉no꞉ dia꞉ya꞉sa꞉ga꞉, eya sa꞉ga꞉le alifoma. A꞉la꞉ta꞉ga꞉ go꞉fo꞉ ki dagi gasa amilo꞉ ka꞉lan o꞉lia꞉ budi o꞉lia꞉ a꞉no꞉lo꞉ eya kalifoma. 23 Nililo꞉ kao kalofo nafale saefa꞉ a꞉no꞉ tililia꞉ ya꞉sa꞉ga꞉, sa꞉mba꞉ni hamana. Nio꞉ tambo sagalaki ma꞉niki. 24  A꞉fe 2.1,5Mo꞉wo꞉ ni sowa꞉ we sowo꞉ ko꞉sega e mela꞉no꞉wo꞉ a꞉dia꞉sa꞉ga꞉ a꞉lab. E kelege dowo꞉ ko꞉sega o꞉go꞉ niyo꞉ a꞉ma꞉la꞉ a꞉di.’ A꞉la꞉sa꞉la꞉sa꞉ga꞉yo꞉ iyo꞉ ma꞉no꞉wo꞉ uta꞉sa꞉ga, tambo nakiyo꞉, sagalo꞉wo꞉ alan dowo꞉.

25 “Ho꞉len a꞉namio꞉ inso꞉ wa꞉la꞉b a꞉no꞉ egelo꞉wa nanog dia꞉len ko꞉lo꞉, e a꞉ma꞉la꞉ ayamio꞉ ko꞉na꞉ma fa꞉la꞉doma꞉no꞉ dowaki dabu amio꞉, kaluka꞉isaleyo꞉ sagala꞉sa꞉ga꞉ yababi diaki, ilibo꞉ sa꞉ndabiki dabu. 26 A꞉la꞉fo꞉ko꞉lo꞉ eyo꞉ nanogdo꞉ dian kalu nowo꞉ ho꞉lelia꞉sa꞉ga꞉, emo꞉wo꞉ ‘ko o꞉b ko꞉lo꞉ fa꞉la꞉dowabi dimidaba?’ a꞉la꞉dabu ba꞉ba꞉. 27 Nanog kalu a꞉ma꞉ sa꞉laki, ‘Gaowo꞉ a꞉ma꞉la꞉ mio꞉ ko꞉lo꞉, go꞉la꞉yo꞉ kaowo꞉ sa꞉nda꞉sa꞉ga꞉ sagalaki dimidab.’ 28 Ko꞉sega so꞉wa wa꞉la꞉b a꞉no꞉ towo꞉ da꞉da꞉sa꞉ga꞉yo꞉, e gadio꞉wo꞉ alan dowaki, sagala꞉likilo꞉ dowab us a꞉namio꞉ mo꞉tiane. Iyayo꞉ ha꞉la꞉ya handalota꞉ga꞉, e usa mena꞉ki ha꞉nola꞉liki sa꞉la꞉len. 29 Ko꞉sega eyo꞉ iyamo꞉wo꞉ a꞉ma꞉la꞉yo꞉ a꞉la꞉sio꞉, ‘Dabuma! Donayo꞉ modo꞉wo꞉ ne gi nanog dian kalu o꞉ngo꞉ iliki, nanogo꞉ halaido꞉ dia꞉sen. Niyo꞉ to gilo꞉ sa꞉lab imilig nowo꞉ mo꞉ta꞉ta꞉sen. Ko꞉sega giyo꞉ ne no꞉no꞉n mili o꞉lia꞉ sagalaki maiya꞉kiyo꞉, no꞉ goudi nowo꞉ nemo꞉wo꞉ mada mo꞉sana mia꞉sen. 30 Ko꞉sega so꞉wa gilo꞉ koma꞉yo꞉, e uwo꞉ dia꞉liki mole gilo꞉wo꞉ e wala꞉sa꞉ga꞉, a꞉ma꞉la꞉ yab amio꞉, giyo꞉ e sagale alitakiyo꞉, kao kalofo nafale saefa꞉ a꞉no꞉ sa꞉ndaki, ma꞉no꞉wo꞉ a꞉na utab.’

31 “A꞉la꞉sa꞉labiki iyaya꞉yo꞉ a꞉ma꞉la꞉bo꞉ a꞉la꞉sio꞉, ‘Ni so꞉wa, ge ho꞉leno꞉ tambo ne o꞉lia꞉ wena elen ko꞉lo꞉, kelego꞉ nilo꞉ da꞉lab we tambo gino꞉ ko꞉lo꞉lab. 32 Ko꞉sega gao sowo꞉ a꞉no꞉, mela꞉no꞉wo꞉ a꞉dia꞉sa꞉ga꞉ a꞉lab. E kelege dowo꞉ ko꞉lo꞉, naino꞉ e a꞉ma꞉la꞉ a꞉di. A꞉la꞉fo꞉ko꞉lo꞉ niliyo꞉ sagala꞉liki ma꞉no꞉ ma꞉no꞉wo꞉ nafale dowo꞉ ko꞉lo꞉lab.’ ”