1  Madi 24.11, Yud 1.4Tamin amio꞉ Isolael kaluka꞉isale ilo꞉ sen us a꞉namio꞉, madalilo꞉ dinali sa꞉lan kaluwo꞉ elen ko꞉lo꞉, o꞉go꞉lo꞉ gi usamio꞉ madali tolo꞉ walama꞉no꞉wo꞉ doma꞉ib. Iyo꞉ gilo꞉ a꞉lab a꞉na wo꞉no꞉le dofo꞉liki, tilidabu gililo꞉wo꞉ mogagima꞉kiyo꞉, iliyo꞉ man ko꞉li ko꞉lilo꞉ inido꞉ asulo꞉ a꞉no꞉ madali gimo꞉ walama꞉ib. Nili misa꞉ kalu Ya꞉su eyo꞉, iyo꞉ a꞉ma꞉la꞉ kililiaki sowo꞉ ko꞉sega, kalu i wema꞉yo꞉ e gola ba꞉daki, fa꞉s dimia꞉sen. A꞉la꞉do꞉ dimidab a꞉na ilikiyo꞉, Gode eyo꞉ iyo꞉ bo꞉e falasila꞉ma꞉ib. 2 Tilidabu kaluka꞉isale modo꞉wo꞉ sendeloma꞉no꞉ uwo꞉ dian man ililo꞉ widab a꞉no꞉ kudu ha꞉na꞉ib ko꞉lo꞉, tilidabu kaluka꞉isale ililo꞉ man mogago꞉ dimidama꞉ib a꞉no꞉ ha꞉la꞉ kaluka꞉isaleyo꞉ ba꞉da꞉sa꞉ga꞉, to hendelelo꞉ kudu ha꞉nan man a꞉no꞉ ko꞉lo꞉ dio꞉ge sa꞉ma꞉ib. 3 Kalu i wema꞉yo꞉ moleyo꞉ ge amilo꞉ da꞉labo꞉ mesela꞉sa꞉ga꞉ susudakiyo꞉, inin asulo꞉wa꞉yo꞉ madali to nolo꞉ malolaki gimo꞉ walama꞉ib. Tamin amio꞉ Gode eyo꞉ iyo꞉ mo꞉walila꞉sa꞉ga꞉, wa꞉dema꞉no꞉wo꞉ da꞉fe alifa꞉. A꞉la꞉ta꞉ga꞉ wa꞉dema꞉no꞉ a꞉no꞉ o꞉yasisab ko꞉lo꞉, ilo꞉ mogagila꞉ma꞉no꞉ ho꞉len a꞉no꞉ fa꞉la꞉doma꞉no꞉wo꞉ ko꞉na꞉ma dowab.

4  Yud 1.6Gode eyo꞉ madali tolo꞉ widan kalu i a꞉no꞉ hendele wa꞉dema꞉ib a꞉la꞉bo꞉ giliyo꞉ o꞉li asuluma꞉ib. Mo꞉wo꞉ ma꞉mula꞉ kalu nolo꞉ yo꞉le dowabikiyo꞉, Gode eyo꞉ iyo꞉ ga꞉li mesea꞉kiyo꞉ mo꞉ta꞉fo꞉. Ko꞉sega Gode eyo꞉ iyo꞉ de hena iliga꞉taki, mo꞉walilima꞉no꞉ ho꞉len a꞉no꞉ yasilakiyo꞉, sa꞉niya꞉ galola꞉sa꞉ga꞉yo꞉ sololi hen a꞉na ta꞉fo꞉lab. 5  Mo꞉mo꞉ 6–8, 2Bid 3.6A꞉la꞉ta꞉ga꞉ Noa elo꞉ elen ho꞉len a꞉namio꞉, Gode eyo꞉ mogago꞉lo꞉ dimida꞉len kaluka꞉isale i a꞉no꞉lo꞉ ga꞉li hamana꞉kiyo꞉ mo꞉ta꞉fo꞉. Gode eyo꞉ kaluka꞉isale i a꞉no꞉ ho꞉na꞉ yasala꞉ma꞉ki ta꞉fo꞉. Ko꞉sega man digalo꞉lo꞉ wida꞉len kalu Noa, e o꞉lia꞉ ene so꞉lo꞉ doma꞉la꞉fo꞉ o꞉lia꞉yo꞉, Gode eyo꞉ asuwa꞉taki wo꞉no꞉le ta꞉fo꞉. 6  Mo꞉mo꞉ 19.24, Yud 1.7A꞉la꞉ta꞉ga꞉ Gode eyo꞉ hen a꞉la꞉ Sodom o꞉lia꞉ Gomola o꞉lia꞉yo꞉ falasilaki, deya꞉ nakiyo꞉ go꞉mde ta꞉fo꞉. Gode eyo꞉ kaluka꞉isale mogago꞉lo꞉ dimida꞉len o꞉mo꞉lo꞉ dimido꞉ a꞉no꞉, tif amilo꞉ kaluka꞉isale mogago꞉lo꞉ dimida꞉lab nol a꞉ma꞉yo꞉ Gode eyo꞉ imo꞉wo꞉lo꞉ a꞉la꞉dimidama꞉nigabo꞉lo꞉b a꞉la꞉bo꞉ asuluma꞉kiyo꞉ hagugaki dimido꞉. 7  Mo꞉mo꞉ 19.1-16Ko꞉sega Lod e digalo꞉ kalu ko꞉lo꞉, e uwo꞉ man, ko꞉li ko꞉lilo꞉lo꞉ dimida꞉lab us a꞉na ilikiyo꞉, kele asula꞉len ko꞉lo꞉, Gode eyo꞉ e asuwa꞉taki, ga꞉li hamana꞉ki ta꞉fo꞉. 8 Lod e ho꞉leno꞉ tambo mogago꞉ kalu i o꞉lia꞉ ilikiyo꞉, man mogago꞉ ililo꞉ dimida꞉lab a꞉no꞉ ba꞉da꞉len a꞉la꞉ta꞉ga꞉, to mogago꞉ ililo꞉ sa꞉la꞉lab a꞉no꞉lo꞉ e da꞉da꞉len. Lod e digalo꞉ kalu ko꞉lo꞉ e kele asulaki mada hida꞉ya꞉len. 9 A꞉la꞉go꞉ko꞉lo꞉ gio꞉ dinafa asuluma. Gode eyo꞉ digalo꞉ kaluka꞉isaleyo꞉ hida꞉yo꞉ us amilo꞉ dowab a꞉no꞉ asuwa꞉taki, ga꞉li mesea꞉kilo꞉ ta꞉fa꞉no꞉wo꞉ e asulo꞉ ko꞉lo꞉lab. A꞉la꞉ta꞉ga꞉ Gode eyo꞉ kaluka꞉isale mogago꞉lo꞉ dimida꞉len o꞉mo꞉lo꞉ falasilakilo꞉ dimia꞉i a꞉la꞉li ha꞉na꞉sa꞉ga꞉lo꞉, mo꞉walilima꞉no꞉ ho꞉len a꞉no꞉ ilili alifa꞉no꞉wo꞉, Gode e asulo꞉ ko꞉lo꞉lab. 10  Yud 1.7-8,16Mogago꞉lo꞉ dimida꞉lab kaluka꞉isale us a꞉namio꞉, do꞉mo꞉wa꞉lo꞉ mogago꞉ dimidama꞉no꞉ asulab aundo꞉ dimida꞉sen o꞉lia꞉ misa꞉ kalu o꞉lia꞉lo꞉ a꞉la꞉iyaki, yo꞉le dowa꞉sen i o꞉mo꞉wo꞉ Gode eyo꞉ halaido꞉ falasila꞉ma꞉ib.

Madali tolo꞉ widan kalu i a꞉no꞉ kailaki, kalu nolba꞉ ha꞉g amio꞉ mo꞉dowa꞉sen ko꞉lo꞉, iliyo꞉ mama halaido꞉lo꞉ a꞉lab o꞉mo꞉wo꞉ o꞉ngo꞉malo꞉ a꞉gaki, dio꞉ge sa꞉ma꞉no꞉wo꞉ mo꞉tagila꞉sen. 11  Yud 1.9Iliyo꞉ a꞉la꞉dimida꞉sen ko꞉sega, madali tolo꞉ widan kalu ili halaido꞉ a꞉no꞉, halaido꞉ alan ma꞉mula꞉ kalu i a꞉ma꞉lo꞉ma꞉ tinio꞉. Ko꞉sega ma꞉mula꞉ kalu iliyo꞉ mogago꞉ towo꞉ mama halaido꞉lo꞉ a꞉lab o꞉mo꞉wo꞉ Alana꞉ siwa꞉l amio꞉ mo꞉dio꞉ge sa꞉la꞉sen. 12  Yud 1.10Ko꞉sega madali tolo꞉ widan kalu i wema꞉yo꞉ kelego꞉ ilo꞉ mo꞉fanda asululiab a꞉no꞉ dio꞉ge sa꞉la꞉sen. No꞉ hena꞉ usamilo꞉ san a꞉ma꞉yo꞉ asulo꞉ enedo꞉wo꞉ mo꞉aloba꞉daki, man enedo꞉le a꞉no꞉ko꞉ kudu ha꞉na꞉lab. Kalu i a꞉ma꞉yo꞉lo꞉ no꞉wa꞉ man o꞉leo꞉ngo꞉ dimida꞉lab. Iyo꞉ henfelo꞉ wena sa꞉la꞉lima꞉kilo꞉ ta꞉fo꞉ a꞉ma꞉ mo꞉wo꞉ we. No꞉ ta꞉la꞉iyo꞉ ko꞉lo꞉ ta꞉lia꞉sa꞉ga꞉lo꞉ sa꞉ndan o꞉leaumbo꞉, Gode eyo꞉ kalu i a꞉no꞉lo꞉ a꞉la꞉ yasala꞉ma꞉ib. 13 Iliyo꞉ kalu nolbo꞉wo꞉ man mogago꞉ dimida꞉lab ko꞉lo꞉, iyo꞉ a꞉ma꞉ wa꞉lo꞉ mogago꞉ o꞉leo꞉ngo꞉ ka dia꞉ib. Iyo꞉ mo꞉sendelowaki, man mogago꞉ ko꞉li ko꞉lilo꞉wo꞉ ho꞉lena dimidama꞉no꞉ asula꞉sen. Gio꞉ ua kegea꞉sa꞉ga꞉ ma꞉no꞉ na꞉sen amio꞉, iliyo꞉ yo꞉ido꞉ man dimidakiyo꞉, kegeo꞉ wema꞉ wiyo꞉ ili mogagilaliki, gio꞉ sendelo alita꞉sen. 14 Iliyo꞉ ho꞉leno꞉ tambo gayo꞉ mesela꞉li sinagea꞉likiyo꞉, uwo꞉ dia꞉no꞉wo꞉ mada alan asula꞉sen. Iyo꞉ mogago꞉ dimidama꞉no꞉ asulo꞉ a꞉no꞉ mo꞉edaki, dimida꞉mela꞉no꞉ asula꞉sen. Iliyo꞉ kaluka꞉isale tilidabuwo꞉ halaido꞉lo꞉ mo꞉dowab a꞉no꞉ susululia꞉ga꞉, mogago꞉ dimidama꞉ki ta꞉ta꞉sen. Meselan man a꞉no꞉ inin asulo꞉ amio꞉ wa꞉lifo꞉. A꞉la꞉fo꞉ko꞉lo꞉ iyo꞉ Godeya꞉ gadio꞉ ha꞉g a꞉na dowab. 15  Nam 22.7, Yud 1.11, Kala 2.14Iliyo꞉ tog digalo꞉wo꞉ kata꞉ta꞉ga꞉, hala ane. Iyo꞉ Beowa꞉ inso꞉ Balam elo꞉ dimido꞉ a꞉no꞉ ko꞉lo꞉ kudu ane. Balam eyo꞉ man mogago꞉ elo꞉ dimido꞉ a꞉namio꞉ wa꞉lo꞉ e moleya꞉ kililima꞉kiyo꞉ alan asulo꞉. 16  Nam 22.28-35Ko꞉sega Balam e hala dimidab a꞉la꞉likiyo꞉, donkiya꞉ emo꞉ gadi sio꞉. Donkiyo꞉ kaluwa꞉ toleyo꞉ mo꞉sa꞉la꞉sen ko꞉sega, Balam elo꞉ asugdo꞉ma dowakilo꞉ hala dimidama꞉no꞉ dowab a꞉no꞉ ka꞉laki, Gode eyo꞉ donkimo꞉wo꞉ towo꞉ sama꞉ki ta꞉fo꞉.

17  Yud 1.12-13Madali tolo꞉ widan kalu i a꞉no꞉ o꞉ngo꞉malo꞉ngo꞉ dowab. Iyo꞉ ho꞉n si ko꞉lo꞉ dalili o꞉ngo꞉, a꞉la꞉ta꞉ga꞉ kol ko꞉lo꞉ fufa yakilo꞉ dia꞉gane o꞉ngo꞉ dowo꞉. Gode eyo꞉ ilo꞉ mesa꞉no꞉ heno꞉ sololi alan a꞉no꞉ ko꞉lo꞉ dimidaifo꞉lab. 18 Mo꞉wo꞉ to ililo꞉ widab a꞉no꞉ dabu amio꞉ nafale dabu ko꞉sega, to ha꞉g a꞉no꞉ o꞉ngo꞉malo꞉ngo꞉ dowab. Ho꞉gi tilidabu kaluka꞉isale i a꞉no꞉, tamin amio꞉ halalo꞉ dimida꞉sen kalu o꞉lia꞉ sen, ko꞉sega iyo꞉ sili handalota꞉ga꞉ yab amio꞉, madali tolo꞉ widan kalu iliyo꞉ uwo꞉ dian man a꞉no꞉ nafaleka꞉ a꞉la꞉liki dikili sa꞉lakiyo꞉, kaluka꞉isale i a꞉no꞉ mogago꞉wo꞉ a꞉dimidama꞉ki sendeakiyo꞉, susulu sa꞉la꞉la꞉sen. 19 Kalu i a꞉ma꞉ sa꞉lakiyo꞉, “Gio꞉ mada o꞉li ga꞉li mesa꞉ib” a꞉la꞉dinali sio꞉. Ko꞉sega kalu i a꞉no꞉ ga꞉lilo꞉ mo꞉siliki, man mogago꞉ inido꞉ dimida꞉lab a꞉ma꞉yo꞉ iyo꞉ dibolowa disa꞉ ko꞉lo꞉lab. Mo꞉wo꞉ man o꞉bo꞉ngo꞉ma꞉ya꞉le kalu bo꞉fo꞉likilo꞉ tililia꞉ ha꞉na꞉lab a꞉ma꞉yo꞉, kalu a꞉no꞉ dibolowa disa꞉fo꞉lab. 20  Madi 12.45Kalu abeyo꞉ Alan Ya꞉su Keliso, nilo꞉ gasili a꞉no꞉ fanda asululiabiyo꞉, iyo꞉ henfelo꞉ man mogago꞉ a꞉namilo꞉ eleno꞉ sili alifa꞉. Ko꞉sega kalu i a꞉no꞉ man mogago꞉wo꞉ wa꞉ka a꞉dimidama꞉no꞉ ha꞉nalega, iyo꞉ dafa amilo꞉ walalano꞉ a꞉ngab ko꞉lo꞉, man a꞉ma꞉yo꞉ iyo꞉ halaido꞉ bo꞉fo꞉lab. Tamin amio꞉ kalu i a꞉no꞉ mogago꞉ elen ko꞉sega, o꞉go꞉ mada mogago꞉le a꞉lab.

21  Luk 12.47-48Iyo꞉ Godeya꞉ to man hendeleyo꞉ mo꞉asulo꞉ kibo꞉bowo꞉, iyo꞉ hida꞉yo꞉ alano꞉ mo꞉domabe. Ko꞉sega iyo꞉ to nafa iliga꞉felo꞉ kaluwa꞉lo꞉ wido꞉ a꞉no꞉ asululia꞉sa꞉ga꞉yo꞉, o꞉go꞉ iyo꞉ fa꞉s dimia꞉sa꞉ga꞉, a꞉ma꞉la꞉ ha꞉la꞉ya ane ko꞉lo꞉, Gode eyo꞉ iyo꞉ mada halaido꞉ wa꞉dema꞉ib. 22  Sndn 26.11Man ililo꞉ dimidab a꞉ma꞉yo꞉ kaluwa꞉lo꞉ to sa꞉la꞉sen we hendele a꞉la꞉widakigab.