87
Egvu-ọma, ụnwu Kora gụru
1 Ojejoje tụwaru ọkpa-alị
ụlo iya l'eli ugvu, dụ nsọ.
2 Ojejoje yeru Záyọnu obu;
karia ẹge o yeru iphe
bụkpo ẹke ọdo,
ụnwu Jékọpu bu.
3 Nggụbe eze mkpụkpu kẹ Nchileke;
e kfukashitsua k'iphe biribiri ngu:
4 “Ndu Réhabu; mẹ ndu Bábyilọnu;
bẹ mu gụakwaru ye lẹ ndu maru mu nụ.
Ndu Filísutiya; ndu Táya;
mẹ ndu Kúshi;
bẹ mu gụkobekwaru iya phụ.
Ndu ono l'ẹphe ha;
bẹ aa-gụkotaru ye lẹ ndu a mụru lẹ Záyọnu.”
5 Aa-nọdu ekfu kẹ Záyọnu; sụ:
“L'onye ọwaa yẹle onye ọphu;
b'a mụkwaru lẹ Záyọnu.
Ọ bụ Ọkaribe-Kakọta-Nụ
l'onwiya e-me iya t'ọ ngụru angụru.”
6 Ojejoje e-de l'ẹkwo, o deru ẹpha ndiphe; sụ:
“L'onye ọwaa b'a mụru lẹ Záyọnu.”
7 Ndu agụ egvu; mẹ ndu ete iya
etete a-tụko gụa egvu; sụ:
“Ọ bụ lẹ Záyọnu; bẹ mini ndzụ
shi l'atsọfutaru ẹphe!”